ახალი ამბები
„შეფასებას „უნიჭო“ ვერ მივიღებ“ - თეთრი ხიდის პროექტის ავტორი კრიტიკაზე
FaceBook
"უნიჭო პროექტია". "ვის რაში სჭირდება იმიტირებული თეთრი ქვები, როცა მოაჯირთან მისვლაც კი არ არის საჭირო მდინარე რიონში, ბუნებრივად არსებული, ულამაზესი თეთრი ქვების დასანახად".

"ხიდზე ქვებს რა უნდა, ირგვლივ კაფე-რესტორნებითაა ყველაფერი გადაჭედილი. იქედან გამოსულმა ნასვამმა ხალხმა მოიტეხოს იქნებ მაგ ქვების გამო კისერი", - ასე გამოეხმაურნენ  სოციალური  ქსელის მომხმარებლები თეთრი ხიდის რეაბილიტაციის პროექტს.

საზოგადოების ნაწილმა განახლებული  ხიდის ესკიზი მოიწონა, ნაწილმა კი დაიწუნა. სოციალური ქსელის მომხმარებლებს განსაკუთრებით არ მოეწონათ ხიდზე იმიტირებული თეთრი ქვების განთავსების იდეა.





საზოგადოების კრიტიკა გაუგებარია პროექტის ავტორისთვის.  არქიტექტორის, გია ხუჯაძის  თქმით, დეტალებზე მსჯელობა შეიძლება, თუმცა, საზოგადოების ნაწილის მწვავე კრიტიკას ვერ მიიღებს.

"შეფასებას "უნიჭო" ვერ მივიღებ. ვერ დავიბრალებ იმას, რომ მხოლოდ ჩემი პროექტია, ამაზე არქიტეტქურის სამსახურთან ერთად ვმუშაობდი. ყოველთვის შეიძლება გადაიხედოს, ვიმსჯელოთ ამაზე. ეს არც არის დეტალური პროექტი, უფრო ესკიზია. დაჩქარებულად შემუშავდა იმიტომ, რომ ტენდერზე გატანის დროს ვიზუალი გამოსახულება ჰქონოდა მერიას",  - ამბობს გია ხუჯაძე.

ქუთაისის მერიამ, არსებული ესკიზის მიხედვით, თეთრი ხიდის რეაბილიტაციისთვის ტენდერი უკვე გამოაცხადა, თუმცა, ქალაქის ხელისუფლებას იგივე არ გაუკეთებია პროექტის შემუშავების დროს და ესკიზის შედგენა პირდაპირ გია ხუჯაძეს შესთავაზა.

გია ხუჯაძე ამბობს, რომ მან ესკიზი უსასყიდლოდ შექმნა.

"ჩვენ უსასყიდლოდ დავუმზადეთ პროექტი. ამით მერიამ დროც მოიგო და თანხაც დაზოგა",-განაცხადა გია ხუჯაძემ.

ქუთაისის მერიის არიქტექტურის სამსახურში ამბობენ, რომ პროექტზე კონკურსი იმის გამო არ გამოცხადდა, რომ ხიდი კულტურული მემკვიდრეობის ძეგლია და ესკიზის შეთანხმება სააგენტოსთან მოხდა.

"ეს რომ არ იყოს ძეგლის სტატუსის მქონე, მაშინ გავიტანდით კონკურსზე, მაგრამ ამ შემთხვევაში სააგენტოს წარვუდგინეთ კონცეფცია და ამის მიხედვით შევთანხმდით პროექტზე, რომელიც არქიტექტორმა უსასყიდლოდ დაამზადა და აჩუქა ქალაქს. რაც შეეხება, თეთრ ქვებს, ეს იქნება მსუბუქი მასალისგან დამზადებული, დეკორატიული ქვები, რომელსაც ჩამოსაჯდომის ფუნქციაც ექნება", - განგვიმარტა მერიის არქიტექტურის სამსახურის უფროსის მოვალეობის შემსრულებელმა, ზაზა ჩხიკვაძემ.

თეთრი ხიდის რეაბილიტაციისთვის ქუთაისის მერია ადგილობრივი ბიუჯეტიდან 445 000 ლარს დახარჯავს. 


ამავე თემაზე:

როგორი იქნება რეაბილიტირებული თეთრი ხიდი (ფოტო)

Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.