ახალი ამბები
„ქუთაისის მერიამ მიიღოს ზომები თეთრ ხიდზე, ვიდრე ფატალური შედეგი დადგება“
FaceBook
"ევროპა ჩვენი სახლია" თეთრ ხიდზე მინის საფარის სრულად გადაკეტვას ითხოვს.
მათი თქმით, მხოლოდ იმ ადგილის შემოღობვა, სადაც ორი კვირის წინ მინა დაზიანდა, საკმარისი არ არის.

არასამთავრობო ორგანიზაციის წარმომადგენლებმა დღეს მინის ფილებზე სტიკერები გააკრეს ორენოვანი წარწერით, რომლითაც მოქალაქეებს აფრთხილებენ, რომ ხიდზე გადასვლა სახიფათოა.

ისინი ქუთაისის მერიას უპასუხისმგებლობაში ადანაშაულებენ და აცხადებენ, რომ უსაფრთხოების ზომებს პირველ რიგში ადგილობრივი ხელისუფლება უნდა იღებდეს და არა ისინი.

"ეს არის უპასუხისმგებლობის ზეიმი. ნებისმიერ დროს აქ გადაადგილება, შესაძლოა,  ფატალურად დასრულდეს. ორი კვირა გავიდა რაც მინა დაზიანდა და ამ დრომდე არ გვაქვს პასუხი უსაფრთხოა თუ არა ხიდზე გადაადგილება. მერიამ ხიდის მხოლოდ ერთი მონაკვეთი შემოსაზღვრა, მაშინ, როცა ყველგან, სადაც მინის საფარია, მოძრაობა სახიფათოა. მართლა რომ მოხდეს რამე და ჩავარდეს აქ ადამიანი, მერე რა იქნება? ჩავარდნილ პროექტს ადამიანებიც ხომ არ უნდა უნდა მივაყოლოთ? მოვუწოდებთ მერიას, სასწრაფოდ მიიღოს ზომები და ხიდზე გადაკეტოს ყველა ის მონაკვეთი, სადაც მინის საფარია", – ამბობს "ევროპა ჩვენი სახლიას" წარმომადგენელი, გია გოქაძე.

თეთრ ხიდზე გახსნიდან ორ თვეში მინის საფარი დაზიანდა. მერიაში პირველივე დღეს განაცხადეს, რომ დიდი ალბათობით მინა გარე ზემოქმედების შედეგად დაზიანდა. მომხდარზე გამოძიებაც დაიწყო, თუმცა, ამ დრომდე უცნობია რა გახდა მინის დაბზარვის მიზეზი. როგორც შსს–ში ქუთაისიპოსტს განუცხადეს, ამოღებულია კამერების ჩანაწერები და მიმდინარეობს გამოძიება.

თეთრი ხიდი 3 ნოემბერს საზეიმოდ გაიხსნა, თუმცა, ორ დღეში  ხიდზე ლითონის ფილები დაზიანდა. 

ქუთაისის მერიამ კომპანია "ალმა რუსს", რომელმაც ხიდს რეაბილიტაცია ჩაუტარა, ხელშეკრულება გაუწყვიტა. ხარვეზების გამოსასწორებლად კი ტენდერს განმეორებით გამოაცხადებს. 


ამავე თემაზე:

როგორი უნდა ყოფილიყო და როგორია თეთრი ხიდი

განახლებული თეთრი ხიდი ღამით (ფოტო)

თეთრ ხიდზე თეთრი ქვები მიიტანეს

თეთრი ხიდიდან ქვები აიღეს

სად წაიღეს თეთრ ხიდზე მიტანილი 13 ქვა

უთაისის მერია კომპანიისგან, რომელმაც თეთრ ხიდს რეაბილიტაცია ჩაუტარა, 189 000 ლარს ითხოვს




Print E-mail
FaceBook Twitter
თეგები: #თეთრი ხიდი
მსგავსი სიახლეები
ქუთაისში, მედიისა და სამოქალაქო სექტორის წარმომადგენლებმა
14:30 / 12.04.2024
ქუთაისში, მედიისა და სამოქალაქო სექტორის წარმომადგენლებმა "ოცნების" მიერ ინიცირებული "უცხოური გამჭვირვალობის შესახებ" კანონპროექტი, იგივე რუსული კანონი გააპროტესტეს.
პროკურატურის ცნობით, თბილისის საქალაქო სასამართლომ 
11:51 / 12.04.2024
პროკურატურის ცნობით, თბილისის საქალაქო სასამართლომ  "ქურდული სამყაროს“  წევრობასა და  "ქურდული სამყაროს“  საქმიანობის მხარდაჭერაში ბრალდებული 10 პირი დამნაშავედ ცნო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.