ახალი ამბები
"ტორპედოდან" ბოტანიკურ ბაღში - "შოთა მურღულიამ მითხრა, სადმე ვნახავ ადგილს და გადაგიყვანო"
FaceBook
ქუთაისის ბოტანიკური ბაღის ახალი ხელმძღვანელი თემურ ჩეჩელაშვილი ამბობს, რომ არ იცის რა ვადით დაინიშნა დაკავებულ თანამდეობაზე.

"დანიშვნა არ ხდება ვადებით. ვადა რატომ უნდა ეწეროს, მაგი შეიძლება იყოს როცა ხელშეკრულებით აიყვან ადამიანს ერთი წლით ან ორი წლით. ხვალ რომ დავწერო განცხადება, რა ვადა მეტყვის, რომ ვადა არ გაგსვლიაო. ვნახოთ, როგორ გავართმევ თავს. რამდენ ხანს გავუძლებ მე, რამდენ ხანს გამიძლებენ ესენი", - ამბობს თემურ ჩეჩელაშვილი და ირწმუნება, რომ იმ შემთხვევაში, თუკი ვერ შეძლებს დაკისრებული ვალდებულების შესრულებას, პოსტს დატოვებს.

თემურ ჩეჩელაშვილი ქუთაისის საფეხბურთო კლუბ "ტორპედოს" პრეზიდენტი იყო. აღნიშნული თანამდებობა მიმდინარე წლის ივლისში საკუთარი განცხადების საფუძველზე დატოვა.

"როცა წამოვედი იქედან, მაშინ მითხრა შოთამ [ქუთაისის მერი], რომ იყავი პატარა ხანიო, სადმე ვნახავ ადგილს და გადაგიყვანო, როგორც კი გამოთავისუფლდა ეს ადგილი, ესეც მერიის ააიპ-ია, აქ დავინიშნე", - ამბობს თემურ ჩეჩელაშვილი.

ქუთაისის მერიის მედიასთან და საზოგადოებასთან ურთიერთობის განყოფილების უფროსის ეკა მამისეიშვილის თქმით, ამ დროისთვის ჩეჩელაშვილი ბრძანების საფუძველზე ბოტანიკური ბაღის დირექტორის მოვალეობის შემსრულებლად არის დანიშნული. რაც შეეხება ვადას, როგორც მერიაში განმარტავენ, ჩეჩელაშვილი უფროსის მოვალეობას მანამდე შეასრულებს, ვიდრე ქალაქის მერი დირექტორს არ დანიშნავს.

"კარგი მენეჯერი, ერუდირებული, განათლებული, ქუთაისზე შეყვარებული აქტიური მოქალაქე და საქმისადმი ერთგული", - ასე აფასებენ მერიაში ბოტანიკური ბაღის ახალ უფროსს.

თემურ ჩეჩელაშვილი ბოტანიკური ბაღის ხელმძღვანელად თანამშრომლებს ქუთაისის მერმა შოთა მურღულიამ 4 აგვისტოს წარუდგინა, მას შემდეგ, რაც ყოფილმა დირექტორმა ამირან ხვადაგიანმა დაკავებული პოსტი პარტია "სახელმწიფო ხალხისთვის" ქუთაისის ორაგნიზაციაში გადასვლის გამო დატოვა.


Print E-mail
FaceBook Twitter



მსგავსი სიახლეები
ქუთაისის #59-ე საოლქო საარჩევნო
კომისიაში კენჭისყრის დროს 18 საჩივარია შესული.
23:00 / 31.10.2020
ქუთაისის #59-ე საოლქო საარჩევნო კომისიაში კენჭისყრის დროს 18 საჩივარია შესული.
1 970 540 -  ეს გახლავთ
ამომრჩეველთა რაოდენობა, რომელმაც 2020 წლის 31 ოქტომბერს გამართულ
საპარლამენტო არჩევნებში მიიღო მონაწილეობა.
22:44 / 31.10.2020

1 970 540 -  ეს გახლავთ ამომრჩეველთა რაოდენობა, რომელმაც 2020 წლის 31 ოქტომბერს გამართულ საპარლამენტო არჩევნებში მიიღო მონაწილეობა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.