ახალი ამბები
„გასართობად დადის“ – ბაღდათში მერის გახშირებულ მივლინებებს აპროტესტებენ
FaceBook
2019 წლის დადგომიდან მალევე, ბაღდათის მერი, არჩილ გოგსაძე საკრებულოს თავმჯდომარესთან და ტურიზმის განყოფილების უფროსთან ერთად ათდღიან მივლინებაში გაემგზავრა.
ოფიციალური ინფორმაციით, ქალაქის მერი თანმხლებ პირებთან ერთად ესპანეთის ქალაქ მადრიდში, ტურისტულ გამოფენას ესწრება, თუმცა, ოპოზიცია ამბობს, რომ ვიზიტის მიზნობრიობა გამართლებული არ არის, რადგან სინამდვილეში ასეთი მივლინებები მათ დასვენებას და გართობას ემსახურება. ამ ხარჯების დაფარვა კი ბიუჯეტს უწევს.

"ჯერ არ დამდგარა წელი და უკვე მივლინებაში წავიდა. ტურისტულ ბაზრობას ესწრება მადრიდშიო, სინამდვილეში გასართობად დადის. ეს არ ხდება პირველად. გასულ წელსაც ასე იყო. სახელმწიფოს ხარჯზე დადიან და ისვენებენ", – ამბობს ბაღდათის საკრებულოს ფრაქცია "ნაციონალური მოძრაობის" თავმჯდომარე, გია რობაქიძე.

მისი თქმით, მერი და საკრებულოს თავმჯდომარე ბაღდათშიც იშვიათად ჩნდებიან.

"არც ერთი არ ცხოვრობს ბაღდათში. გამგებელი თბილისშია და შეიძლება ისე გავიდეს კვირა, არც ჩამოვიდეს. საკრებულოს თავმჯდომარე ქუთაისში ცხოვრობს და ისიც იშვიათად დადის რაიონში. ყველამ იცის, რომ ბაღდათს მერი არ ჰყავს", – ამბობს გია რობაქიძე.

ოპოზიცია ამბობს, რომ გასულ წელს მერი პოლონეთსა და ესპანეთშიც იმყოფებოდა, რისთვისაც ბიუჯეტიდან  10 000 ლარი დახარჯა. 

ბაღდათის მერიაში აცხადებენ, რომ ვიზიტის ფარგლებში გამართული ღონისძიებები ბაღდათის ტურისტული პოტენციალის განვითარებისთვის მნიშვნელოვანია.

"საერთაშორისო გამოფენა-ბაზრობაზე წარმოდგენილია ბაღდათის მუნიციპალიტეტის სტენდი, სადაც გამოფენილია ტურისტული რუკები, ტურისტული მარშუტები, სოფლის მეურნეობის ნაწარმი, ღვინო. გამოფენაზე მსოფლიოს სხვადასხვა ქვეყნების წარმომადგენლებს, საერთაშორისო ტურისტულ კომპანიებს, საშუალება აქვთ საფუძვლიანად გაიცნონ მუნიციპალიტეტის ტურისტული რესურსი და დაინტერესდნენ ბაღდათის მუნიციპალიტეტით. აღნიშნული ტურისტული გამოფენა საერთაშორისოა და მასში მონაწილეობა ბაღდათის მუნიციპალიტეტის ტურისტული პოტენციალის განვითარების მიზნით მნიშვნელოვანია",–აცხადებენ ბაღდათის მუნიციპალიტეტში.

ამჯერად რა დაუჯდა მადრიდში ვიზიტი ბაღდათის ბიუჯეტს, უცნობია. ქუთაისიპოსტი მუნიციპალიტეტიდან ამ ინფორმაციის მიღებას ამ დრომდე ელოდება.

Print E-mail
FaceBook Twitter
მსგავსი სიახლეები
საქართველოს რეგიონული განვითრებისა
და ინფრასტრუქტურის სამინისტროს, საავტომობილო გზების დეპარტამენტის
ინფორმაციით, დიდთოვლობის გამო, ყუმი-ღვედის მონაკვეთზე მისაბმელიანი
ავტოტრანსპორტის მოძრაობა აკრძალულია.
14:24 / 23.01.2020
საქართველოს რეგიონული განვითრებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, დიდთოვლობის გამო, ყუმი-ღვედის მონაკვეთზე მისაბმელიანი ავტოტრანსპორტის მოძრაობა აკრძალულია.
ქუთაისში, ავანგარდის დასახლებაში,
მეტალურგიულ ქარხანის 200- მდე  მუშა ოთხი დღეა გაფიცულები
არიან.
12:01 / 23.01.2020
ქუთაისში, ავანგარდის დასახლებაში, მეტალურგიულ ქარხანის 200- მდე  მუშა ოთხი დღეა გაფიცულები არიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.