ახალი ამბები
"ამ ეტაპზე არ განიხილება" – ნიკა ლატარია პოსტიდან შესაძლო წასვლაზე
FaceBook
ქუთაისის საკრებულოს თავმჯდომარე, ნიკა ლატარია  პოსტის შესაძლო  დატოვების შესახებ გავრცელებულ ინფორმაციას  არ ადასტურებს, თუმცა, ამბობს, რომ ურჩევნია ისევ ბიზნესში დაბრუნდეს და სამომავლოდ ასეც აპირებს.
"ჩემი საყვარელი  საქმე რაც არის, მირჩევნია იმას ვაკეთებდე. ბიზნესიდან მოვედი და იქეთ მიმიწევს გული. ასეც ვფიქრობ სამომავლოდ, მაგრამ ამ ეტაპზე არაფერი არ განიხლება. მსგავსი გადაწყვეტილება მიღებული არ მაქვს", – ამბობს ნიკა ლატარია ქუთაისიპოსტთან საუბარში. 

გავრცელებული ინფორმაციით, ლატარია თანამდებობას იანვრის ბოლოს დატოვებს. მის ადგილს კი მისი მოადგილე, რამაზ ჩხიკვაძე დაიკავებს. თავად ჩხიკვაძის პოსტზე კი საკრებულოს უმრავლესობის დეპუტატი, ელეონორა არჩაია განიხილება.

საკრებულოს თავმჯდომარედ შესაძლო დანიშვნას ჭორს უწოდებს რამაზ ჩხიკვაძე.

"ეს არის ჭორი. ნიკა ლატარია სჭირდება ქალაქს. მას ჯერ კიდევ ბევრი რამ აქვს გასაკეთებელი და უნდა მივცეთ მას ამ სიკეთის კეთების საშუალება. რაც შეეხება ჩემს თავმჯდომარეობას, ეს საკითხი არც განიხილება",– აცხადებს რამაზ ჩხიკვაძე ქუთაისიპოსტთან საუბარში.

ნიკა ლატარია საკრებულოს ორი მოწვევის  დეპუტატია.  ის საკრებულოს თავმჯდომარედ მეექვსე მოწვევის  საკრებულოში აირჩიეს. ნიკა ლატარია ბოლო დროს სხდომებზე  აქტიურობით არ გამოირჩევა. ის   გასული წლის 26 დეკემბრის სხდომას, სადაც 2019 წლის ბიუჯეტის პროექტი დაამტკიცეს, არ დასწრებია.




Print E-mail
FaceBook Twitter
მსგავსი სიახლეები
ხარაგაულის მუნიციპალიტეტის სოფელ წყალაფორეთში, სადაც გზა ჩაინგრა,
მოსახლეობა დახმარებას ითხოვს.
14:47 / 27.02.2024
ხარაგაულის მუნიციპალიტეტის სოფელ წყალაფორეთში, სადაც გზა ჩაინგრა, მოსახლეობა დახმარებას ითხოვს.
ქუთაისის ე.წ. პრესის სახლის ყოფილ შენობაში, შესაძლოა, 5
ვარსკვლავიანი სასტუმრო განთავსდეს.
13:54 / 27.02.2024
ქუთაისის ე.წ. პრესის სახლის ყოფილ შენობაში, შესაძლოა, 5 ვარსკვლავიანი სასტუმრო განთავსდეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.