მისი თქმით, არც მას აქვს შუშანიასთან ერთად მუშაობის სურვილი, თუმცა, იძულებულია.
ქუთაისის საკრებულოს "ნაციონალური მოძრაობის" თავმჯდომარემ, გიგა შუშანიამ საფინანსო-საბიუჯეტო კომისია პროტესტის ნიშნად დატოვა და განაცხადა, რომ არ აპირებს იმ კომისიებში მუშაობას, სადაც ნანა კოსტავა და მისი მხარდამჭერი, ალეკო ახალაძე არიან.
"ერთადერთი ვრჩები ჯანდაცვის კომისიაში და თუ იქ გადმოვლენ, იმასაც დავტოვებ", - განაცხადა გიგა შუშანია.
ნანა კოსტავამ 28 მაისს ფეისბუქის პირად გვერდზე ჟურნალისტის სალომე ბარკერის ვიდეო გააზიარა წაწერით : "კაი დღეში ხარ ახლა, იცინე ". სალომე ბარკერი ერთი თვის წინ, ლაგოდეხში ექსკურსიაზე დაღუპული 16 წლის გოგონას დაა, ვიდეოში კი ბარკერი თითზე გაკეთებული პრეზერვატივით ჯვარს გამოსახავს.
დეპუტატის პოსტს საზოგადოების
უმწვავესი რეაქცია მოყვა. სამოქალაქო აქტივისტები
საკრებულოდან მისი წასვლას დღემდე ითხოვენ.
26 ივნისის სხდომაზე კი, რომელსაც კოსტავა არ ესწრებოდა, აქტივისტებმა
პერფორმანსი მოაწყვეს სლოგანით: "ნანა წადი". პერფორმანსზე
დასწრებაზე უარი განაცხადა ალეკო ახალაძემ და პროტესტის ნიშნად
სხდომათა დარბაზი დატოვა. მისი თქმით, კოსტავას
დანაშაული არ ჩაუდენია, სამოქალაქო აქტვისტები კი მსგავს აქტივობებს
თანხის სანაცვლოდ აწყობენ. უფრო ადრე კი ალეკო ახალაძემ განაცხადა,
რომ ნანა კოსტავამ "ქართულ ოცნებას" ბევრი ხმა მოუტანა და ის თანაგუნდელების მხრიდან
მხარდაჭერას იმსახურებდა.
"ქართული ოცნების" პოლიტსაბჭოს გადაწყვეტილებით, შეიქმნება მონაცემთა ბაზა, სადაც განთავსდება ინფორმაცია იმ ადამიანების შესახებ, რომლებიც ''ძალადობაში, სხვა კანონსაწინააღმდეგო ქმედებებში, მუქარასა და შანტაჟში არიან ჩართულნი, ან ამგვარ ქმედებებს საჯაროდ იწონებენ".
მასალის გამოყენების პირობები