ახალი ამბები
ქუთაისში გაზის ტარიფის გაძვირება ათამდე ადამიანმა გააპროტესტა
FaceBook
ქუთაისის მერიის წინ ბუნებრივი აირის გაძვირება პარტია "თავისუფალი საქართველოს" იმერეთის ორგანიზაციის წევრებმა გააპროტესტეს. აქციაზე ათიოდე ადამიანი შეიკრიბა.

"თავისუფალი საქართველოს" ქუთაისის ორგანიზაციის ხელმძღვანელმა, გოგი წულაიამ მთავრობას გაზის ტარიფის გონივრულ ზღვრამდე დაყვანისკენ მოუწოდა.




"ვაპროტესტებ გაზის ტარიფის ზრდას საერთოდ. ასევე, ვაპროტესტებ იმას, რომ თბილისში მოიმატა ხუთი თეთრით, ხოლო ქუთაისში 11-ით, ანუ 30 %-იანი ზრდა გვაქვს, მაშინ როცა 800-900 ოჯახს ქუთაისში ყოველთვიურად გაზი ეჭრება ხუთი და ათი ლარის გადაუხდელობის გამო", - ამბობს გოგი წულაია. 

ისინი, აგრეთვე, ხელმოწერების შეგროვებას ტარიფის გონივრულ ზღვრამდე მიყვანისთვის იწყებენ და აუდიტის სამსახურს მიმართავენ იმის დასადგენად თუ რამდენად სამართლიანად მოხდა გაზის ტარიფის გაძვირება. გოგი წულაია მოთხოვნის შეუსრულებლობის შემთხვევაში სექტემბრისთვის მასიურ გამოსვლებს აანონსებს.

იმერეთში რეგისტრირებული 133 600 აბონენტი გაძვირებული გაზის ტარიფს 20 ივლისიდან იხდის. სემეკის ინფორმაციით, რეგიონებში ბუნებრივი აირის ტარიფი 2 თეთრამდე გაიზარდა. ჯამში, საქართველოს მასშტაბით, ერთ კუბურ მეტრ ბუნებრივ აირზე გადასახადი 7-დან 11 თეთრამდე გაიზარდა.

შეცვლილი ტარიფები 2018 წლის 31 დეკემბრამდე იმოქმედებს.

ამავე თემაზე:

20 ივლისიდან იმერეთის აბონენტებს ბუნებრივ აირზე გაზრდილი საფასურის გადახდა მოუწევთ

"გააძვირონ და ხალხი შეჭამონ" - ქუთაისელები გაზის ტარიფის მომატებაზე (ვიდეო)

FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
დღის სიახლეები
თერჯოლის მუნიციპალიტეტში მოზარდი გარდაცვლილი იპოვეს.
ფონდი "ქართუს" ხელმძღვანელებმა, განათლების მინისტრთან და ქუთაისის ადგილობრივი ხელისუფლების წარმომადგენლებთან ერთად  ქუთაისის საერთაშორისო უნივერსიტეტის სამშენებლო ტერიტორია დაათვალიერეს.
"ჩათვალეთ, რომ ეს არის პრეზენტაცია ქუთაისში" -ასე პასუხობს ფონდი "ქართუს" პროექტების დირექტორი, ვახტანგ ცაგარელი შეკითხვას: რატომ არ გაიმართა  ტექნოლოგიური უნივერსიტეტის პრეზენტაცია ქუთაისში.
ანტისანიტარია და მოუწესრიგებელი გზა - ასეთი სურათი ხვდებათ გელათის მონასტერთან მისულ ვიზიტორებს.
ქუთაისის ცენტრალურ ბაღში მიმდინარე სამეცნიერო პიკნიკზე სკოლის მოსწავლეები  დაშავდნენ.
დღეს იმერეთში სახელმწიფო რწმუნებულმა ზვიად შალამბერიძემ, სამხარეო ადმინისტრაციის თანამშრომლებს, პირველი მოადგილის თანამდებობაზე იოსებ ხახალეიშვილი წარუდგინა.
ქუთაისის ლადო მესხიშვილის სახელობის სახელმწიფო პროფესიული თეატრი 135-ე სეზონზე, ოთხ პრემიერას წარმოადგენს.  
ქუთაისის საკრებულოს ოპოზიცია  სამთვიან ბოიკოტს, სავარაუდოდ, შეწყვეტს და სხდომებზე დაბრუნდება.