ახალი ამბები
დაისჯება თუ არა პირი მარიხუანის ზემოქმედების ქვეშ ავტომობილის მართვისას
FaceBook
საკონსტიტუციო სასამართლოს 30 ივლისს გადაწყვეტილება, რაც მარიხუანის მოხმარების ლეგალიზაციას გულისხმობს,  რიგ აკრძალვებს ტოვებს.

მათ შორის უცვლელი რჩება აკრძალვა მძღოლებისთვის, რომლებიც ავტომანქანას მარიხუანის ზემოქმედების ქვეშ მართავენ.

"ახალგაზრდა იურისტთა ასოციაციის" იურისტი, გიორგი სანტურიანი განმარტავს, რა შემთხვევაში გააჩერებს პირს პატრულის თანამშრომელი, როგორ მოხდება მისი შემოწმება ნარკოტიკულ ნივთირებაზე და რა პასუხისმგებლობა შეიძლება მას დაეკისროს მარიხუანის ზემოქმედების ქვეშ ავტომობილის მართვისთვის.


- აქვს თუ არა უფლება მარიხუანის ზემოქმედების ქვეშ მყოფ პირს მართოს ავტომანქანა?

- ეს ჩვეულებრივად ჩაითვლება საგზაო მოძრაობის წესების დარღვევად. იმიტომ, რომ საგზაო მოძრაობის კანონიდან გამომდინარე, აკრძალულია სატრანსპორტო საშუალების მართვა ალკოჰოლური ან ნარკოტიკული ზემოქმედების მდგომარეობაში.

- არ აქვს მნიშვნელობა რომელი ნარკოტიკული საშუალებაა გამოყენებული?

-არა. მარიხუანას მარტო ნუ გამოვყოფთ. კანონში არ არის დაკონკრეტებული ერთი ნარკოტიკული საშუალება. საუბარია იმაზე, რომ თუ პირი მანქანას მართავს ნარკოტიკული ნივთიერების ზემოქმედების ქვეშ, დაექვედებარება სანქციას.

- დოზას არ ექნება მნიშვნელობა?

- არ აქვს მნიშვნელობა. თუ კლინიკურად დასტურდება, რომ არის ნარკოტიკული საშუალების ზემოქმედების ქვეშ, მაშინ დაექვემდებარება სანქციას. ალკოჰოლის შემთხვევაში ეს არის 0,3 პროვილე და ამაზე მეტი თუ აღმოჩნდა სისხლში, ითვლება დარღვევად.

- როგორ მიხვდება პატრულის თანამშრომელი, რომ პირი არის ნარკოტიკული ზემოქმედების ქვეშ?

- პარტულის თანამშრომელი ხომ ყველას არ ამოწმებს? ფიზიკური მდგომარეობიდან გამომდინარე შეაფასებს და გადაწყვეტს, შეამოწმოს თუ არა.

- შესაძლებელია თუ არა ადგილზე შემოწმება?

- ამის ადგილზე შემოწმება ვერ მოხდება. საჭიროა გადაყვანა და ბიოლოგიური მასალის აღება.

"ადმინისტრაციულ სამართალდაღვევათა კოდექსის"116-ე მუხლის მეხუთე ნაწილის მიხედვით, სატრანსპორტო საშუალების მართვა ნარკოტიკული ან ფსიქოტროპული სიმთვრალის მდგომარეობაში, ან ფსიქოტროპული სიმთვრალის დასადგენად შემოწმებისათვის თავის არიდება –გამოიწვევს სატრანსპორტო საშუალების მართვის უფლების 3 წლით შეჩერებას.

კიდევ რა შემთხვევაში არ გაქვთ მარიხუანის მოხმარების უფლება, ნახეთ აქ.

Print E-mail
FaceBook Twitter
მსგავსი სიახლეები
საქართველოს ევროკავშირთან დაახლოებას მოაქვს სურსათის უვნებლობის
სახელმწიფო კონტროლის ეფექტიანი სისტემა;
11:39 / 15.07.2024
საქართველოს ევროკავშირთან დაახლოებას მოაქვს სურსათის უვნებლობის სახელმწიფო კონტროლის ეფექტიანი სისტემა;
გარემოს ეროვნული სააგენტოს მოკლევადიანი პროგნოზების სამმართველოს
უფროსის, დოდო გვაზავას ინფორმაციით, 17 ივლისამდე, დასავლეთ
საქართველოში, ცხელი და უნალექო ამინდია მოსალოდნელი.
10:40 / 15.07.2024
გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, 17 ივლისამდე, დასავლეთ საქართველოში, ცხელი და უნალექო ამინდია მოსალოდნელი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.