ახალი ამბები
ბაღებში ცხენის ხორცის შეტანის საქმეზე ბაგა-ბაღების გაერთიანების დირექტორი დაიკითხა
FaceBook

სამტრედიის ბაგა-ბაღებში ცხენის ხორცის შეტანისთვის ბრალდებულის, ნუგზარ მარკოიძის  სასამართლო პროცესზე,  სამტრედიის ბაღების გაერთიანების დირექტორი დაიკითხა.

 

როგორც ხათუნა გაგუამ განმარტა,  ნუგზარ მარკოიძე   შპს "ნინიკოს" სახელით  ბაღების გაერთიანებას  2015 წლიდან ამარაგებდა.  თავად ხათუნა გაგუა გაერთიანების დირექტორის პოზიციაზე 2017 წლიდან დაინიშნა. ამ დროისთვის მარკოიძემ თავის შპს-ს სახელი გადაარქვა და დაწესებულების მიერ გამოცხადებულ ტენდერში უკვე შპს "ელენიკოს" სახელით მიიღო მონაწილეობა.


ხათუნა გაგუა ამბობს, რომ კონკრეტული სამართალდარღვევის ფაქტის გამოვლენამდე მას მარკოიძის მიერ მიწოდებული ხორცის ხარისხსა და ვარგისიანობაში  ეჭვი არ შეუტანია.


"სურსათის ეროვნული სააგენტო შემოტანილი პროდუქტის შემოწმებას წელიწადში 4-5-ჯერ ახდენდა და აქამდე პროდუქციის ხარისხში ეჭვი არ შემიტანია. არ დაფიქსირებულა აღსაზრდელის მოწამვლის ფაქტი, არც თანამშრომლებს გამოუთქვამთ პრეტენზია ხორცის ვარგისიანობის შესახებ, პირიქით, ეს ხორცი ძალიან მოსწონდათ",-განაცხადა გაერთიანების დირექტორმა პროცესზე.


ნუგზარ მარკოიძე სამტრედიის ბაღების ცხენის ხორცით მომარაგებისთვის 28 თებერვალს დააკავეს.

გამოძიების ინფორმაციით, ბრალდებული აყალბებდა ხორცის ვეტერინალურ მოწმობებს ე.წ. ფორმა #2–ს და ამ გზით ბაღებში ცხენის ხორცი შეჰქონდა.

საქმეზე გამოძიება სისხლის სამართლის კოდექსის 219-ე, 210-ე და 362-ე მუხლების პირველი ნაწილებით მიმდინარეობს. ბრალის დამტკიცების შემთხვევაში ნუგზარ მარკოიძეს 2–დან 4 წლამდე პატიმრობა ემუქრება.

 

 

Print E-mail
FaceBook Twitter
მსგავსი სიახლეები
ქუთაისის მერია ორი წლის განმავლობაში უშედეგო  მცდელობის შემდეგ
დღეს დროშას აღმართავს.
10:32 / 12.08.2020
ქუთაისის მერია ორი წლის განმავლობაში უშედეგო  მცდელობის შემდეგ დღეს დროშას აღმართავს.
13:41 / 11.08.2020
"სტრატეგია აღმაშენებლის ლიდერმა, გიორგი ვაშაძემ ქუთაისში გამართულ ბრიფინგზე ტურიზმის სფეროს პრობლემებზე ისაუბრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.