ახალი ამბები
ბაღებში ცხენის ხორცის შეტანის საქმეზე ბრალდებული სასამართლომ პატიმრობაში დატოვა
FaceBook

სამტრედიის ბაღებში ცხენის ხორცის შეტანის ფაქტზე დაკავებულ ნუგზარ  მარკოიძეს,  ქუთაისის საქალაქო სასამართლომ 20 000 ლარიანი  გირაოს სანაცვლოდ გათავისუფლებაზე უარი უთხრა.


სასამართლო  შპს „ელენიკოს“ ხელმძღვანელის  საქმეზე მტკიცებულებების გამოკვლევის ეტაპზე გადავიდა.


პროცესზე მოწმის სახით საქმის ერთ-ერთი გამომძიებელი დაიკითხა.  ბრალდებულის ადვოკატი, გივი შენგელია დაინტერესდა, ვის მიჰქონდა ხორცი  ააიპ "ბაღების გაერთიანებაში"  და იყო თუ  არა პროდუქტის უშუალო მიმწოდებელი ბრალდებული. გამომძიებლის თქმით,  დაწესებულებაში  ხორცის მიტანა  შპს „ელენიკოს“ მძღოლს ევალებოდა. ამის შემდეგ დაცვის მხარე შეეცადა მძღოლის მიერ ხორცის მიზანმიმართულად შესაძლო შეცვლის ალბათობის ვერსია განევითარებია. ადვოკატმა მოწმის სახით დაკითხულ გამომძიებელს ჰკითხა, შეძლებდა თუ არა მძღოლი მანქანაში ჩატვირთული ხორცის სხვა,მაგალითად ცხენის ხორცით შეცვლას, რაზეც მოწმემ უპასუხა, რომ საქმეში მსგავსი ფაქტობრივი გარემოება არ გამოკვეთილა.


საბოლოოდ, ადვოკატის ეს მცდელობა მისი დაცვის ქვეშ მყოფისთვის გირაოს სანაცვლოდ გათავისუფლებაზე უარის თქმის ერთ-ერთი მთავარი მიზეზი გახდა.


მოსამართლემ, ირაკლი მარგველაშვილმა განმარტა, რომ მარკოიძის მიმალვის საფრთხე  მინიმუმამდეა დაყვანილი, რადგან მას არც დაკავებამდე უცდია მიმალვა და დაკითხვაზეც დაბარებისთანავე გამოცხადდა, თუმცა,  არსებობს მტკიცებულებების გაყალბებისა და მოწმეებზე ზემოქმედების საფრთხე, რის გამოც იგი პატიმრობაში უნდა დარჩეს.


„ძალიან ბევრი შეკითხვა დაისვა დღეს მძღოლზე და ეს გარკვეულწილად ზრდის იმის ალბათობას, რომ   მოხდეს ზეწოლა მოწმეებზე სასურველი  ჩვენების მიცემის და საბოლოოდ,  პასუხისმგებლობის თავიდან არიდების მიზნით“,- განაცხადა მოსამართლემ პროცესზე.


დაცვის მხარის მიერ მძღოლზე აქცენტის გადატანაზე განმარტება გააკეთა საქმის პროკურორმაც. მისი თქმით, მძღოლს ხორცი დახარისხებულ და შეფუთულ მდგომარეობაში გადაეცემოდა, რაც უშუალოდ ნუგზარ მარკოიძის ზედამხედველობის ქვეშ და მისი  მონაწილეობით ხდებოდა.




ამავე თემაზე:

ბაღების ცხენის ხორცით მომარაგების საქმეზე ბრალდებული თავს ნაწილობრივ დამნაშავედ ცნობს

სამტრედიის ბაღებში ცხენის ხორცის შეტანის საქმეზე ქუთაისის საქალაქო სასამართლოში
პროცესი გაიმართება

სამტრედიის ბაგა-ბაღებში ცხენის ხორცის შეტანისთვის ერთი ადამიანი დააკავეს

სამტრედიის ბაღებში აღსაზრდელებს ცხენისა და ვირის ხორცს აჭმევდნენ


 

FaceBook Twitter
მსგავსი სიახლეები
ქუთაისში,
12:44 / 08.12.2019
ქუთაისში, "ქართული ოცნების"  აქტივისტების მიერ კვერცხებითა და საღაბევებით დასვრილ შენობების ფასადებს ქუთაისის მერია დაასუფთავებს.  ეს დავალება ადგილობრივმა ხელისუფლებამ კულუტურული მემკვიდრეობის სააგენტოსგან მიიღო.
ქუთაისის მესამე საჯარო სკოლაში მასწავლებლის მიერ მოსწავლის შესაძლო ცემის ფაქტზე შინაგან საქმეთა სამინისტრომ გამოძიება დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისში მთავარი ნაძვის ხის მონტაჟის სამუშაოები სრულდება.
7 დეკემბერს, მესხიშვილის თეატრში მსახიობ ევა ხუტუნაშვილის 70 წლის საიუბილეო საღამო გაიმართება.
ქუთაისელმა ჟურნალისტებმა საზოგადოებრივი მაუწყებლის აჭარის ტელევიზიასა და რადიოს სოლიდარობა გამოუცხადეს.
10 დეკემბერს, ბრიტანეთის საელჩოს წარმომადგენლები ქუთაისის ცენტრალურ ბაღში მოსახლეობას შეხვდებიან.
სამტრედიის სოფელ საჯავახოში დაკარგულ მამაკაცის სამძებრო სამუშაოები დილიდან კვლავ განახლდა.
„გაერთიანებული ოპოზიციის“ აქციაზე დღეს მომხდარ ჩხუბში მონაწილე პირებთან კავშირს უარყოფენ „ქართულ ოცნებაში“ და აცხადებენ, რომ ფიზიკურ დაპირისპირებაში ჩართულ პირებს არ იცნობენ.
ქუთაისში გაერთიანებული ოპოზიციის აქციას სტუდენტთა ნაწილიც შეუერთდა. 
რამდენიმე წუთის ქუთაისის მერიის წინ, სადაც გაერთიანებული ოპოზიციის აქციის მონაწილეები არიან შეკრებილნი ინცინდენტი მოხდა.