ახალი ამბები
„ტორპედო“ საკუთარ მოედანზე მატჩებს ახალ სეზონამდე ვერ მიიღებს (ფოტო)
FaceBook

ქუთაისის „ტორპედო“ ფინანსური კრიზისის პარალელურად, ინფრასტრუქტურული პრობლემების წინაშე დგას.


კლუბში ბოლო წლებია მასშტაბური სარეაბილიტაციო სამუშაოები არ ჩატარებულა.


შპს „რამაზ შენგელიას სახელობის სტადიონის“ დირექტორის, თამაზ კიკვაძის თქმით, იმისთვის, რომ კლუბმა ჩემპიონთა ლიგის საკვალიფიკაციო მატჩებს უმასპინძლოს, ბაზაზე ყველაზე მცირე ერთი მილიონი ლარის ღირებულების სამუშაოები უნდა ჩატარდეს.


პროექტის მიხედვით მოედნის  ინფრასტრუქტურა  თითქმის მთლიანადაა  შესაცვლელი.












სამუშაოების პროექტირება ქუთაისის მერიამ 35 000 ლარით დააფინანსა, თუმცა,  უცნობია საიდან მოიზიდავს კლუბი  რეაბილიტაციისთვის საჭირო თანხებს.


„იმისთვის, რომ სტადიონმა უეფას მოთხოვნებს უპასუხოს, პირველ ეტაპზე  ჩასატარებელი სამუშაოების ღირებულება დაახლოებით ერთი მილიონი ლარია. ყველაფერი რომ გავაკეთოთ,  რაც პროექტითაა გათვალისწინებული, სამი მილიონი ლარი მაინც სჭირდება. ამიტომ, ჯერ მხოლოდ აუცილებელ სამუშაოებზეა საუბარი“,-ამბობს თამაზ კიკვაძე.


კლუბს ფული არც მინიმალური სამუშაოების ჩასატარებლად აქვს, ამიტომ ჯერჯერობით მხოლოდ სტადიონის რეაბილიტაცია მიმდინარეობს, რომელსაც ფეხბურთის ფედერაცია აფინანსებს.


სტადიონზე ბალახის საფარი მთლიანად იცვლება. სამუშაოების დიდი ნაწილი უკვე შესრულებულია, თუმცა, როგორც ირკვევა „ტორპედო“ საკუთარ მოედანზე ახალი სეზონის დაწყებამდე თამაშებს მაინც ვერ ჩაატარებს.


გასულ წელს, როცა „ტორპედო“ ჩემპიონთა ლიგის საკვალიფიკაციო ეტაპზე  გავიდა, მატჩების საკუთარ მოედანზე მიღება კითხვის ნიშნის ქვეშ დადგა.   საზოგადოებისა და ადგილობრივი ოპოზიციის მწვავე პროტესტის შემდეგ,  ფეხბურთის ფედერაციამ,   უეფასთან შეთანხმებით კლუბს  შეხვედრების    ჩატარების უფლება მისცა.



როგორი უნდა იყოს "ტორპედოს" სტადიონი პროექტის მიხედვით, ნახეთ აქ:


ზაალ ჩაჩავას შეუსრულებელი დაპირება - რა დაემართა „ტორპედოს“ ერთ წელიწადში

Print E-mail
FaceBook Twitter
მსგავსი სიახლეები
ქუთაისში მიკროსაფინანსო
ორგანიზაცია
15:23 / 22.09.2020
ქუთაისში მიკროსაფინანსო ორგანიზაცია "ინტელექსპრესის" ოფისი გაქურდეს, საიდანაც სეიფი მოიპარეს.
საქართველოში მიწისძვრა მოხდა.
13:00 / 22.09.2020
საქართველოში მიწისძვრა მოხდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.