ახალი ამბები
"დაფიქსირდა ტოტების ჩამოჭრის და ხის სავარაუდო მოჭრის ფაქტი“ – ქუთაისის მერია
FaceBook
ქუთაისის მერიის ზედამხედველობის სამსახურმა ბუხაიძის #24–ში, მაღაზიის მშენებლობის გამო სკვერში ნაძვების მოჭრის ფაქტი ჯერ ვერ დაადგინა. თუმცა, ტოტების ჩამოჭრის შემთხვევა დააფიქსირა.
"ზედამხედველობის სამსახურის მიერ გამოვლინდა ტოტების ჩამოჭრის უნებართვო ფაქტი, თუმცა, არსებობს ეჭვი რომ ადგილზე ხეც მოიჭრა. მიმდინარეობს ფაქტის მოკვლევა", – აცხადებენ ქუთაისის მერიაში.

მერიის ინფორმაციით, ხის ჭრის გამოვლენის შემთხვევაში, მეპატრონე თითო ხის მოჭრისთვის 1 000 ლარით დაჯარიმდება.

ბუხაიძის #24–ში, სკვერში მაღაზიის მშენებლობის გამო ორი ნაძვი მოიჭრა. ინფორმაციას უარყოფს მშენებლობის ხელმძღვანელი, თუმცა, მოჭრილი ხეების ტოტები სამშენებლო ტერიტორიაზე ამ დრომდე ყრია.

სკვერში ნაძვების მოჭრის შესახებ, ადგილობრივებმა, მერიის ზედამხედველობის სამსახურს წერილობით აცნობეს, თუმცა, მერიას მაშინ ფაქტზე რეაგირება არ მოუხდენია.

სამსახური მომხდარით მას შემდეგ დაინტერესდა, რაც ქუთაისიპოსტმა ხეების მოჭრის შესახებ მასალა მოამზადა.

სკვერში მაღაზიის მშენებლობის ნებართვა ქუთაისის მერიამ მეპატრონე ვარლამ დარსაველიძეზე 2018 წლის მაისში გასცა, თუმცა, მერიის არქიტექტურის სამსახურში აცხადებენ, რომ დარსაველიძეს სკვერში აღნიშნული ტერიტორია 2013 წელს, 30 წლიანი იჯარით, აღნაგობის უფლებით აქვს გადაცემული და მათ უფლება არ ჰქონდათ, რომ ადგილზე მშენებლობის ნებართვა არ გაეცათ.




ამავე თემაზე:


მერიამ, მაღაზიის მშენებლობის გამო, სკვერში ხეების მოჭრის ფაქტის შესწავლა დაიწყო


აღაზიის მშენებლობის გამო სკვერში ნაძვის ხეები მოჭრეს (ვიდეო)
Print E-mail
FaceBook Twitter
მსგავსი სიახლეები
15:17 / 19.07.2024
"ჟღერადი სივრცე" - ასე ქვია ინკლუზიური ცეკვის სპექტაკლს, რომელიც პროექტ, "იცეკვე, იმოძრავე, იმოქმედე"-ს ფარგლებში შეიქმნა.
12:50 / 19.07.2024
"ქართული ოცნების" მიერ ინიცირებული "ამნისტიის შესახებ" კანონპროექტი ქუთაისში გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.