ახალი ამბები
ნანა კოსტავას გამო, შესაძლოა, საკრებულოს თავმჯდომარემ ფრაქცია დატოვოს
FaceBook
ამ დრომდე უცნობია დატოვებს თუ არა ქუთაისის საკრებულოს ნანა კოსტავა. დეპუტატი არც სამსახურში გამოჩენილა და არც თანაგუნდელების სატელეფონო ზარებს პასუხობს.
რა გადაწყვეტილებას მიიღებს კოსტავა, ამის შესახებ არ იცის არც საკრებულოს თავმჯდომარემ. ნიკა ლატარიას თქმით, მას კოსტავასთან არ უსაუბრია. იმ შემთხვევაში კი, თუ კოსტავა უარს იტყვის საკრებულოდან წასვლაზე, ლატარიას თქმით, იგი თავად დატოვებს იმ ფრაქციას, რომლის წევრიც ნანა კოსტავასთან ერთად არის.

"საკრებულოს არ აქვს ბერკეტი, რომ მას დაატოვებინოს მანდატი. მან უკვე დატოვა ფრაქციის თავმჯდომარის პოსტი. ჩვენ ერთად ვიყავით ამ ფრაქციაში, მაგრამ მე ვთქვი რომ მასთან ერთად არ ვაპირებ საკრებულოში მუშაობას, შესაბამისად შეიკრიბება ფრაქცია და გადავწყვეტთ მე დავტოვებ თუ ის"-განაცხადა ლატარიამ.

ნანა კოსტავამ 28 მაისს ფეისბუქის პირად გვერდზე ჟურნალისტის სალომე ბარკერის ვიდეო გააზიარა წაწერით : "კაი დღეში ხარ ახლა, იცინე ". სალომე ბარკერი რამდენიმე დღის წინ ლაგოდეხში ექსკურსიაზე დაღუპული 16 წლის გოგონას დაა, ვიდეოში კი ბარკერი თითზე გაკეთებული პრეზერვატივით ჯვარს გამოსახავს.

ნანა კოსტავას პოსტს საზოგადოების უმწვავესი რეაქცია მოყვა. ორი დღის განმავლობაში ქალაქში რამდენიმე საპროტესტო აქცია გაიმართა.  აქციის მონაწილეები კოსტავას საკრებულოდან წასვლას ითხოვდნენ.

კოსტავას ქმედება დაგმეს მისმა თანაგუნდელებმა. მას ერთდროულად დაატოვებინეს ფრაქცია "ქართული ოცნება -კონსერვატორების " თავმჯდომარის პოსტი და გენდერული საბჭო.

საკრებულოს თავმჯდომარემ, ნიკა ლატარიამ კი განაცხადა, რომ იგი კოსტავასთან ერთად საკრებულოში არ იმუშავებს.

თავად ნანა კოსტავამ თავდაპირველად განაცხადა, რომ  არ იცოდა თუ გარდაცვლილი გოგონა ბარკერის და იყო და  ჟურნალისტის მიერ გადაღებული ვიდეო,  17 მაისს,  ოჯახის სიწმინდის დღესთან დაკავშირებით გააზიარა. მოგვიანებით კი განაცხადა, რომ თავს დამნაშავედ არ გრძნობს და თვლის, რომ ღმერთთან მართალია.

ნანა კოსტავამ 31 მაისს ტელეკომპანია „იმედს“ განუცხადა, რომ ის საკრებულოს მანდატს, სავარაუდოდ, 3 მაისს დატოვებდა. თუმცა, დღეს ტელეკომპანია „იმედთან“ საუბრისას, განაცხადა, რომ საკრებულოს დატოვება ამომრჩევლის კატეგორიული თხოვნით გადაიფიქრა:

"ამ ორი დღის განმავლობაში ჩემმა ამომრჩეველმა ისე მაიძულა, რომ არ მიმეტოვებინა [საკრებულო], მე მგონი დავრჩები, არ დავტოვებ. ყველა მეუბნება, შეცდომა ვის არ დაუშვია, გოგო, რას შვრები, არ მიგვატოვო, შენი მართალი ხმა გაგვაგონე. ძალიან ცუდად გამომივიდა, კი ბატონო, ვაღიარებ", - განუცხადა ნანა კოსტავამ  ტელეკომოანია "იმედს".

ნანა კოსტავას ქუთაისიპოსტთან საუბარი არ სურს. დეპუტატმა განგვიცხადა, რომ ჩვენი მედიაორგანიზაციის მხრიდან, მის მიერ ბოდიშის მოხდის შემდეგაც, ბერვი ტალახი მოხვდა. 

FaceBook Twitter
მსგავსი სიახლეები
10:50 / 18.07.2019
"ტორპედო" -"ორდაბასის" მატჩზე დასწრების მსურველებისთვის ქუთაისიდან უფასო ავტობუსები გამოიყოფა.
ქუთაისის ცენტრალურ ბაღში გამაგრილებელი სასმელების მაცივარი გატეხეს.
14:15 / 17.07.2019
ქუთაისის ცენტრალურ ბაღში გამაგრილებელი სასმელების მაცივარი გატეხეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
"ტორპედო" -"ორდაბასის" მატჩზე დასწრების მსურველებისთვის ქუთაისიდან უფასო ავტობუსები გამოიყოფა.
სამტრედიის ბაღებში ცხენის ხორცის შეტანის ფაქტზე დაკავებულ ნუგზარ  მარკოიძეს,  ქუთაისის საქალაქო სასამართლომ 20 000 ლარიანი  გირაოს სანაცვლოდ გათავისუფლებაზე უარი უთხრა.
ქუთაისის ცენტრალურ ბაღში გამაგრილებელი სასმელების მაცივარი გატეხეს.
"ტორპედოს" შენი მხარდაჭერა ისე სჭირდება, როგორც არასდროს“ - ამ სლოგანით კლუბი გულშემატკივრებს 18 ივლისს, ევროპა ლიგის მატჩზე  დასწრებისკენ მოუწოდებს.
კაფე ,,სავანეს’’ მეპატრონეები ქუთაისის სააპელაციო სასამართლოს გადაწყვეტილებას სტრასბურგში  გააპროტესტებენ.
ქუთაისის მერია პარტია "თავისუფალი საქართველოს" თავმჯდომარის მოადგილეს, გოგი წულაიას ბრიფინგს პასუხობს.
დღეს, 16  ივლისს, 18:00 საათზე პრესკლუბ "მედიარუმში" კაფე-ბარ "სავანეს" მეპატრონეების ბრიფინგი.
ქუთაისის სააპელაციო სასამართლომ კაფე "სავანეს ",   ობიექტის ქვეშ არსებულ მიწის ნაკვეთზე საკუთრების უფლების აღიარებაზე უარი უთხრა.