ახალი ამბები
უკანონო ნაგავსაყრელი მდინარე რიონის ნაპირზე (ფოტო)
FaceBook
ქუთაისში გაპონოვის ქუჩა #1 შესახვევში, მდინარე რიონის ნაპირზე უკნანონო ნაგავსაყრელი ფუნქციონირებს.

ნაგავსაყრელზე სამშენებლო და საყოფაცხოვრებო ნარჩენების გროვა დგას.

გარდა იმისა, რომ ნაგავი პირდაპირ მდინარეში იყრება, იქ არსებული ანტისანიტარია საფრთხეს უქმნის გვერდით მდებარე საბავშვო ბაღს და მოსახლეობის მიერ რიონისპირას მოწყობილ ბოსტნებს.

ადგილობრივების ნაწილი ქუთაისიპოსტთან საუბარში მათ მიერ ნაგვის რიონის პირას დაყრას გამორიცხავს. ისინი ამბობენ, რომ გაპონოვის ქუჩაზე დასუფთავების სამსახურის მანქანა ყოველკვირეულად დადის და ამ სერვისით სარგებლობენ.

თუმცა, ნაგავსაყრელის გვერდით არსებული ერთ-ერთი ბოსტნის მესაკუთრე ჩვენთან საუბარში ადასტურებს, რომ ნარჩენებს სწორედ ადგილობრივები ყრიან.

გაპოვონის ქუჩაზე უკანონოდ მოწყობილი ნაგავსაყრელის შესახებ ქუთაისიპოსტმა გარემოსდაცვითი ზედამხედველობის დეპარტამენტს აცნობა. უწყებაში ფაქტზე ინფორმაციას არ ფლობდნენ.

გზდ-ს დასავლეთის რეგიონული სამმართველოს თანამშრომლები რიონის პირას რამდენიმე წუთში გავიდნენ.

"ადგილზე სამართალდამრღვევი არ დაფიქსირდა, შედგა შესაბამისი აქტი, იმერეთის გარემოსდაცვითი პატრულირებისა და სწრაფი რეაგირების განყოფილების თანამშრომლებმა აიღეს კოორდინატები, რომელიც საქმის მასალებთან ერთდ ქუთაისის მერიაში გადაიგზავნება, შემდგომში პერიმეტრის დასუფთავების მიზნით," - განაცხადეს გარემოსდაცვითი ზედამხედველობის დეპარტამენტში.

ქუთაისის მერიის დაქვემდებარებაში მყოფი ააიპ "სპეციალური სერვისების" ინფორმაციით, გაპონოვის ქუჩაზე ნაგავმზიდი მანქანა კვირაში ერთხელ დადის და გარდა ამისა, ცენტრალურ ქუჩაზე ნაგვის კონტეინერებიც დგას.

ასევე, "სპეციალურ სერვისებში" განმარტავენ, რომ ტერიტორია გდზ-ს მიერ შედგენილი აქტის მიღების შემდეგ დასუფთავდება.

Print E-mail
FaceBook Twitter
მსგავსი სიახლეები
შინდისის ბრძოლის მემორიალურ შენობებს (სადგური, პლატფორმა, სამართავი
პუნქტი) კულტურული მემკვიდრეობის უძრავი ძეგლის სტატუსი
მიენიჭა. 
16:13 / 08.08.2020
შინდისის ბრძოლის მემორიალურ შენობებს (სადგური, პლატფორმა, სამართავი პუნქტი) კულტურული მემკვიდრეობის უძრავი ძეგლის სტატუსი მიენიჭა. 

სენაკის მუნიციპალიტეტში ყაჩაღობა მოხდა.
15:31 / 08.08.2020
სენაკის მუნიციპალიტეტში ყაჩაღობა მოხდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.