ახალი ამბები
„ოლიმპიკ არენა“ პარლამენტის ნაცვლად - იმერეთის ოლიმპიური კომიტეტის თავმჯდომარის ინიციატივა
FaceBook
იმერეთის ოლიმპიური კომიტეტის თავმჯდომარე, რევაზ რობაქიძე, პარლმანეტის თბილისში გადატანის შემთხვევაში, ქუთაისში არსებულ შენობის "ოლიმპიკ არენად" გადაკეთების ინიციატივით გამოდის.
იმერეთის ოლიმპიური კომიტეტის თავმჯდომარე, რევაზ რობაქიძე, პარლმანეტის თბილისში გადატანის შემთხვევაში, ქუთაისში არსებულ შენობის "ოლიმპიკ არენად" გადაკეთების ინიციატივით გამოდის. რევაზ რობაქიძის თქმით, ქუთაისში, პარლამენტის შენობა ძალიან ჰგავს ბაქოს "ოლომპიკ არენას" და სავსებით შესაძლებელია მისი სპორტული მიზნებისთვის გამოყენება.

"ვისაც ნანახი აქვს ,,ოლიმპიკ არენა" ბაქოში, იდენტური და მსგავსია ქუთაისში მდებარე პარლამენტის შენობისა. სწორედ ბაქოში, ევროპულ თამაშებზე ყოფნის პერიოდში გამიჩნდა მოსაზრება ქუთაისიდან პარლამენტის გადატანის შემთხვევაში, შენობის შემდგომი დატვირთვა სპორტული მიმართულებით გაგრძელებულიყო, რადგან ქუთაისი ერთადერთი მიტოვებული ქალაქია, რომელსაც არ გააჩნია მულტიფუნქციური სპორტის სასახლე, საცურაო სპორტული კომპლექსი, საჩოგბუთო მოედნები და ამ დროს ქუთაისიდან საქართველოს რაოდენობრივად ყველაზე მეტი ოლიმპიური ჩემპიონი ჰყავს",-წერს სოციალურ ქსელში იმერეთის ოლიმპიური კომიტეტის თავმჯდომარე, რევაზ რობაქიძე.

მისი თქმით, შენობის ინფარსტრუქტურა იძლევა იმის საშუალებას, რომ იქ განთავსდეს სპორტის მუზეუმი, სპორტკლუბების ოფისები, სასტუმროც კი.

რაც შეეხება შენობის მიმდებარე ტერიტორიას, მისი თქმით, აქ შესაძლებელია მოეწყოს საერთაშორისო სტანდარტების საჩოგბურთო და საფეხბურთო მინი - მოედნები.

"არსებული ტერიტორიის სივრცე იძლევა შესაძლებლობას აშენდეს ოლიმპიური სტანდარტების საცურაო აუზი, რომლის აგებაც დაიგეგმა 2014 წელს ინფრასტრუქტურის სამინისტროს მიერ რეგიონებში განსახორციელებელი პროექტების ბიუჯეტიდან და სამწუხაროდ არ განხორციელდა",-წერს რევაზ რობაქიძე.

მისი თქმით, "ოლიმპიკ არენა" საერთაშორისო ტურნირებითა და შეჯიბრებბეით ფინანსურ შემოსავალსაც მიიღებს და ქალაქსაც ახალი ფუნქცია შეემატება.

პარლამენტის პირველი ვიცე-სპიკერის, თამარ ჩუგოშვილის განმარტებით, 2019 წლიდან პარლამენტი სრულად თბილისში გადავა. დეპუტატი გადატანის მიზეზად სხვადასხვა არგუმენტს ასახელებს. მისივე თქმით, შენობაში საპოლიციო დანაყოფი განთავსდება.





Print E-mail
FaceBook Twitter
მსგავსი სიახლეები
ქუთაისის მერია ორი წლის განმავლობაში უშედეგო  მცდელობის შემდეგ
დღეს დროშას აღმართავს.
10:32 / 12.08.2020
ქუთაისის მერია ორი წლის განმავლობაში უშედეგო  მცდელობის შემდეგ დღეს დროშას აღმართავს.
13:41 / 11.08.2020
"სტრატეგია აღმაშენებლის ლიდერმა, გიორგი ვაშაძემ ქუთაისში გამართულ ბრიფინგზე ტურიზმის სფეროს პრობლემებზე ისაუბრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.