ახალი ამბები
სტუდენტ გოგონაზე ძალადობის ფაქტი 2 წლის შემდეგ კვლავ გამოუძიებელია
FaceBook
24 წლის გოგონაზე მეზობელი ბიჭის მიერ განხორციელებული ფიზიკური ძალადობის ფაქტი 2 წლის შემდეგ კვლავაც გამოუძიებელია. 

2017 წლის ნოემბერში საქართველოს შინაგან საქმეთა სამინისტროში განმარტავდნენ, რომ საქმეზე გამოძიება სისხლის სამართლის კოდექსის 126-ე მუხლით მიმდინარეობდა, რაც ძალადობას გულისხმობს. თუმცა, ახლა  გოგონა ამბობს, რომ საქმეზე გამოძიება შეწყდა.  "როგორც ყოველთვის თავს არიდებენ კითხვებზე პასუხის გაცემას. ვერ ვბრუნდები ქუთაისში, მეშინია და აქაც აღარ შემიძლია უკვე გაჩერება, სწავლის გაგრძელება მინდა", - ამბობს დაზარალებული.

გოგონა ქუთაისის ერთ–ერთ უნივერსიტეტში სწავლობდა და საკუთარ სახლში მარტო ცხოვრობდა. ამბობს, რომ მას შემდეგ რაც მასზე ფიზიკური ძალადობა განხორციელდა, სახლში მარტო დარჩენის შიში გაუჩნდა და სწავლას თავი დაანება. ის დღესაც საქართველოს სხვა რეგიონში ცხოვრობს. 

24 წლის გოგონა ჩვენთან საუბარში ჰყვება, რომ მამაკაცი, რომელმაც მასზე იძალადა, მისი მეზობელია და ადრე მის ბიძასთნაც კონფლიქტი ქონდა. ის იხსენებს, რომ მამაკაცის მხრიდან ძალადობისა და სახლში შეჭრის მცდელობას რამდენჯერმე ადგილი ჰქონდა. თუმცა, დაზარალებულის თქმით, ყვირილითა და მეზობლების ჩარევით თავს იხსნიდა.

"მაგრამ მალევე, 2016 წლის 27 მაისს, სახლში შემომივარდა და  23:30 საათიდან დილის 5:00 საათამდე გაკოჭილი ვყავდი. დილით მეზობლებმა გაიგეს ხმაური და იმათმა მიშველს. მე მხარზე კბენა მოვასწარი. მეზობლებმა პატრულს გამოუძახეს. მოუსწრეს, ნაკბენიც ეტყობოდა. დაკითხვაზე წაიყვანეს, მაგრამ ისევ გამოუშვეს. მის წინააღმდეგ მტკიცებულებები არსებობდა, ნივთები ექსპერტიზაზეც წაიღეს. მაშინ მეზობლების დაკითხვაც მოხდა, მაგრამ ის ბიჭი მაინც არ დაიჭირეს", - იხსენებს ის. 

ფაქტს ადასტურებენ ჩვენთან საუბარში მეზობლებიც. მათი თქმით, გოგონა მომხდარის შემდეგ შეშინებული იყო. ისინი გოგონას დადებითად ახასიათებენ და ამბობენ რომ მეზობელი ბიჭის მხრიდან მსგავსი შემთხვევა მასთან მხოლოდ ერთხელ არ ყოფილა.

"ფანჯრიდან შესულა ბიჭი. სხვა მეზობლებსაც უნახავთ, კიბე რომ იყო მიდგმული ფანჯარასთან. ბავშვი ერთი კვირა კანკალებდა, ძალიან ცუდ მდგომარეობაში იყო, ვერ ლაპარაკობდა საერთოდ და ძალიან შეგვეცოდა", – ამბობს მეზობელი.

შინაგან საქმეთა სამინისტროში განგვიცხადეს, რომ საქმეს მოიკითხავენ და კომენტარს მოგვიანებით გააკეთებენ. 


ამავე თემაზე:

"მეზობელ ბიჭს მთელი ღამე გაკოჭილი ვყავდი" - სტუდენტი საქმის გამოძიებას ითხოვს

სტუდენტ გოგონაზე მეზობელი ბიჭის მიერ ძალადობის ფაქტს შსს იძიებს

aertod rogorc yoveltvis tavs arideben kitxvebze pasuxis gacemas
ratqmunda ver movdivar
meshinia
da aqac meti agar shemidzlia ukve
wamosvla minda
swavlis gagrdzeleba
exla aq vmushaob
Print E-mail
FaceBook Twitter
მსგავსი სიახლეები
ქუთაისში მოქმედი არასამთავრობო ორგანიზაციებისა და მედიის
წარმომადგენლები ქალაქის მაჟორიტარ დეპუტატ ზაზა ლომინაძეს შეხვედრაზე
იწვევენ.
12:08 / 20.04.2024
ქუთაისში მოქმედი არასამთავრობო ორგანიზაციებისა და მედიის წარმომადგენლები ქალაქის მაჟორიტარ დეპუტატ ზაზა ლომინაძეს შეხვედრაზე იწვევენ.
„ქალები ვირჩევთ ევროპას“ - ამ სახელწოდებით, ქუთაისში, რუსული
კანონის წინააღმდეგ დღეს აქცია გაიმართება.
11:02 / 20.04.2024
„ქალები ვირჩევთ ევროპას“ - ამ სახელწოდებით, ქუთაისში, რუსული კანონის წინააღმდეგ დღეს აქცია გაიმართება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.