ახალი ამბები
თეთრ ხიდზე მინის დაზიანების ფაქტზე გამოძიება დაიწყო
FaceBook
ქუთაისში, თეთრ ხიდზე მინის დაზიანების ფაქტზე გამოძიება დაიწყო და მიმდინარეობს დეტალების გარკვევა.
მერიის ინფორმაციით, ასევე შემოწმდება, ყველა ახლო მდებარე ობიექტზე განთავსებული კამერის ჩანაწერები, რათა მოხდეს დაზუსტება რა გარემოებაში მოხდა ხიდზე მინის დაზიანება.

"მიმდინარეობს გამოძიება, რომლის დასრულების შემდეგ გვექნება ინფორმაცია თუ რა მოხდა,- სპეციალურად არის ჩატეხილი თუ არა. დაველოდოთ გამოძიებას და გავიგოთ, რეალურად, რამ გამოიწვია დაზიანება. ჩვენ ვესაუბრეთ შემსრულებელი კომპანიის წარმომადგენელს, მანაც იგივე აღნიშნა, რომ თუ სპეციალურად არ დაზიანდა, ისე დაზიანება გამორიცხულია. თუ გამოვლინდა, რომ არ არის დაზიანებული სპეციალურად, მაშინ ხიდის შემსრულებელთან, რომელთანაც შეწყვეტილი გვაქვს ხელშეკრულება, სასამართლოში არსებულ დავას კიდევ დაემატება ერთი პრობლემური ნაწილი. ხიდზე მხოლოდ დამცავი ფენაა დაზიანებული, მაგრამ ჩვენ უსაფრთხოების მიზნით ხიდის ნაწილი გადავკეტეთ", - განაცხადა ადგილზე დაზიანებული მინის დათვალიერების შემდეგ ქუთაისის მერმა გიორგი ჭიღვარიამ.

ახლადრეაბილიტირებულ თეთრ ხიდზე ერთ-ერთ მინის ფილას ბზარები გაუჩნდა. ადგილობრივები ამბობენ, რომ ხიდზე გადაადგილება საფრთხისშემცველია და მერიას რეაგირებისკენ მოუწოდებენ.

ადგილზე მივიდნენ არასამთავრობო ორგანიზაცია "ევროპა ჩვენი სახლიას" წარმომადგენლები, რომლებმაც დაზიანებული ხიდის ფილაზე სტიკერი წარწერით "ფრთხილად სახიფათოა" გააკრეს.

ქალაქის  მერმა წლის შემაჯამებელ ანგარიშში განაცხადა, რომ თეთრ ხიდზე ხარვეზების გამოსასწორებლად ტენდერი გამოცხადდება.

"თეთრი ხიდის" სარეაბილიტაციო სამუშაოები 1 ივნისს დაიწყო და 22 აგვისტოს უნდა დასრულებულიყო. თუმცა, ხუთვიანი ლოდინის შემდეგ ხიდი 3 ნოემბერს გაიხსნა.

ქუთაისის მერიამ კომპანია "ალმა რუსს", რომელმაც თეთრი ხიდის სარეაბილიტაციო სამუშაოები ჩაატარა, ხელშეკრულება გაუწყვიტა.




Print E-mail
FaceBook Twitter
მსგავსი სიახლეები
საქართველოს რეგიონული განვითრებისა
და ინფრასტრუქტურის სამინისტროს, საავტომობილო გზების დეპარტამენტის
ინფორმაციით, დიდთოვლობის გამო, ყუმი-ღვედის მონაკვეთზე მისაბმელიანი
ავტოტრანსპორტის მოძრაობა აკრძალულია.
14:24 / 23.01.2020
საქართველოს რეგიონული განვითრებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, დიდთოვლობის გამო, ყუმი-ღვედის მონაკვეთზე მისაბმელიანი ავტოტრანსპორტის მოძრაობა აკრძალულია.
ქუთაისში, ავანგარდის დასახლებაში,
მეტალურგიულ ქარხანის 200- მდე  მუშა ოთხი დღეა გაფიცულები
არიან.
12:01 / 23.01.2020
ქუთაისში, ავანგარდის დასახლებაში, მეტალურგიულ ქარხანის 200- მდე  მუშა ოთხი დღეა გაფიცულები არიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.