ქუთაისიპოსტი

ნაშრომების გაგზავნის ბოლო ვადაა 2015 წლის 21 სექტემბერი

ქუთაისის მერიის კულტურის, სპორტის, განათლების, ძეგლთა  დაცვისა და ახალგაზრდობის საქმეთა სამსახურის ახალგაზრდობის საქმეთა განყოფილების ინიციატივით ქუთაისის საჯარო და კერძო სკოლების X-XI კლასების მოსწავლეებისათვის ცხადდება კონკურსი "პოეზიის ცისფერი ყანწები".
კონკურსის მიზანია შემოქმედებითი ნიჭის მქონე ახალგაზრდების გამოვლენა და წახალისება, "ცისფერყანწელთა" შემოქმედების პოპულარიზაცია.
კონკურსში მონაწილეობის მსურველებმა უნდა გამოაგზავნონ ესსე სამსახურის ელექტრონულ მისამართზე This e-mail address is being protected from spambots. You need JavaScript enabled to view it  ან მიიტანონ ნაშრომი ქუთაისის მერიაში მისამართზე: რუსთაველის ქ.N3, მე-2 სართული, კულტურის, სპორტის, განათლების, ძეგლთა დაცვისა და ახალგაზრდობის საქმეთა სამსახური. (აღნიშნულ თემაზე წარმოდგენილ ესსეს ან ლექსს თან უნდა ერთვოდეს ინფორმაცია: ავტორის სახელი, გვარი, პირადი ნომერი, ასაკი, სკოლის ნომერი, პირადი და სკოლის ტელეფონის ნომრები, ელექტრონული ფოსტის მისამართი).
ნაშრომების გაგზავნის ბოლო ვადაა 2015 წლის 21 სექტემბერი.