ახალი ამბები
ქუთაისის მერია ზაალ ჩაჩავას წინააღმდეგ სასამართლოში სარჩელს 11 სექტემბერს შეიტანს
FaceBook

ქუთაისის მერია „ტორპედოს“ ყოფილი პრეზიდენტის, ზაალ ჩაჩავას წინააღმდეგ,  სასამართლოს სარჩელით,  11 სექტემბერს მიმართავს.


სარჩელის შეტანამდე მერიაში კლუბის ახალ,  დროებით მმართველთან შეხვედრა გაიმართება, სადაც თემურ ჩეჩელაშვილი გუნდში  არსებულ ვითარებასა და ჩაჩავას მიერ კლუბის წინაშე არსებულ დავალიანებაზე ისაუბრებს.

პარალელურად, დღესვე, 2 საათზე მერიის ადმინისტრაციული შენობის წინ „ტორპედოს“ ფანკლუბი აქციას გამართავს და ქალაქის ხელისუფლებას ინვესტორის გარეშე დარჩენილი გუნდისთვის სახსრების მოძიებისკენ მოუწოდებს.

კლუბის გულშემატკივრები ამბობენ, რომ ფეხბურთელები სახელფასო დავალიანების გამო ვარჯიშზე გასვლაზე უარს ამბობენ და „ტორპედო“ არსებობის ბოლო წუთებს ითვლის.

„ტორპედო“ ბოლო წუთებს ითვლის. აღარ მოვითმენთ! აღარ მოვტყუვდებით! აღარ გაპატიებთ!“ - ამ შინაარსის ლოზუნგებით გამოვლენ ისინი დღეს.

კლუბში არსებულ მძიმე ფინანსურ ვითარებას ადასტურებს დროებითი მმართველი, თუმცა, უარყოფს ფანკლუბის წევრების მიერ გავრცელებულ ინფორმაციას ფეხბურთელების მიერ გეგმიურ ვარჯიშზე უარის თქმის შესახებ. თემურ ჩეჩელაშვილი ამბობს, რომ კრიზისის მიუხედავად, გუნდი 12 სექტემბერს, საჩხერეში ეროვნული ლიგის მატჩისთვის ემზადება.

„ფეხბურთელები ვარჯიშობენ და ვემზადებით ხვალისთვის საჩხერეში მატჩის ჩასატარებლად, მაგრამ  ახლა ისეთი ფინანსური ვითარებაა კლუბში, რომ არც  სასტუმროს და არც მგზავრობის ხარჯები არ იყო. 4 500 ლარი მაინც უნდა  გუნდს ერთ ასეთ თამაშზე რომ წავიდეს და რა უნდა ქნას  ამ დროს?  დღეს დილით,  საკუთარი სახსრებიდან მივეცი კლუბს  ეს თანხა, მაგრამ რამდენ ხანს გაგრძელდება ასე? გუნდს აუცილებლად სჭირდება ინვესტორი.  სასამართლოშიც სარჩელის განხილვა უნდა მოხდეს დაჩქარებული წესით და ამას არ უნდა დასჭირდეს წლები. რაც შეიძლება მალე უნდა დაიბრუნოს მერიამ კლუბი. დღეს შეხვედრა მაქვს მერიაში და ყველა ამ საკითხზე ვისაუბრებ“, - ამბობს თემურ ჩეჩელაშვილი ქუთაისიპოსტთან საუბარში.


თემურ ჩეჩელაშვილის თქმით, უკვე დათვლილია ზაალ ჩაჩავას მიერ კლუბის წინაშე არსებული დავალიანება, რაც  დაახლოებით 3 მილიონ ლარს შეადგენს.  დროებითი მმართველის ინფორმაციით, ჩაჩავას მხოლოდ ერთ ბანკთან 190 000 ევროს ვალდებულება აქვს.   კლუბის ყოფილ ინვესტორს  250 000 ლარამდე დავალიანება აქვს ქუთაისის მერიის წინაშეც. მას ამ დრომდე არ აქვს გადახდილი კლუბის საპრივატიზაციო თანხის ნაწილი 170 00 ლარის რაოდენობით, ასევე, ხელშეკრულების პირობების დარღვევის გამო დაკისრებული ჯარიმა.

