ახალი ამბები
"მეშახტეების დაკოჟრილ ხელებზე დგას ჩვენი ქვეყნის ეკონომიკა " - მდუმარე აქცია ქუთაისში
FaceBook
ქუთაისში ტყიბულის შახტში დაღუპული მეშახტეების პატივსაცემად მდუმარე აქცია გაიმართა. აქციის მონაწილეების მთავარი მოთხოვნა შრომის უსაფრთხოება იყო. 

"ქუთაისი სოლიდარობას უცხადებს ტყიბულს. მეშახტეების დაკოჟრილ ხელებზე დგას ჩვენი ქვეყნის ეკონომიკა და ერთხელ და სამუდამოდ ეს განუკითხაობა სამუშაო ადგილებზე უნდა დასრულდეს", - ამბობს აქციის ორგანიზატორი, ლაშა მესხი. 

"ჩვენ უნდა დავდგეთ ერთად და ეს აქციები არა ერთჯერადი, არამედ პერმანენტული უნდა იყოს, რათა სიტუაცია გამოსწორდეს", - ამბობს ერთე-ერთი აქციის მონაწილე, გიორგი გველესიანი. 

"2018 წლის გასულ სამ თვეში საწარმოო უბედური შემთხვევების შედეგად, (სხვადასხვა სფეროში) ქვეყნის მასშტაბით სამუშაო ადგილზე გარდაიცვალა 18 და მძიმედ დაშავდა 12 ადამიანი. 2017 წელს 41 გარდაიცვალა და 66 მძიმედ დაშავდა. აქედან მხოლოდ ტყიბულის მაღაროებში, გასულ 15 თვეში გარდაიცვალა 11 ადამიანი," - აღნიშნავენ აქციის ორგანიზატორები.

"სოლიდარობა ტყიბულს!" – ამ სლოგანით, ტყიბულელი მეშახტეების მხარდასაჭერად, აქცია-მსვლელობა დღეს თბილისშიც იმართება. შეკრების ორგანიზატორი "აუდიტორია 115"-ია.

აქციის ორგანიზატორების თქმით, მომხდარ ტრაგედიაზე პასუხისმგებლობა სახელმწიფოს ეკისრება, რომელიც წლებია მხოლოდ ინვესტორების ინტერესებს იცავს. აქცია თბილისში 17:00 საათზე დაიწყება.

ტყიბულში, მინდელის სახელობის შახტში ხუთ აპრილს, გამთენიისას ექვსი ადამიანი დაიღუპა. სამი კი დაშავდა. ისინი ამ დრომდე საავადმყოფოში რჩებიან.

მინდელის სახელობის შახტში მომხდარი ფაქტის შედეგად ტყიბულში 13 შვილი დაობლდა.

შსს-მ გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

ტყიბულის მინდელის სახელობის შახტში, 2016-2018 წლებში 12 ადამიანი დაიღუპა.

შახტს საქართველოს ინდუსტრიული ჯგუფის შვილობილი კომპანია, "საქნახშირი" მართავს.


ამავე თემაზე:

შვილები ეძებენ მამას - რეპორტაჟი მეშახტეთა ქალაქიდან

ექვსი მეშახტე, რომელიც სახლში ვერ დაბრუნდა (ვიდეო)

კანონი, რომელიც სიცოცხლეს ვერ იცავს


5 აპრილს ტყიბულში 13 შვილი დაობლდა

შახტის 12 მსხვერპლი - გამოცხადებული სიკვდილის ქრონიკა (ინფოგრაფიკა)

სანქციები, რომელიც "საქნახშირს" მეშახტეების დაღუპვის გამო დაეკისრა

ტყიბულის შახტაში უბედურ შემთხვევას 6 ადამიანის სიცოცხლე შეეწირა

ტყიბულში მუშების დაღუპვაზე შსს განცხადებას ავრცელებს

"საქნახშირის" ადმინისტრაციის პირველი კომენტარი ტყიბულში მუშების დაღუპვაზე

ტყიბულის შახტიდან დაღუპულთა ცხედრები ამოიყვანეს

საქართველოს პრეზიდენტის განცხადება ტყიბულში მომხდარ ტრაგედიაზე

ირაკლი კობახიძე: შრომის უსაფრთხოებისა და შრომითი უფლებების დასაცავად ყველაფერი უნდა გაკეთდეს

"სახეში მომხვდა ჰაერის წნევა" - რას ჰყვება შახტში დაშავებუ
Print E-mail
FaceBook Twitter
მსგავსი სიახლეები
ქუთაისის მერიაში შტატები 24 ადამიანით გაიზარდა.
14:27 / 30.05.2024
ქუთაისის მერიაში შტატები 24 ადამიანით გაიზარდა.
10:57 / 30.05.2024
"რუსული კანონით არ ვიცხოვრებთ!" - ამ დევიზით, 2 ივნისს, ქუთაისში, აქცია-კონცერტი გაიმართება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.