ახალი ამბები
ქუთაისში ელექტრომობილების საწარმოს პრეზენტაცია გადაიდო
FaceBook

ქუთაისში დაგეგმილი ელექტრომობილების ქარხნის პროექტის პრეზენტაცია, რომლის ფარგლებშიც დაგეგმილი იყო გასართობი შოუ და კონცერტი გადაიდო


აიგრუპის ინფორმაციით, ღონისძიების გადადების მიზეზი ქუთათელ - გაენათელი მიტროპოლიტის მეუფე კალისტრატეს გარდაცვალება გახდა.

„ჩვენ ვუსამძიმრებთ ოჯახს, მრევლს და მართლმადიდებელ ქრისტიანებს და ვიზიარებთ მათ წუხილს“ - აცხადებს კახა გულედანი აიგრუპის დირექტორთა საბჭოს თავმჯდომარე.

აიგრუპის ცნობითვე, ქუთაისში ელექტრომობილების საწარმოს პრეზენტაცია 26 ივნისისს ჩატარდება. 

პრეზენტაციისთვის ქუთაისს სტუმრობდა საქართველოს პრემიერ-მინისტრი მამუკა ბახტაძე. ის მეუფე კალისტრატეს სამძიმარზე მივიდა და ქუთაისი დატოვა. 

პროექტის თანახმად, ინდუსტრიული ჯგუფი „აიგრუპი“ (Aigroup)  ქუთაისში 100 ჰა ფართობის ტერიტორიაზე წლის ბოლომდე ელექტრომობილების საწარმოს ააშენებს. ქარხანაში დაახლოებით 300 ადგილობრივი მცხოვრები დასაქმდება და მისი ამოქმედებიდან 18 თვის ვადაში ბაზარზე 5000 ელექტრომობილი გამოვა.

კომპანიის ინფორმაციით, პირველ ეტაპზე, ქარხანაში ოთხი მოდელის ავტომობილს აწარმოებენ. საქართველოში დამზადებული ელექტრომობილები კი, წარწერით -Made in Georgia ევროპის ქვეყნების ბაზრებზე საქართველოს მთავარი საექსპორტო პროდუქტი იქნება. ახალი საწარმოს ტერიტორიაზე განთავსდება არა მხოლოდ ავტომობილების, არამედ ეკოპროდუქციის, მზის პანელებისა და სხვა მაღალტექნოლოგიური პროდუქტების საწარმოები.

ქუთაისში ელექტრომობილების წარმოების დაწყების შესახებ მემორანდუმი 2019 წლის მაისში გაფორმდა. მას ხელი მოაწერეს საქართველოს ეკონომიკისა და მდგრადი განვითარების მინისტრმა ნათია თურნავამ, ეკონომიკისა და მდგრადი განვითარების სამინისტროს სსიპ ქონების ეროვნული სააგენტოს ხელმძღვანელმა,  გიორგი დუგლაძემ, ქართული კომპანიის Aigroup და ჩინური კომპანია „ჩანგანის“ წარმომადგენლებმა.

 

Print E-mail
FaceBook Twitter
მსგავსი სიახლეები
18:34 / 01.06.2020

"იმ აბიტურიენტებს, რომლებსაც გამოცდის დღეს, თერმოსკრინინგის შედეგად, 37 გრადუსი ტემპერატურა დაუფიქსირდებათ, გამოცდის ჩაბარების ალტერნატივა ექნებათ"-

სამ დიდ ქალაქში, ქუთაისში,
თბილისსა და ბათუმში, იუსტიციის სახლები 15 საათიანი რეჟიში
იმუშავებენ.
17:41 / 01.06.2020
სამ დიდ ქალაქში, ქუთაისში, თბილისსა და ბათუმში, იუსტიციის სახლები 15 საათიანი რეჟიში იმუშავებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.