ახალი ამბები
"სახელმწიფო რწმუნებულის თანამდებობა ჩემთვის იყო ახალი გამოწვევა და მეტად საპასუხისმგებლო" – შავლეგო ტაბატაძე
FaceBook

იმერეთის ყოფილი გუბერნატორი შავლეგო ტაბატაძე  სოციალურ ქსელსი თანამდებობიდან წასვლის შესახებ განმარტაბეას აკეთებს.


"იმერეთში სახელმწიფო რწმუნებულის თანამდებობა ჩემთვის იყო ახალი გამოწვევა და მეტად საპასუხისმგებლო. მცირე დროის მანძილზე ცენტრალურ და ადგილობრივ ხელისუფლებასთან ერთად შევძელი საკუთარი წვლილი შემეტანა მხარის განვითარებაში. 2018 წელს ინფრასტრუქტურის მოსაწესრიგებლად 157 625 222 ლარი დაიხარჯა, 2019 წელს კი გაცილებით მეტი 330 595 589 ლარია გამოყოფილი, რაც იმას ნიშნავს, რომ წელს იმერეთში არაერთი მასშტაბური პროექტი განხორციელდება. თითოეული პრიორიტეტი მოსახლეობასთან ერთად არის განსაზღვრული და მათი ჩართულობით გადაწყდა პირველ ეტაპზე რა უნდა გაკეთდეს.

 

მადლობა მინდა გადავუხადო გუნდს ნდობისთვის, სახელმწიფო უწყებებს, რეგიონის მუნიციპალიტეტების ხელმძღვანელებსა და თანამშრომლებს. განსაკუთრებული მადლობა იმერეთში სახელმწიფო რწმუნებულის ადმინისტრაციის ყველა თანამშრომელს გვერდით დგომისთვის და საქმიანობისთვის. არ შემიძლია მადლიერება არ გამოვხატო რეგიონის მოსახლეობის მიმართ, მე ვგრძნობდი თქვენს მხარდაჭერას და ეს უფრო მაძლიერებდა.

მინდა წარმატებები ვუსურვო ჩვენს მხარეს და მომავალ რწმუნებულს რეგიონის საკეთილდღეოდ. რაც შემეხება მე, ვრჩები გუნდის წევრად და საქმიანობას გავაგრძელებ თავდაცვის უწყებაში, სამხედრო თანამდებობაზე.

კიდევ ერთხელ მადლობა ნდობისთვის და მეგობრობისთვის", –  ნათქვამია ფეისბუქს გვერდზე განთავსებულ განცხადებაში.

ტაბატაძემ პოსტი 9 თვიანი მუშაობის შემდეგ დატოვა. ის შეიარაღებულ ძალებში დაბრუნდა.

შავლეგო ტაბატაძის თანამდებობიდან წასვლის შესახებ ქუთაისიპოსტი ორი თვის წინ წერდა. თუმცა, მაშინ გუბერნატორი ირწმუნებოდა,  რომ არასად წავლას არ გეგმავდა.


შავლეგო ტაბატაძე იმერეთის გუბერნატორად 2018 წლის ზაფხულზე დაინიშნა.


ამავე თემაზე:


"ასე იყო საჭირო" - იმერეთის გუბერნატორი პოსტიდან წასვლაზე

იმერეთის გუბერნატორმა თანამდებობა დატოვა

იმერეთის გუბერნატორი შვებულებაშია – ტოვებს თუ არა თანამდებობას შავლეგო ტაბატაძე

„ყველაზე მეტად განვიცდი ქუთაისის მდგომარეობას“ – იმერეთის გუბერნატორი (ინტერვიუ)


Print E-mail
FaceBook Twitter
მსგავსი სიახლეები
ქუთაისში, თირკმლის ქრონიკული
დაავადების მქონე ადამიანებმა ონკოლოგიური საავადმყოფოს წინ აქცია
გამართეს.
13:21 / 07.08.2020
ქუთაისში, თირკმლის ქრონიკული დაავადების მქონე ადამიანებმა ონკოლოგიური საავადმყოფოს წინ აქცია გამართეს.
2020 წლის სტუდენტთა საგრანტო
კონკურსის შედეგები გამოქვეყნდა.
11:09 / 07.08.2020
2020 წლის სტუდენტთა საგრანტო კონკურსის შედეგები გამოქვეყნდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.