ახალი ამბები
"მერიის თანამშრომლებს აიძულებენ ხელფასის 1% ჩარიცხონ ფონდში"
FaceBook
ქუთაისის მერიის ააიპ "მადლიერების სახლის" დირექტორის, თამთა ბაკურაძის მიერ საქველმოქმედო ფონდის შექმნას საარჩევნოდ ფინანსების მობილიზაციად აფასებს ოპოზიცია.
საკრებულოს ფრაქცია "ნაციონალური მოძრაობის" თავმჯდომარის, გიგა შუშანიას თქმით, ფონდში მერიის თანამშრომლებს თანხის გადარიცხვას აიძულებენ და ის სინამდვილეში წინასაარჩევნო კაპანიისთვის თანხების მობილიზებას ემსხურება.

"ეს არის საარჩევნო ყულაბა. მერიის ააიპის ხელმძღვანელი აფუძნებს საქველმოქმედო ორგანიზაციას და მერიის თანამშრომლებს აიძულებს იქ ხელფასის 1%-ის ჩარიცხვას. ეს არის კერძო ფონდი და ცხადია ვერავინ გააკონტროლებს მის ხარჯვას, სინამდვილეში კი იქ საბიუჯეტო თანხები მობილიზდება", - განაცხადა გიგა შუშანიამ.

პირად საუბარში მერიაში დასაქმებულები ამბობენ, რომ მათ დაურიგდათ თხოვნის ფურცლები, რომ ჩარიცხონ ხელფასიდან თანხა ფონში.
თუმცა, მერიის პრესსამსახურში ფაქტს არ ადასტურებენ.

"როგორც ვიცი, ფონდის წარმომადგენლები მიდიან ქალაქის მასშტაბით ყველა ორგანიზაციაში და აწვდიან ინფორმაციას მათი საქმიანობის შესახებ.
ეს ინფორმაცია ჩემთვისაც ცნობილია. თუმცა, ქველმოქმედება არის ნებაყოფლობითი და შესაბამისად, ეს უკვე ჩემი არჩევანია, გადავრიცხავ თუ არა ფონდში ჩემი ხელფასიდან თანხას. არავის არავისთვის არაფერი დაუძალებია. რაც შეეხება ფურცლების დარიგებას მერიის თანამშრომლებისთვის და თანხის მოთხოვნას, ფაქტს ნამდვილად ვერ დაგიდასტურებთ," - ამბობენ ქუთაისის მერიის პრესსამსახურში.

როგორც ირკვევა, ფონდი თამთა ბაკურაძემ, როგორც კერძო პირმა, დააფუძნა, თუმცა, ის ამ საკითხზე  მერის მოადგილეს, ნინო თვალთვაძესაც  შეხვდა.

ნინო თვალთვაძე ამბობს, რომ შეხვედრა ფონდის შექმნის შემდეგ მოხდა და შეხვედრის მიზანს ფონდისთვის მხარდაჭერის გამოცხადება წარმოადგენდა.

"დიახ, მე შევხვდი ამ ფონდის დამფუძნებლებს, გავეცანი წესდებას და პირადადაც ვაპირებ, რომ გადავრიცხო ჩემი ხელფასიდან თანხა. ჩვენ მხარს დავუჭერთ ყველა მსგავს ინიციატივას, რაც გაჭირვებული ადამიანების დახმარებას ემსახურება. ამასთანავე, პირადად ვარ დაინტერესებული, რომ ფონდის თანხების ხარჯვა იყოს მაქსიმალურად გამჭვირვალე", - განაცხადა ნინო თვალთვაძემ.

ააიპ "მადლიერების სახლის" დირექტორმა, თამთა ბაკურაძემ საქველმოქმედო ფონდი "ქუთაისი" 2018 წლის 6 ივლისს სამ ადამიანთან ერთად დააფუძნა. წესდების მიხედვით, ფონდის მიზანია სახსრების მობილიზება საქველმოქმედო, სოციალური და კულტურული საქმიანობისთვის.

ქუთაისიპოსტი დაუკავშირდა არასამთავრობო ორგანიზაცია "საიას", სადაც განაცხადეს, რომ ფაქტს შეისწავლიან და ამის შემდეგ გააკეთებენ განცხადებას. 


Print E-mail
FaceBook Twitter
მსგავსი სიახლეები
ქუთაისის საერთაშორისო აეროპორტში მცირე ზომის სატვირთო ტერმინალი
აშენდება. 
14:21 / 20.02.2024
ქუთაისის საერთაშორისო აეროპორტში მცირე ზომის სატვირთო ტერმინალი აშენდება. 
ქუთაისში
11:43 / 20.02.2024
ქუთაისში "გუბერნსკის ციხის" ყოფილი შენობა, რომელიც ჯერ კიდევ 2021 წელს გაიყიდა, ისევ უფუნქციო და მიტოვებულია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.