ახალი ამბები
„ქუთაისის საუნივერსიტეტო ქალაქი გამორჩეული საგანმანათლებლო ცენტრი იქნება“ - გიორგი კვირიკაშვილი
FaceBook
ქუთაისში, პარტია "ქართული ოცნების" რეგიონალურ კონფერენციაზე პრემიერ-მინისტრმა, გიორგი კვირიკაშვილმა ქალაქში  დაგეგმილ ინფრასტრუქტურულ პროექტებზე ისაუბრა.
გამოსვლაში პრემიერმა აქცენტი გააკეთა ტექნოლოგიური უნივერსიტეტის პროექტზე და განაცხადა, რომ ეს იქნება გამორჩეული საგანმანათლებლო ცენტრი.

"აუცილებლად უნდა აღვნიშნო ქუთაისის საუნივერსიტეტო ქალაქის პროექტი, რომელიც ფონდ "ქართუს" დაფინანსებით და მიუნხენის ტექნიკურ უნივერსიტეტთან აქტიური თანამშრომლობით ხორციელდება. ეს მართლაც გამორჩეული საგანმანათლებლო ცენტრი იქნება ჩვენი ქვეყნისთვის. ეს იქნება ფართო რეგიონული დანიშნულების ცენტრი, სადაც მეცნიერები, სწავლულები, სტუდენტები, ერთად იღვაწებენ ჩვენი ქვეყნის ძლიერებისთვის. მჯერა, რომ ქუთაისის სწრაფი და კომპლექსური განვითარება ახალ სიცოცხლეს შესძენს მთელ დასავლეთ საქართველოს. ქუთაისმა უნდა დაიბრუნოს თავისი ისტორიული მნიშვნელობა და მეორე უდიდესი ცენტრი გახდეს ქვეყანაში", - განაცხადა პრემიერმა კონფერენციაზე.

დელეგატებთან შეხვედრაზე, პრემიერმა დაგეგმილ პროექტებზეც ისაუბრა. მისი თქმით, ქუთაისში გაივლის აღმოსავლეთ-დასავლეთის ცენტრალური შემაერთებელი მაგისტრალები, იგეგმება ქუთაისის საერთაშორისო აეროპორტის გაფართოება. აქტიურ ფაზაშია საერთაშორისო ტერმინალის მშენებლობა, 2019 წელს კი ქუთაისის აეროპორტთან, სარკინიგზო სადგურის მშენებლობა დასრულდება.

შეხვედრაზე პრემიერი 28 აპრილს დაგეგმილ არჩევნებსაც შეეხო და "ქართული ოცნების" კანდიდატს, გივი ჭიჭინაძეს წარმატებები უსურვა.

"მინდა, ვისარგებლო შემთხვევით, კიდევ ერთხელ მადლობა გადავუხადო გივი ჭიჭინაძეს და წარმატება ვუსურვო მას იმ ბრძოლაში, რომელსაც დღეს აწარმოებს და დარწმუნებული ვარ, იგი პარლამენტის დეპუტატი გახდება",-განაცხდა პრემიერმა შეხვედრაზე.

"ქართული ოცნების" პარტიული კონფერენცია ქუთაისში, ლადო მესხიშვილის სახელობის დრმატულ თეატრში შედგა. შეხვედრას ძირითადად, ქუთაისის მერიისა და მერიის ააიპების თანამშრომლები, ასევე, საკრებულოს დეპუტატები ესწრებოდნენ.
მერიის თანამშრომელთა ნაწილი, პარტიულ ყრილობას ორგანიზებასაც უწევდა.

ქუთაისის მერიაში აცხადებენ, რომ მერიის ყველა თანამშრომელი, ვინც ყრილობაზე იყო, შვებულებაში იმყოფება.

FaceBook Twitter
მსგავსი სიახლეები
ქუთაისის ტექნოლოგიური
უნივერსიტეტი სსიპ  ქუთაისის საერთაშორისო უნივერსიტეტად
ჩამოყალიბდება.
16:49 / 21.09.2019

ქუთაისის ტექნოლოგიური უნივერსიტეტი სსიპ  ქუთაისის საერთაშორისო უნივერსიტეტად ჩამოყალიბდება.

14 წლის ბიჭი, რომელმაც თერჯოლის სოფელ ჭოგნარში თავი ჩამოიხრჩო,
სავარაუდოდ, თანატოლების მხრიდან ბულინგის მსხვერპლი იყო.
11:37 / 21.09.2019

14 წლის ბიჭი, რომელმაც თერჯოლის სოფელ ჭოგნარში თავი ჩამოიხრჩო, სავარაუდოდ, თანატოლების მხრიდან ბულინგის მსხვერპლი იყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
ქუთაისში 161 საპენსიო ასაკს მიღწეულ პრაქტიკოს მასწავლებელს პედაგოგის სტატუსი ოქტომბრის შუა რიცხვებში შეუწყდება.
ქუთაისში მასშტაბური მსვლელობა "მარში კლიმატისთვის" მოეწყო.
თერჯოლის მუნიციპალიტეტში მოზარდი გარდაცვლილი იპოვეს.
ფონდი "ქართუს" ხელმძღვანელებმა, განათლების მინისტრთან და ქუთაისის ადგილობრივი ხელისუფლების წარმომადგენლებთან ერთად  ქუთაისის საერთაშორისო უნივერსიტეტის სამშენებლო ტერიტორია დაათვალიერეს.
"ჩათვალეთ, რომ ეს არის პრეზენტაცია ქუთაისში" -ასე პასუხობს ფონდი "ქართუს" პროექტების დირექტორი, ვახტანგ ცაგარელი შეკითხვას: რატომ არ გაიმართა  ტექნოლოგიური უნივერსიტეტის პრეზენტაცია ქუთაისში.
ანტისანიტარია და მოუწესრიგებელი გზა - ასეთი სურათი ხვდებათ გელათის მონასტერთან მისულ ვიზიტორებს.
ქუთაისის ცენტრალურ ბაღში მიმდინარე სამეცნიერო პიკნიკზე სკოლის მოსწავლეები  დაშავდნენ.
დღეს იმერეთში სახელმწიფო რწმუნებულმა ზვიად შალამბერიძემ, სამხარეო ადმინისტრაციის თანამშრომლებს, პირველი მოადგილის თანამდებობაზე იოსებ ხახალეიშვილი წარუდგინა.