ახალი ამბები
ქუთაისის მერია ახალი საახალწლო მორთულობის შესაძენად თანხმობას ელოდება
FaceBook
ქუთაისის მერია საახალწლო აქსესუარებისა და გასანათებელი მოწყობილობების გამარტივებული წესით შესყიდვაზე მთავრობისგან თანხმობას ელოდება.

მერის მოადგილის,  იუზა უგულავას თქმით, საკითხი ხვალ, მთავრობის სხდომაზე  განიხილება და დადებითი პასუხის შემთხვევაში მერია 238 229 ლარის ღირებულების საახალწლო განათებებსა და აქსესუარებს შეიძენს. ამ თანხაში შედის მათი მონტაჟი და დემონტაჟი. 

არსებული ინფორმაციით, იგეგმება მცირე ზომის ნაძვის ხის შეძენაც. თუმცა, დეტალები ჯერ–ჯერობით უცნობია. რაც შეეხება, ქალაქის მთავარ ნაძვის ხეს, რომელიც ტრადიციულად ცენტრალურ მოედანზე იდგმება, მისი ახლით შეცვლა არ იგეგმება. 

"მთავრობის სხდომაზე არის წარდგენილი ჩვენი საკითხი და თუ დადებითად გადაწყდება, ყველაფერს გეტყვით. საუბარია ახალი განათებების შესყიდვაზე,  მთავარი ნაძვის ხე კი იგივე იქნება", - განაცხადა ქუთაისიპოსტთან საუბარში იუზა უგულავამ.

ქუთაისის მერია, საახალწლო განათებების შეძენა-მონტაჟის გამარტივებული წესით შესყიდვის მოტივად, მიმდინარე წლის 6 ნოემბერს, პრეტენდენტის არარსებობის გამო  ტენდერის ჩავარდნასა და არსებული მოწყობილობების სიძველეს ასახელებს. შესყიდვების სააგენტოსთვის 8 დეკემბერს გაგზავნილ წერილში,  ვიცე-მერი, გიორგი იობაშვილი განმატავს, რომ მანათობელი ფიგურების უმრავლესობა მწყობრიდანაა გამოსული.

"როგორც მოგეხსენებათ, ქუჩების საახალწლო მანათობელი ფიგურებით მოწყობისათვის საახალწლო დეკორაციების შესყიდვა-მონტაჟის სახელმწიფო შესყიდვის ელ.ტენდერი არ შედგა. ძველი საახალწლო განათებების უმრავლესობა არის მოძველებული და მწყობრიდან გამოსული. მათი მეშვეობით ქალაქის ძალზედ მცირე ნაწილის მორთვა იქნება შესაძლებელი",-ნათქვამია წერილში.

ქუთაისის მერიამ ახალი განათებების შეძენა-მონტაჟისთვის თანხმობის მისაღებად შესყიდვების სააგენტოს მიმდინარე წლის 8 დეკემბერს მიმართა (SMP170002887).  დოკუმენტაციის მიხედვით, 238 229 ლარით მერიამ 156 ცალი სხვადასხვა სახისა და ვიზუალის მანათობელი ფიგურა უნდა შეიძინოს.  ამ თანხიდან 36 580 ლარი მათი მონტაჟისა და დემონტაჟისთვის დაიხარჯება.

 



Print E-mail
FaceBook Twitter
მსგავსი სიახლეები
პრემიერ-მინისტრმა გიორგი გახარიამ დღეს
ქუთაისის შემოვლითი გზის ერთ-ერთი მონაკვეთი გახსნა.
11:34 / 03.07.2020
პრემიერ-მინისტრმა გიორგი გახარიამ დღეს ქუთაისის შემოვლითი გზის ერთ-ერთი მონაკვეთი გახსნა.
პარლამენტმა
09:13 / 03.07.2020
პარლამენტმა "საარჩევნო კოდექსში" შესატანი ცვლილებების პროექტი მესამე მოსმენით (94 მომხრე, ერთი წინააღმდეგი ) დაამტკიცა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.