ახალი ამბები
ჯანდაცვის სამინისტრო ტყიბულის შახტზე დადებულ დასკვნას ჯერჯერობით არ ასაჯაროვებს
FaceBook
საქართველოს ჯანდაცვის სამინისტრო ტყიბულის მინდელის სახელობის შახტზე საექსპერტო კომპანიის მიერ მომზადებულ დასკვნას ჯერჯერობით არ ასაჯაროვებს.
უწყების პრესსამსახურში აცხადებენ, რომ დოკუმენტი სამინისტროს მხრიდან დამუშავების პროცესშია და თუ როდის გამოქვეყნდება, ჯერ უცნობია. 

საქართველოს პროფესიული კავშირების გაერთიანება დასკვნის დაუყოვნებლივ გასაჯაროებას მოითხოვს. ისინი ტყიბულის ნახშირმომპოვებელ საწარმოსთან დაკავშირებული ყველა პროცესის გასაჯაროებასა და ამ პროცესებში საქართველოს პროფკავშირების ჩართულობის უზრუნველყოფას მოითხოვენ.

სოციალური პარტნიორობის სამმხრივი კომისიის მიერ გამოცხადებული კონკურსის საფუძველზე საერთაშორისო გამოცდილების მქონე საექსპერტო კომპანია შეირჩა, რომელიც შახტებზე შრომითი რისკების შეფასებას რამდენიმე თვის განმავლობაში ახორციელებდა. პროფკავშირების თქმით, 2018 წლის ბოლოს შესაბამისი დასკვნაც დადო.

"საგულისხმოა, რომ საქართველოს პროფკავშირების მოთხოვნით, მეშახტეებს იძულებითი მოცდენის მთელ პერიოდზე შრომის ანაზღაურება ეძლეოდათ. სამწუხაროდ, ჯანდაცვის სამინისტროს, გერმანული საექსპერტო კომპანიის მიერ მომზადებული დასკვნა დღემდე არ გაუსაჯაროვებია. არც ის არის ცნობილი, რა წერია დასკვნაში და არც ის, როგორი საინჟინრო გადაწყვეტა იქნა ნაპოვნი ნახშირმოპოვების გასაგრძელებლად ისე, რომ მინიმალიზებული იქნას შრომითი რისკები და საფრთხეები. მიუხედავად, ყოველივე ზემოთთქმულისა, 2019 წლის აპრილის ბოლოდან, მეშახტეებს შეუზღუდეს კუთვნილი ანაზღაურებადი შვებულებით სარგებლობის უფლება, ხოლო GIG ჯგუფის წარმომადგენლები საუბრობენ იმაზე, რომ მაისის თვეში ნახშირმოპოვების დაწყება იგეგმება უკრაინული ჯგუფის ოპერირების ქვეშ. მათივე განცხადებით გაუქმდება ძიძიგურის შახტის ადმინისტრაციული კორპუსი და ინფრასტრუქტურა, მეშახტეები ძიძიგურის შახტაზე იმოძრავებენ მინდელის შახტიდან სავენტილაციო გვირაბის გავლით და რომ საბოლოო ჯამში 250-მდე ადამიანის შემცირება იგეგმება. ეს ყველაფერი ხდება იმ ფონზე, რომ ცნობილი არ არის, რა წერია გერმანელი ექსპერტების მიერ მომზადებულ დასკვნაში, რა რეკომენდაციები იქნა გაცემული რისკებისა და საფრთხეების შესამცირებლად და რა სამუშაოები განახორციელა ოპერატორმა კომპანიამ რეკომენდაციების შესასრულებლად. ასევე, უცნობია კომპანიის მიერ დაანონსებული რეორგანიზაციის გეგმა, დაუსაბუთებელია მისი მიზაშეწონილობა და უცნობია რეორგანიზაციის სამართლებრივი ასპექტებიც", - აცხადებენ პროფკავშირში.

ზემოთაღნიშნულთან დაკავშირებით "საქნახშირში" კომენტარს არ აკეთებენ.

შახტში სამუშაოები 11 თვის წინ, მას შემდეგ შეჩერდა, რაც გასული წლის ივლისში შახტში უბედურ შემთხვევას 4 ადამიანი ემსხვერპლა. სწორედ ამის შემდეგ იქნა ჩამოყვნილი გერმანელი ექსპრტები, რომლებსაც შახტის უსაფრთხოებაზე დასკვნა უნდა დაედოთ.


FaceBook Twitter
მსგავსი სიახლეები
„ვიმედოვნებთ, 2019 წლის ბოლოს ქუთაისს ექნება 24 საათიანი წყალი“,
- ეს განცხადება რეგიონული განვითარებისა და  ინფრასტრუქტურის
მინისტრმა, მაია ცქიტიშვილმა ქუთაისში გააკეთა.
17:44 / 22.07.2019

„ვიმედოვნებთ, 2019 წლის ბოლოს ქუთაისს ექნება 24 საათიანი წყალი“, - ეს განცხადება რეგიონული განვითარებისა და  ინფრასტრუქტურის მინისტრმა, მაია ცქიტიშვილმა ქუთაისში გააკეთა.

იმერეთის სამხარეო ადმინისტრაციაში ზვიად შალამბერიძე გუბერნატორის
პოსტზე წარადგინეს.
16:50 / 22.07.2019
იმერეთის სამხარეო ადმინისტრაციაში ზვიად შალამბერიძე გუბერნატორის პოსტზე წარადგინეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
„ვიმედოვნებთ, 2019 წლის ბოლოს ქუთაისს ექნება 24 საათიანი წყალი“, - ეს განცხადება რეგიონული განვითარებისა და  ინფრასტრუქტურის მინისტრმა, მაია ცქიტიშვილმა ქუთაისში გააკეთა.
იმერეთის სამხარეო ადმინისტრაციაში ზვიად შალამბერიძე გუბერნატორის პოსტზე წარადგინეს.
ქუთაისის მერია სტუდენტებს "ლიდერთა საზაფხულო სკოლას" წელსაც სთავაზობს, რომელიც აგვისტოს ბოლოდან დაიწყება.
ქუთაისში კუპრაძის, ბაგრატიონისა და ლაღიძის ქუჩაზე მცხოვრებლებს ქუჩიდან საყოფაცხოვრებო ნაგავი ვერ გააქვთ.
ქუთაისში სამკერვალო საწარმო “ქუთექსის” 120 მდე თანამშრომელი საპროტესტო აქციას მართავს.
გარემოს ეროვნული სააგენტოს ინფორმაციით, დასავლეთ საქართველოსა და მათ შორის იმერეთის რეგიონში,  კვირის განმავლობაში არამდგრადი ამინდია მოსალოდნელი.
ამ წუთებში ქუთაისში, ნიკეას ქუჩაზე პურის ყოფილი ქარხნის საწარმოში ხანძარია.
ვენა, ვარშავა, ვილნიუსი, კატოვიცე, პრაღა - ქუთაისიდან მგზავრები ყველაზე მეტად ამ ქალაქებში დაფრინავენ.