ახალი ამბები
კიკვიძე თუ კოსტავა-გამსახურდია - ვინ ლიდერობს ონლაინ გამოკითხვაში
FaceBook
ქუთაისის საკრებულო სოციალურ ქსელ, ფეისბუქში ონლაინ გამოკითხვას ატარებს, ჩანაცვლდეს თუ არა ვასილ კიკვიძის ძეგლი გამსახურდია-კოსტავას ძეგლით.

ამ დროისათვის მოქალაქეების უმრავლესობა, 89%, ხმას ზვიად გამსახურდია-მერაბ კოსტავას სასარგებლოდ აძლევს. 11%-მა ხმა  ვასილ კიკვიძეს  მისცა. გამოკითხვა მიმდინარე წლის 13 აგვისტოს გამოქვეყნდა და ხუთ დღეში  დასრულდება. 



საკრებულომ ონლაინ გამოკითხვის ჩატარება მას შემდეგ გადაწყვიტა, რაც მათი განმარტებით,  მოქალაქეებმა,  კიკვიძის ძეგლის ადგილზე საქართველოს პირველი პრეზიდენტის, ზვიად გამსახურდიასა და "ეროვნული მოძრაობის" ლიდერის  მერაბ კოსტავას ძეგლების დადგმის მოთხოვნით თვითმმართველობას რამდენჯერმე მიმართეს.  

მოქალაქეთა აზრის ამ ფორმით გაგებას სოციალურ ქსელში განსხვავებული შეფასებები მოჰყვა.

"არ გრცხვენიათ, ამ კითხვით რომ მიმართავთ ქართველებს? - "გვაინტერესებს თქვენი აზრი - რას ფიქრობთ უნდა მოხდეს თუ არა ვასილ კიკვიძის ძეგლის ჩანაცვლება ზვიად გამსახურდიას და მერაბ კოსტავას ძეგლით?" ოკუპანტი სჯობია თუ ეროვნულ-განმათავისუფლებელი გმირიო რომ კითხულობთ".  "ან გამოკითხვა რად უნდა ამ საკითხს, რამდენი წლის წინ იყო ეგ ძეგლი ასაღები, საბჭოური სიმბოლიკა აკრძალულია და კიკვიძე ეროვნული გმირია თუ რატომ განიცდით ასე ძეგლის დემონტაჟს", - წერენ სოციალური ქსელის მომხმარებლები. 

კიკვიძის ძეგლის აღებასთან დაკავშირებით მერის სახელზე რეკომენდაცია მოამზადა  მრჩეველთა  საბჭომაც. საკითხს საკრებულოს კულტურის, ახალგაზრდობის და ძეგლთა დაცვის კომისიამ მხარი დაუჭირა.   

რამდენიმე თვის წინ, მოქალაქეთა შორის აღმოჩნდნენ მსურველები,  რომლებიც ვასილ კიკვიძის ძეგლის დემონტაჟში 1000 ლარის გადახდას აპირებდნენ.

ვასილ კიკვიძე 1895 წელს დაიბადა ქუთაისში. მონაწილეობდა პირველ მსოფლიო ომში. იყო მემარცხენე ესერი. 1917 წელს აირჩიეს მეომარ-რევოლუციონერთა სამხრეთ-დასავლეთ ფრონტის თავმჯდომარედ. 1917-18 წლებში ხელმძღვანელობდა წითელი არმიის ბრძოლას უკრაინაში. იბრძოდა თეთრგვარდიელების წინააღმდეგ. დაიღუპა 24 წლის ასაკში, 1919 წლის იანვარში.
FaceBook Twitter
მსგავსი სიახლეები
ქუთაისის მესამე საჯარო სკოლის
მოსწავლის მშობელი პედაგოგს ბავშვის ცემაში ადანაშაულებს.
13:11 / 05.12.2019
ქუთაისის მესამე საჯარო სკოლის მოსწავლის მშობელი პედაგოგს ბავშვის ცემაში ადანაშაულებს.
პატიმარმა, რომელიც ქუთაისის ქუთაისის N2 სასჯელაღსრულების
დაწესებულებაში ორ თვეზე მეტია შიმშილობს, პროტესტის ნიშნად პირი
ამოიკერა.
11:52 / 05.12.2019
პატიმარმა, რომელიც ქუთაისის ქუთაისის N2 სასჯელაღსრულების დაწესებულებაში ორ თვეზე მეტია შიმშილობს, პროტესტის ნიშნად პირი ამოიკერა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისში, გაერთიანებული ოპოზიიცია  6 დეკემბერს დაანონსებული აქცია-მსვლელობსითვის ემზადება.
ჭიათურელი 14 წლის დავით ჯაფარიძე კრივში ევროპის ჩემპიონი გახდა.
ქუთაისის საკრებულოს თავმჯდომარის პირველი მოადგილე ირაკლი შენგელია„ ქუთაისიპოსტთან“ საუბარში განმარტავს, რომ საკრებულოს თავმჯდომარის, ნიკა ლატარიას გადადგომასთან დაკავშირებით შეფასებას მოგვიანებით გააკეთებენ.
ამ წუთებში, ქუთაისში, პარტია "თავისუფალი საქართველოს" ოფისთან, სადაც "ქართული ოცნება" აქციას მართავს, დაპირისპირება მოხდა.
ამ წუთებში, ქუთაისში, პარტია "თავისუფალი საქართველოს" ოფისთან  ოფისთან პოლიციაა მობილიზებული.  ადგილზე "ქართული ოცნების" მხარდამჭერები აქციას მართავენ.
საქსტატის მონაცემებით, 2018/2019 სასწავლო წლის განმავლობაში, სწავლა შეწყვიტა 12 049 მოსწავლემ, რაც 2.0%-ით ნაკლებია წინა წლის ანალოგიურ მაჩვენებელზე.
საქართველოს სტატისტიკის ეროვნული სამსახურის ინფორმაციით, 2019/2020 სასწავლო წლის დასაწყისისთვის, საქართველოში სულ 2 313 ზოგად-საგანმანათლებლო დაწესებულება (სკოლა) იყო, მათ შორის 2 086 საჯარო, ხოლო 227 კერძო.  
ქუთაისიპოსტმა ხონის მუნიციპალიტეტში დისკუსია მოაწყო. შეხვედრას მოქალაქეები, ხონის მერი ლადო ჯურხაძე, სამსახურების წარმომადგენლები საკრებულოს დეპუტატებთან ერთად დაესწრენენ.