აღიარებს თუ არა ზაალ ჩაჩავა კლუბისა და ქუთაისის მერიის წინაშე დავალიანების არსებობას, უცნობია. ასევე, უცნობია მისი პოზიცია სასამართლოსთან დაკავშირებით. იგი სატელეფონო ზარებს არ პასუხობს, თუმცა, ქუთაისიპოსტის ინფორმაციით, ჩაჩავა თავის მხრივ, სარჩელის შეტანას აპირებს ჩინელ ინვესტორთა ჯგუფის წინააღმდეგ, რომელსაც  იგი კლუბში ფინანსური კრიზისის მთავარ მიზეზად ასახელებდა.


ამავე თემაზე:


"ტორპედოს" ახალი დირექტორი გუნდის წევრებს შეხვდა

"ქუთაისის მერია „ტორპედოს“ ვალით არ დაიბრუნებს"

ზაალ ჩაჩავას შეუსრულებელი დაპირება - რა დაემართა „ტორპედოს“ ერთ წელიწადში

FaceBook Twitter
თეგები: #ტორპედო
მსგავსი სიახლეები
11:11 / 06.12.2019
"ქართული ოცნების" ოფისში დილიდან სიმშვიდეა, თუმცა, შტაბში უკვე არიან მობილიზებული პარტიის წევრები, მათ შორის ოფისში იმყოფება მერიის ადმინისტრაციული სამსახურის უფროსის მოადგილე შემსრულებელი, გიორგი სვანიძე.
ქუთაისის მესამე საჯარო სკოლის
მოსწავლის მშობელი პედაგოგს ბავშვის ცემაში ადანაშაულებს.
13:11 / 05.12.2019
ქუთაისის მესამე საჯარო სკოლის მოსწავლის მშობელი პედაგოგს ბავშვის ცემაში ადანაშაულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
„გაერთიანებული ოპოზიციის“ აქციაზე დღეს მომხდარ ჩხუბში მონაწილე პირებთან კავშირს უარყოფენ „ქართულ ოცნებაში“ და აცხადებენ, რომ ფიზიკურ დაპირისპირებაში ჩართულ პირებს არ იცნობენ.
ქუთაისში გაერთიანებული ოპოზიციის აქციას სტუდენტთა ნაწილიც შეუერთდა. 
რამდენიმე წუთის ქუთაისის მერიის წინ, სადაც გაერთიანებული ოპოზიციის აქციის მონაწილეები არიან შეკრებილნი ინცინდენტი მოხდა. 
ქუთაისი, რომელიც ქართული ცივილიზაციის აკვანია და რომელმაც სისხლი გადაუსხა ქვეყანას, ახლა არის მიტოვებული - გრიგოლ ვაშაძემ ქუთაისში გაერთიანებული ოპოზიციის აქციაზე. 
გაერთიანებული ოპოზიციის აქცია-მსვლელობა, რუსთაველის გამზირზე მდებარე "ქართული ოცნების" ოფისს" უახლოვდება.
რამდენიმე წუთში, გაერთიანებული ოპოზიციის აქცია-მსვლელობა, რუსთაველის გამზირზე მდებარე ქართული ოცნების" ოფისს მიუახლოვდება. 
გაერთიანებული ოპოზიციის აქცია-მსვლელობა, რუსთაველის გამზირზე მდებარე "ქართული ოცნების" ოფისს" უახლოვდება.
ქუთაისში, კიკვიძის სკვერთან მდებარე ერთ-ერრთი საცხოვრებელი კორპუსიდან გაერთიანებული ოპოზიციის მისამართით კვერცები და ცოცხალი ქათამი ისროლეს.