ახალი ამბები
ქუთაისის საკრებულოს თავმჯდომარე TI-ს რეკომენდაციებზე
FaceBook
ქუთაისის საკრებულო არასამთავრობო სექტორთან თანამშრომლობას აპირებს.

ამის შესახებ ქუთაისიპოსტთან საკრებულოს თავმჯდომარემ, ნიკოლოზ ლატარიამ "საერთაშორისო გამჭვირვალობა - საქართველოს" მიერ გამოქვეყნებული კვლევის შემდეგ განაცხადა.

დოკუმენტში საუბარია იმ რეკომენდაციებზე, რითაც ორგანიზაცია საკრებულოს მიმართავს. ერთ-ერთი მათგანი საკანონმდებლო ორგანოში გენდერული საბჭოს შექმნას ეხება.

"ქუთაისის მუნიციპალიტეტის მეექვსე მოწვევის საკრებულოს იურიდიულმა კომისიამ მუშაობა უკვე დაიწყო. ჩვენ ვგეგმავთ შევქმნათ გენდერული თანასწორობის საბჭო, რაც ასევე კანონმდებლობით არის გათვალისწინებული," - აცხადებს ნიკოლოზ ლატარია.

"საერთაშორისო გამჭვირვალობა - საქართველო" ქუთაისის საკრებულოს მოუწოდებს დახვეწოს მუშაობის საორგანიზაციო მხარე, შეამციროს რიგგარეშე სხდომების რაოდენობა და მასზე განსახილველი საკითხების რიცხვიც.

"რადგან აღნიშნული ხელს უშლის მოქალაქეთა ჩართულობის უზრუნველყოფას და სხდომაზე განსახილველი საკითხებისთვის მომზადების შესაძლებლობას," - აღნიშნულია კვლევაში.

ამასთანავე, არასამთავრობო ორგანიზაციას აუცილებლობად მიაჩნია ქუთაისის საკრებულოს ჰქონდეს ოფიციალური ვებგვერდი, სადაც განთავსებული იქნება საქმიანობის შესახებ დეტალური ინფორმაცია.

"ქუთაისის მუნიციპალიტეტს უკვე აქვს ვებ-გვერდი, სადაც განთავსებულია ყველა ის ინფორმაცია, რომელიც არის საჯარო და საზოგადოებისათვის საინტერესო. რამდენიმე დღეში, ასევე,  საიტზე განთავსდება ახალი მოწვევის საკრებულოს დეპუტატების პირადი მონაცემები და დეკლარაციები," - განაცხადა ქუთაისის მუნიციპალიტეტის მე-6 მოწვევის საკრებულოს თავმჯდომარემ, ნიკოლოზ ლატარიამ.






Print E-mail
FaceBook Twitter
მსგავსი სიახლეები

საჩხერეში მამის მკვლელობაში ბრალდებულ არასრულწლოვანს
აღკვეთის ღონისძიების სახით პატიმრობა შეეფარდა.
10:50 / 23.02.2020

საჩხერეში მამის მკვლელობაში ბრალდებულ არასრულწლოვანს აღკვეთის ღონისძიების სახით პატიმრობა შეეფარდა.


საქართველოს მორაგბეთა ეროვნულმა
ნაკრებმა რაგბის ევროპის ჩემპიონატის მესამე შეხვედრაში ბელგიის
ეროვნული ნაკრები 78:6 დაამარცხა.
10:45 / 23.02.2020

საქართველოს მორაგბეთა ეროვნულმა ნაკრებმა რაგბის ევროპის ჩემპიონატის მესამე შეხვედრაში ბელგიის ეროვნული ნაკრები 78:6 დაამარცხა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.