ახალი ამბები
იმერეთის სამხარეო ადმინისტრაციამ ავტოპარკის მომსახურების ხარჯები გაზარდა
FaceBook
იმერეთის სამხარეო ადმინისტრაციამ, წინა წელთან შედარებით, საწვავისთვის გათვალისწინებული გეგმა 12 000 ლარით გაზარდა.
გუბერნატორის ადმინისტრაცია, წელს, ამ მიზნით 80 000 ლარის დახარჯვას გეგმავს.

საწვავისთვის ამ რაოდენობის თანხა სამხარეომ ბოლოს 2016 წელს გაითვალისწინა. მას შემდეგ გუბერნატორის ადმინისტრაცია საწვავის ხარჯებს ყოველწლიურად ზრდის.

ოფიციალური ინფორმაციის მიხედვით, 2016 წელს გუბერნიამ 50 708 ლარის საწვავი შეიძინა, 2017-ში კი ამ მიზნით, 54 544 ლარი დახარჯა.

გასულ წელთან შედარებით, გაზრდილია მოხმარებული საწვავის რაოდენობის გეგმაც. თუ 2017 წელს სამხარეო ადმინისტრაციამ გეგმაში 38 000 ლიტრი საწვავი მიუთითა, წლევანდელი გეგმის მიხედვით, ადმინისტრაცია წლის განმავლობაში 39 000 ლიტრი საწვავის დახარჯვას გეგმავს.

სამხარეო ადმინისტრაციაში თავდაპირველად განაცხადეს, რომ ბიუჯეტში თანხის გაზრდა საწვავზე ფასის ზრდამ გამოიწვია, თუმცა, რატომ გაიზარდა საწვავის რაოდენობა, მაშინ, როცა იგივე დარჩა იმერეთის გუბერნატორის უფლებამოსილების საზღვრები და მას ისევ 11 რაიონში უწევს გადაადგილება, სამხარეოში ამაზე დამატებითი განმარტებები აღარ გააკეთეს.

საწვავისგან განსხვავებით, წელს 8 000 ლარითაა შემცირებული ტექნიკური მომსახურების ხარჯები.

ჯამში, 2018 წელს იმერეთის სამხრეო ადმინისტრაცია ატოპარკის საწვავით უზრუნველყოფისა და ტექნიკური მომსახურებისთვის 105 000 ლარის დახარჯვას გეგმავს.

იმერეთის სამხარეო ადმინისტრაციას სულ 11  ავტომანქანა ჰყავს, აქედან 5 პიჯია.  


ამავე თემაზე:


Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.