ახალი ამბები
ძალადობა 13 წლის ბიჭზე - ვანში ბიძას ძალადობაში ადანაშაულებენ
FaceBook

ვანის რაიონის სოფელ სულორში ბიძას დისშვილებზე ძალადობაში ადანაშაულებენ.

ქუთაისიპოსტთან საუბარში დაზარალებული ოჯახის მეზობელი ლელა ძნელაძე  ჰყვება, რომ ბიძას, დისშვილები და და  სამუშაოდ მიჰყავდა და ძალით ამუშავებდა. განსაკუთრებული ძალადობით კი, 13 წლის ბიჭის მიმართ გამოირჩეოდა.

დაზარალებული ოჯახის ერთ-ერთი წევრი გვიყვება, რომ ძალადობას  აქამდე  მძიმე სოციალური ფონის გამო ითმენდნენ. 

"ჩვენ სახლი თვეებია არ გვაქვს და ბიძასთან ვცხოვრობთ, მე, ჩემს ძმას და დედას სათბურში გვამუშავებდა და არანაირ თანხას არ გვაძლევდა. გვეუბნებოდა სახლს გიყიდითო. ერთხელ ჩემს ძმას ძრავი დარჩა ჩართული. ბიძაჩემი რომ მოვიდა და ნახა ძრავის გამორთვა დავიწყებოდა, დაძინებული ბავშვი ლოგინიდან წამოაგდო და სასტიკად სცემა. შევეცადე ჩემს ძმას დავხმარებოდი და წინ გადავუდექი, ამ დროს ბიძა მეც მომიბრუნდა და დამარტყა. ჩემმა ძმამ კი დრო იხელთა და გაიქცა. ასეთი უამრავი შემთხვევა იყო. ჩემს ძმას ყველაფერზე ეჩხუბებოდა", - ამბობს ერთ-ერთი დაზარალებული. 

ის  ჰყვება, რომ ბიჭი ამჟამად ოჯახთან ერთად მეზობლის სახლში ცხოვრობს. 

დაზარალებული ოჯახის მეზობელი ამბობს, რომ  საქმეში პოლიცია, სოციალური სამსახური და  სხვადასხვა არასამთავრობო ორგანიზაციის  წარმომადგენლები არიან ჩართულნი.

"პოლიცია რომ მოვიდა, ბავშვმა თქვა, რომ ბიძასთან დაბრუნება აღარ უნდოდა. მათ პირობა მისცეს, ბიძას დავაწერინებთ განცხადებას რომ აღარ მოგეკაროთო. ოჯახის მდგომარეობა ასევე შეისწავლეს სოციალურმა მუშაკებმაც’’- ამბობს მეზობელი ლელა ძნელაძე.

ბავშვების ბიძა მოზარდზე ძალადობის ფაქტს არ ადასტურებს. ის ამბობს, რომ წლებია დის ოჯახს ეხმარება და დასაც წამლებით უზრუნველყოფს.  

"სათბური  მაქვს, მაგრამ ძალით არავის ვამუშავებდი, რა სისულელეა, დისშვილების ჩემთვის ოჯახის წევერებივით იყვნენ და ოჯახში ხომ ყველა მუშაობს?  ჩემი მხრიდან არანაირი ძალდობა არ ყოფილა, ერთადერთხელ ვუსაყვედურე დისშვილს როცა სიგარეტით ხელში ვნახე. ის ამ დრომდე ჩემთან ცხოვრობდა და თავის ოჯახში წასვლა არ უნდოდა. როცა მშობლებს ბავშვის წაყვანა უნდოდათ, ვუთხარი წადი ბიძია- მეთქი, მაგრამ არ წავიდა. სამჯერ გავუშვი და სამივეჯერ უკან მობრუნდა. დედამისს კი ეგონა, რომ მე არ ვუშვებდი. ბავშვი ჩემი გაზრდილია", -ამბობს ბიძა. ის ამბობს, რომ პოლიციამ ყველაფერი გაარკვია და ის არაფერში არ არის დამნაშევე.

შსს-ში აცხადებენ, რომ ფაქტი შესწავლის პროცესშია, სისხლის სამართლებრივი ნიშნების გამოკვეთის შემთხვევაში კი მოხდება შესაბამისი სამართლებრივი რეაგირება. 

სულორში მცხოვრები ოთხსულიანი ოჯახი სოციალურად დაუცველია.  ოჯახის ერთადერთი შემოსავალი სოციალური შემწეობაა, რომელიც რამდენიმე თვე შეჩერებული ჰქონდათ და სექტემბრიდან უკვე ფულადი დახმარების აღება შეეძლებათ. ოჯახის დიასახლისს  მძიმე დაავადება აქვს, ხოლო მეუღლე უმუშევარია. 

მეზობლები ამბობენ, რომ გაჭირვებაში მყოფ ოჯახს დღემდე ისინი ეხმარებიან. 

FaceBook Twitter
მსგავსი სიახლეები
ქუთაისში, აღმაშენებლის #112-ში,
მეორე და მესამე კორპუსებში ერთი კვირაა ლიფტი არ მუშაობს.
21:17 / 16.09.2019
ქუთაისში, აღმაშენებლის #112-ში, მეორე და მესამე კორპუსებში ერთი კვირაა ლიფტი არ მუშაობს.
ზესტაფონში, ბიბილაშვილის ქუჩაზე,
საცხოვრებელ კორპუსში ბუნებრივი აირის გაჟონვის შედეგად გარდაცვლილი
დედა-შვილები სოფელ ილემიდან იყვნენ.
20:39 / 16.09.2019
ზესტაფონში, ბიბილაშვილის ქუჩაზე, საცხოვრებელ კორპუსში ბუნებრივი აირის გაჟონვის შედეგად გარდაცვლილი დედა-შვილები სოფელ ილემიდან იყვნენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისში, აღმაშენებლის #112-ში, მეორე და მესამე კორპუსებში ერთი კვირაა ლიფტი არ მუშაობს.
ზესტაფონში ბუნებრივი აირის გაჟონვის შედეგად დედა და ორი მცირეწლოვანი გარდაიცვალა. მათგან ერთი ორი წლის, ხოლო მეორე ოთხი წლის იყო.
ქუთაისის ლადო მესხიშვილის სახელობის სახელმწიფო პროფესიული თეატრი სეზონს ტრადიციულად 27 სექტემბერს გახსნის.
გენერალ გიორგი კვინიტაძის სახელობის კადეტთა სამხედრო ლიცეუმში სასწავლო წელი დაიწყო.
ქუთაისიპოსტი, იმერეთის მუნიციპალიტეტებში იწყებს ვიდეობლოგების წარმოებას, სახელწოდებით “მოქალაქის ხმა”.
გარემოს ეროვნული სააგენტოს ცნობით, მიმდინარე კვირას დასავლეთ საქართველოში და მათ შორის, იმერეთის რაიონში ღრუბლიანი ამინდია მოსალოდნელი.
ქუთაისის საჯარო სკოლებში, ისევე როგორც საქართველოს სხვა სასწავლო დაწესებულებებში, 2019-2020 სასწავლო წელი დაიწყო.
სოფლის მეურნეობა საქართველოსთვის მნიშვნელოვანი, მაგრამ ჯერ კიდევ კარგად აუთვისებელი შესაძლებლობაა.