ახალი ამბები
„საკადრო ცვლილებებს რაც შეეხება, ამისგან ჯერ თავს შევიკავებ“- იმერეთის ახალი გუბერნატორი
FaceBook
იმერეთის ახალმა გუბერნატორმა, შავლეგო ტაბატაძემ პოსტზე წარდგენის შემდეგ პირველი კომენტარი გააკეთა. მისი თქმით, მთავარი ამოცანა მუნიციპალიტეტებთან და მოსახლეობასთან კომუნიკაციაა.

მან ასევე უპასუხა ჟურნალისტების შეკითხვებს მოსალოდნელია თუ არა საკადრო ცვლილებები. შავლეგო ტაბატაძის თქმით,  გადაწყვეტილებას მას შემდეგ მიიღებს, რაც ადგილობრივი კადრების შესაძლებლობებს გაეცნობა.

"საკადრო ცვლილებებს რაც შეეხება, ამისგან ჯერ თავს შევიკავებ. დარწმუნებული ვარ რეგიონში იქნებიან მოტივირებული კადრები, რომლებიც ზრუნავენ რეგიონის განვითარებაზე. მექნება მათთან შეხვედრა, გავეცნობი მათ შესაძლებლობებს და აქედან გამომდინარე მივიღებ გადაწვეტილებას",-განაცხადა შავლეგო ტაბატაძემ.

შავლეგო ტაბატაძე იმერეთის გუბერნატორად  პრემიერ-მინისტრმა, მამუკა ბახტაძემ დღეს წარადგინა.

იგი  საქართველოს შეიარაღებულ ძალებში 20 წელია მსახურობს. 2017 წლის ოქტომბერში მას გენერლის წოდება მიენიჭა. 2016 წლის 10 მარტს იგი სახმელეთო ჯარების აღმოსავლეთ სარდლობის სარდლად წარადგნეს.

მონაწილეობდა სამშვიდობო მისიებში - კოსოვოში, ერაყსა და ავღანეთში.

"მე განსაკუთრებით მიხარია, რომ ასეთი წარსულის მქონე ადამიანს ვანდობთ ჩვენი ქვეყნის ერთ-ერთი ყველაზე ლამაზი რეგიონის ხელმძღვანელობას",-განაცხადა მამუკა ბახტაძემ შავლეგო ტაბატაძის წარდგენისას.

იმერეთის გუბერნატორის მოვალეობას, მიმდინარე წლის 23 მარტიდან ამ დრომდე, ვიცე-გუბერნატორი, გრიგოლ დალაქიშვილი ასრულებდა. ეს პოსტი მას შემდეგ გახდა ვაკანტური, რაც ყოფილი რწმუნებული, გივი ჭიჭინაძე ვანისა და ხონის გაერთიანებული ოლქის მაჟორიტარად აირჩიეს.

უცნობია შეეხება თუ არა ცვლილება იმერეთის სამხარეო ადმინისტრაციას.  ჯერჯერობით პოსტებზე რჩებიან  მისი მოადგილეები - იოსებ ხახალეიშვილი და გრიგოლ დალაქიშვილი. 


Print E-mail
FaceBook Twitter
მსგავსი სიახლეები
ქუთაისის მერიამ საერთო საცხოვრისის
მოწყობად საპროექტო-სახარჯთაღრიცხვო დოკუმენტაციის შედგენის მიზნით
ტენდერი (NAT200001869) გამოაცხადა.
13:07 / 27.01.2020
ქუთაისის მერიამ საერთო საცხოვრისის მოწყობად საპროექტო-სახარჯთაღრიცხვო დოკუმენტაციის შედგენის მიზნით ტენდერი (NAT200001869) გამოაცხადა.
გარემოს ეროვნული სააგენტოს ცნობით,
დასავლეთ საქართველოში, მათ შორის იმერეთის რეგიონში 30 იანვრამდე
თბილი და უნალექო ამინდია მოსალოდნელი.
10:16 / 27.01.2020
გარემოს ეროვნული სააგენტოს ცნობით, დასავლეთ საქართველოში, მათ შორის იმერეთის რეგიონში 30 იანვრამდე თბილი და უნალექო ამინდია მოსალოდნელი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.