ახალი ამბები
პროგრამა "კორპუსი" გაუქმდა
FaceBook

ქუთაისის მერიის საბინაო სამსახურის პროგრამა „კორპუსი“ გაუქმდა და მუშაობას  შეცვლილი სახელწოდებით გააგრძელებს.


ახლა უკვე „ბინათმესაკუთრეთა ამხანაგობების განვითარებისა და ხელშემწყობი  პროგრამა“  მხოლოდ მრავალსართულიანი კორპუსების მცხოვრებლების პრობლემებზე აღარ იქნება გათვლილი.

მერიის საბინაო სამსახურში ამბობენ, რომ პროგრამას სახელწოდება არეალს უზღუდავდა, ახლა კი მასში ჩართვა ყველა ტიპის საცხოვრებლის  მცხოვრებს შეეძლება.


„ამ ცვლილებით ჩვენ ვაფართოებთ პროგრამით მოსარგებლეთა არეალს, რაც უფრო მომგებიან პოზიციაში ჩააყენებს მოსახლეობას.  აქამდე მხოლოდ  კორპუსების მცხოვრებლებს ჰქონდათ ამ პროგრამაში ჩართვის შესაძლებლობა. „კორპუსი“ გაუქმდა, თუმცა, ყველა ის პროგრამა, რასაც მოიცავდა, დარჩა“, - განაცხადა მერიის საბინაო სამსახურის უფროსმა, ჯონი არაბიძემ.


სახელწოდების შეცვლასთან ერთად,  საბინაო სამსახურმა კიდევ ერთი  პროგრამა დაამატა, რაც კორპუსების სარდაფებში წყლის ამოტუმბვას ითვალისწინებს. ამ პრობლემის წინაშე ქუთაისში  მრავალსართულიანი კორპუსების უმრავლესობა დგას. სარდაფებში არსებული წყალი ქმნის ანტისანიტარიას და  სარფთხეს უქმნის კორპუსების მდგრადობას.


ცვლილება შევიდა ეზოების კეთილმოწყობის პროგრამაშიც. მერიის ინფორმაციით, თუ აქამდე კორპუსების მიმდებარე ტერიტორიის მოსაწესრიგებლად შესაბამის პროექტს თავად მოსახლეობა აკეთებდა, ამ ვალდებულებას ქუთაისის მერია აიღებს, რადგან მათი თქმით, ადგილობრივთა მიერ წარმოდგენილი პროექტები ხშირ შემთხვევაში არასრულყოფილი იყო. თუმცა, ამ ხარჯებს მერია საკუთარ თავზე სრულად არ აიღებს. ეზოების კეთილმოწყობის პროექტირებისთვის მოსახლეობას მისი  ღირებულების 5%-ის გადახდა მოუწევს.

Print E-mail
FaceBook Twitter
მსგავსი სიახლეები
ქუთაისში, 19 იანვარს ერთ-ერთ
კომპანიაში მომხდარი ყაჩაღობის ფაქტი გახსნილია.
15:19 / 20.01.2020

ქუთაისში, 19 იანვარს ერთ-ერთ კომპანიაში მომხდარი ყაჩაღობის ფაქტი გახსნილია.

2020 წელს,  მუნიციპალიტეტების სოფლებში
განსახორციელებელი პროექტებისთვის ჯამში 40 მილიონი ლარი
დაიხარჯება.
10:48 / 20.01.2020

2020 წელს,  მუნიციპალიტეტების სოფლებში განსახორციელებელი პროექტებისთვის ჯამში 40 მილიონი ლარი დაიხარჯება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.