ახალი ამბები
"რუსეთი ოკუპანტია" – ქუთაისელი მაღალჩინოსნები, რომლებმაც აქციაში მონაწილეობა არ მიიღეს
FaceBook

ქუთაისის მერი, მოადგლეები, საკრებულოს თავმჯდომარე და უმრავლესობის დეპუტატები ამ დრომდე არ ჩართულან აქციაში, საკუთარ ავტომობილებზე გაეკრათ სტიკერები წარწერით: "რუსეთი ოკუპანტია".


ადგილობრივი თვითმმართველობის წარმომადგენლებს შეყობინებები სოციალურ ქსელ facebook-ში დაეგზავნათ. 

"ხუთი დღის წინ მივმართეთ, შემოერთებოდნენ  ჩვენ აქციას და მათ ფლობელობაში არსებულ ავტომობილზე დაეკრათ სტიკერი "რუსეთი ოკუპანტია" და ამით წვლილი შეეტანათ ამ მცირედ აქტივობაში.

ჩვენი წერილი მიიღეს და არ უნახავთ: მერის მოადგილეებს: ნინო თვალთვაძეს და დავით ერემეიშვილს. საკრებულოს წევრებს ქართული ოცნებიდან: ალეკო ახალაძეს, მაია სიმონიძეს, ნიკოლოზ ჩეჩელაშვილს, ვლასი გარდაფხაძეს, კახა ბოჭორიშვილს, მარეხი ნიჟარაძეს და ლაშა გვენეტაძეს.

ჩვენი წერილი მიიღეს და '"დასინეს": საკრებულოს თავჯდოამრემ ნიკოლოზ ლატარიამ, საკრებულოს თავჯდომარის მოადგილემ რამაზ ჩხიკვაძემ, ქალაქის მერმა გიორგი ჭიღვარიამ, საკრებულოს წევრებმა: იმედა საღინაძემ, ოთარ ლორთქიფანიძემ, ამირან კოპალეიშვილმა, გიორგი ჭეიშვილმა, მამუკა რიჟამაძემ და მერაბ კვიცარიძემ", –  ნათქვამია  სოციალურ ქსელ facebook-ში შექმნილ გვერდზე "რუსეთი ოკუპანტია – ქუთაისი".

"რუსეთი, რომ ოკუპანტია ამაზე ორი აზრი არ არსებობს. ჩვენი ქვეყნის 20 პროცენტი ოკუპირებულია, მაგრამ მთავარია,  ეს ვიცოდეთ და  გააზრებულად ვიმოქმდოთ, თორემ,   ვიღაც პოპულისტურად ამას გულზე დაიწერს ან  ზურგზე, ეს არ ნიშნავს იმას, რომ მართლაც რაღაც თემაა. რაც შეეხება სტიკერის მანქანაზე განთავსებას, დღეს დილით კორპუსში აფეთქება იყო და იქ ვიყავი, ახლა თბილისში  ვარ და რომ ჩამოვალ მერე  ვნახოთ", – ამბობს ქუთაისის მერი გიორგი ჭიღვარია.   

საკრებულოს თავმჯდომარის მოადგილე, რამაზ ჩხიკვაძე კი განმარტავს, რომ შეტყობინებისთვის ყურადღება არ მიუქცევია. თუმცა, აღნიშნავს, რომ ამ სტიკერის მანქანაზე გაკვრა არანაირ პრობლემას არ წარმოადგენს.

"საკუთარი ავტომობილი არ  მყავს და შესაბამისად, ვერ გავაკრავდი, მაგრამ ეგ სტიკერი შემიძლია ჩემი კაბინეტის კარზე განვათავსო",   – ამბობს  საკრებულოს უმრავლესობის დეპუტატი ოთარ ლორთქიფანიძე.

"რუსეთი ოკუპანტია – ქუთაისი" ფეისბუქ ჯგუფი  ქუთაისელმა ნიკა დეისაძემ რამდენიმე დღის წინ შექმნა. 

"ჯგუფის შექმნის მიზანია მოხდეს მენტალური დეოკუპაცია", – ამბობს ნიკა  დეისაძე. მისი თქმით, აქციის ფარგლებში სტიკერები საკუთარ ავტომობილზე განათავსა მერიის რამდენიმე თანამშრომელმა, საკრებულოდან უმრავლესობის ორმა დეპუტატმა ირაკლი შენგელიამ  და ელეონორა არჩაიამ, ასევე,  "ნაციონალური მოძრაობისა" და "ევროპული საქართველოს" ქუთაისის ორგანიზაციის წარმომადგენლებმა.  


Print E-mail
FaceBook Twitter
მსგავსი სიახლეები
შემოწმებული 64 ფიტნეს ცენტრიდან
მოთხოვნები 25-მა, ხოლო 30 შემოწმებული აუზიდან - 17-მა
დააკმაყოფილა.
15:30 / 13.07.2020
შემოწმებული 64 ფიტნეს ცენტრიდან მოთხოვნები 25-მა, ხოლო 30 შემოწმებული აუზიდან - 17-მა დააკმაყოფილა.
ძლიერი წვიმის შედეგად წარმოქმნილი პრობლემების გამო, საგანგებო
სიტუაციების მართვის სამსახურს იმერეთის რეგიონიდან 15 მოქალაქემ
მიმართა.
11:36 / 13.07.2020
ძლიერი წვიმის შედეგად წარმოქმნილი პრობლემების გამო, საგანგებო სიტუაციების მართვის სამსახურს იმერეთის რეგიონიდან 15 მოქალაქემ მიმართა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.