ახალი ამბები
„ქუთაისის მერიას არ აქვს ბაზები სასტუმროების, ტრანსპორტის, მშენებარე ობიექტების შესახებ“
FaceBook

ქუთაისის მერია ღია მონაცემების სტრატეგიის დანერგვას იწყებს. დოკუმენტი დღეს დემოკრატიული ჩართულობის ცენტრში განიხილეს.



სტრატეგია გულისხმობს,  როგორც მუნიციპალიტეტში არსებული მონაცემების  განახლებად რეჟიმში  ხელმისაწვმდომობის უზრუნველყოფას, ასევე,  მონაცემთა ბაზების შექმნას ქალაქში მიმდინარე მშენებლობების, ტურისტული ობიექტების, სასტუმროების, მუნიციპალური ტრანსპორტისა  და სხვა ტიპის მონაცემების მიხედვით. დამუშავებული ბაზებით კი სპეციალური, მობილური აპლიკაციები უნდა შეიქმნას.


სტრატეგიას ქუთაისის მერია USID -ის „კარგი მმართველობის პროგრამის“ ფარგლებში ახორციელებს.

USID -ის პროგრამების დირექტორის, ვალერი ავალიშვილის თქმით, ამ მიმართულებით ქუთაისის მერიას მნიშვნელოვანი გამოწვევები აქვს. ყველაზე მნიშვნელოვანი პრობლემა კი, სწორედ ბაზების არარასებობაა.


„ქუთაისის მერიას არ აქვს აღწერილი, მაგალითად,  ქალაქში სად რა შენდება, ვინ აწარმოებს ამ პროცესს და ვინ არის პასუხისმგებელი მის  ზედამხედველობაზე. არ არსებობს არანაირი დოკუმენტი, სადაც აღრიცხული იქნება სად ჩერდება  მუნიციპალური ტრანსპორტი და  რომელ საათზე.  არ არის ჰოსტელების, სასტუმროების ბაზები. პირველად რომ ჩამოვა ტურისტი ქალაქში, მას აპლიკაციის საშუალებით უნდა შეეძლოს ნახოს რომელია ყველაზე კარგი სასტუმრო. მეორე საკითხია მუნიციპალიტეტში მართვის საჯაროობა და განახლებად რეჟიმში ინფორმაციის ხელმისაწვდომობა. მაგალითად, დაინტერესებულ პირებს, მათ შორის ჟურნალისტებს, ენჯეოებს,  საშუალება უნდა ჰქონდეთ განახლებად რეჟიმში ადევნონ თვალი ბიუჯეტის ხარჯვის პროცესს, ასევე, ღია და განახლებადი უნდა იყოს ინფორმაცია შესყიდვების შესახებ. ეს არის ის სამუშაოები, რაც პირველ ეტაპზე უნდა ჩაატაროს მუნიციპალიტეტმა, რათა შემდგომ უკვე გადავიდეთ აპლიკაციების შექმნის პროცესზე“, - განაცხადა USID -ის პროგრამების დირექტორმა, ვალერი ავალიშვილმა.



სტრატეგიის განხილვას ესწრებოდა ქუთაისის მერის მოადგილე, ნინო თვალთვაძე. მისი თქმით, პირველ ეტაპზე მერია თანამშრომლების ამ მიმართულებებით გადამზადებას უზრუნველყოფს.

მოხდა გარკევული გამოწვევების იდენტიფიცირება, მათ შორის საუბარია სისტემატიზაციაზე, თანამშრომლების გადამზადებასა და კომპეტენციაზე, რომელიც  მნიშვნელოვანი ფაქტია იმისათვის, რომ კიდევ უფრო ღია და ანგარიშვალდებული  გახდეს ქუთაისის მუნიციპალიტეტი“, - განაცხადა ნინო თვალთვაძემ.

ქუთაისი, თბილისისა და ახალციხის შემდეგ,  მესამე ქალაქი იქნება, სადაც ღია მმართველობის  სტრატეგია დაინერგება. სტრატეგიაზე სამუშაოდ  ქუთაისს ორწლიანი ვადა აქვს.

 

FaceBook Twitter
მსგავსი სიახლეები
ქუთაისის მერიამ ბოლო ორ წელიწადში  მის მიერ დაფუძნებული
იურიდიული პირების რაოდენობა და შესაბამისად, მათი შენახვის
 ხარჯები გაზარდა.
17:25 / 23.10.2019

ქუთაისის მერიამ ბოლო ორ წელიწადში  მის მიერ დაფუძნებული იურიდიული პირების რაოდენობა და შესაბამისად, მათი შენახვის  ხარჯები გაზარდა.

ქუთაისის მერია ქალაქში მოქმედი
მუზეუმებისთვის საერთო სივრცის მოწყობის იდეაზე მუშაობს.
15:09 / 23.10.2019

ქუთაისის მერია ქალაქში მოქმედი მუზეუმებისთვის საერთო სივრცის მოწყობის იდეაზე მუშაობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისის მერია ქალაქში მოქმედი მუზეუმებისთვის საერთო სივრცის მოწყობის იდეაზე მუშაობს.
ქუთაისიპოსტი, იმერეთის მუნიციპალიტეტებში აგრძელებს ვიდეობლოგების წარმოებას, სახელწოდებით “მოქალაქის ხმა”.
რატომ ვერ ვითარდება ტურიზმი ქუთაისსა და იმერეთში  მისი პოტენციალის შესაბამისად, რას არ ან ვერ აკეთებს ადგილობრივი ხელისუფლება და რა მექანიზმები არსებობს  ისტორიულ-კულტურული ღირსშესანიშნაობების უკეთ წარმოსაჩენად - ამ საკითხებზე ქუთაისში დისკუსია გაიმართა.
სოციალურ საცხოვრისში მცხოვრები ნემსწვერიძეების 8 სულიანი ოჯახის ერთადერთი შემოსავალი ფულადი შემწეობაა, რომელიც ყოველთვიურად 540 ლარს შეადგენს.
წყალტუბოს მუნიციპალიტეტში ოჯახები აკურთხეს. ამასთან დაკავშირებით სასულიერო პირებმა წყალტუბოს ქუჩებში მსვლელობა მოაწყვეს.
ქუთაისელი ახალგაზრდების დიდი ნაწილი ქალაქს განათლების მიღებისა თუ დასაქმების მიზნით ტოვებს და დედაქალაქს სტუმრობს.
მუნიციპალური განვითარების ფონდმა 175 ერთეული ავტობუსის შესაძენად ტენდერი გამოაცხადა.
ქუთაისში, სკოლა პროგრესის წინ, სიჩქარის შემზღუდველები  ნაწილობრივ მოშლილია.