ახალი ამბები
ქუთაისის მერიის ტრანსპორტის განყოფილებას კომპანიების დაჯარიმების უფლება ჩამოერთვა
FaceBook
ქუთაისში, საქალაქო ტრანსპორტის მძღოლებსა და კომპანიებს, დარღვევის შემთხვევაში,  მერიის ზედამხედველობის სამსახური დააჯარიმებს.
ამ ფუნქციას ადრე ტრანსპორტის განყოფილება ასრულებდა. განყოფილების უფროსი, ირაკლი ცხვედიანი ამბობს, რომ ცვლილება რეორგანიზაციის ფარგლებში მოხდა.

"რატომ აღარ ვასრულებთ ამ ფუნქცია, მიზეზს მე ვერ გეტყვით. ეს მოხდა რეორგანიზაციის ფარგლებში", - ამბობს ირაკლი ცხვედიანი.

მისი თქმით, განყოფილებამ შეინარჩუნა ნებართვების გაცემის, სვლაგეზების დაგეგმარების და სატრანსპორტო პოლიტიკის განსაზღვრის ფუნქცია.

ზედამხედველობის სამსახურის უფროსი, ზვიად ჯავახია ამბობს, რომ გარდა სატრანსპორტო კომპანების დაჯარიმებისა, მის სამსახურს კიდევ რამდენიმე ფუნქცია დაემატა. 

"როგორც იცით, ცალკე სამსახურად გაიყო ზედამხედველობა, რომლის ფუნქციაში შედიოდა ქალაქში მშენებარე ობიექტების შემოწმება და დარღვევის შემთხვევაში მათი დაჯარიმება. ახლა სამსახურს დაემატა დასუფთავების, იჯარის გადაუხდელობის ჯარიმები და მათ შორის, არის გადამზიდავი კომპანიების კონტროლი და დაჯარიმება", - ამბობს მერიის ზედამხედველობის სამსახურის უფროსი, ზვიად ჯავახია.

ქუთაისის მერიაში რეორგანიზაციის ფარგლებში ცალკე ჩამოყალიბდა ზედამხედველობის სამსახური. ადრე ის არქიტექტურის სამსახურთან ერთად არსებობდა.

Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.