ახალი ამბები
გახსნიდან ორ წელიწადში ტყიბულის ერთადერთ სპორტულ დარბაზში მთლიანადაა შესაცვლელი ჭერი, განმეორებით რეაბილიტაციას საჭიროებს დაზიანებული კედლები და იატაკი.
"წვიმის დროს არ ჩამოდის. თუ მოთოვს და მერე გაიყინება, ის ყინული რომ დნება, იმის წყალი ჩამოდის. მხოლოდ ერთი ოთახია დაზიანებული. თვითონ დარბაზი იდეალურ მდგომარეობაშია. ამინდები არ იყო, რომ შეგვეკეთებია", – ამბობს ვალერი კობახიძე.
ტყიბულის არქიტექტურის სამსახურის უფროსი არ უარყოფს, რომ ორი წლის წინ საზეიმოდ გახნილი შენობა განმეორებით რეაბილიტაციას საჭიროებს, თუმცა, ამბობს, რომ შენობის სახურავი იმ თანხით შეიცვლება, რომელიც კომპანიამ გარანტიის სახით ბიუჯეტში დატოვა.
"შემსრულებელ კომპანიას ხელშეკრულებაში აქვს საგარანტიო თანხა 10 000 ლარი და იმ თანხით მოხდება სახურავის შეცვლა. აუცილებლად უნდა შევცვალოთ იატაკიც და ამისთვის გამოვძებნით თანხებს", – ამბობს ზაზა ზოსიაშვილი.
ჯამში რა დაუჯდება ტყიბულის ბიუჯეტს შენობის ხელახალი რეაბილიტაცია, უცნობია.
როგორც ირკვევა, 2016 წელს, ტყიბულის მუნიციპალიტეტმა სპორტის სასახლე ისე ჩაიბარა, რომ მისი ხარისხი ექსპერტიზის მიერ შემოწმებული არ იყო.
იმის მიუხედავად, რომ სამუშაოების დასრულებიდან მალევე შენობაში წყალი ჩამოვიდა, ხელმძღვანელობას არც მუნიციპალიტეტისთვის მიყენებული ზარალის რაოდენობა დაუდგენია და არც შემსრულებელი კომპანიისთვის მიუმართავს ზიანის ანაზღაურების მოთხოვნით.
ტყიბულის სპორტის სასახლის რეაბილიტაცია სახელმწიფო აუდიტის დასკვნაშიც მოხვდა.
დასკვნის მიხედვით, ინფრასტრუქტურულ პროექტზე არაეფექტურმა კონტროლმა უხარისხოდ შესრულებული სამუშაოების ჩაბარება გამოიწვია. იმის მიუხედავად კი, რომ მუნიციპალიტეტის ხელმძღვანელი პირები 2 წელია ინფორმირებულნი არიან აღნიშნული ხარვეზების შესახებ, პრობლემის მოსაგვარებლად რაიმე სახის ქმედითი ღონისძიებები არ გაუტარებიათ.
ექსპერტიზის გარეშე ჩაბარებული შენობა და წყალში გადაყრილი მილიონები (ფოტო)
14:46 / 14.03.2019
გახსნიდან ორ წელიწადში ტყიბულის ერთადერთ სპორტულ დარბაზში მთლიანადაა შესაცვლელი ჭერი, განმეორებით რეაბილიტაციას საჭიროებს დაზიანებული კედლები და იატაკი.
პრობლემის შესახებ უკვე ორი წელია ცნობილია ტყიბულის
მუნიციპალიტეტისთვის. როგორც სპორტის სასახლის დირექტორი ამბობს,
შენობაში წყალი სისტემატიურად არ ჩამოდის. გარდა ამისა, შემსრულებელმა
კომპანიამ ერთხელ უკვე შეაკეთა დაზიანების ადგილი, თუმცა, უშედეგოდ.
მას შემდეგ კი, დირექტორის თქმით, სამუშაოების დაწყებას
უამინდობა უშლიდა ხელს.
"წვიმის დროს არ ჩამოდის. თუ მოთოვს და მერე გაიყინება, ის ყინული რომ დნება, იმის წყალი ჩამოდის. მხოლოდ ერთი ოთახია დაზიანებული. თვითონ დარბაზი იდეალურ მდგომარეობაშია. ამინდები არ იყო, რომ შეგვეკეთებია", – ამბობს ვალერი კობახიძე.
ტყიბულის არქიტექტურის სამსახურის უფროსი არ უარყოფს, რომ ორი წლის წინ საზეიმოდ გახნილი შენობა განმეორებით რეაბილიტაციას საჭიროებს, თუმცა, ამბობს, რომ შენობის სახურავი იმ თანხით შეიცვლება, რომელიც კომპანიამ გარანტიის სახით ბიუჯეტში დატოვა.
"შემსრულებელ კომპანიას ხელშეკრულებაში აქვს საგარანტიო თანხა 10 000 ლარი და იმ თანხით მოხდება სახურავის შეცვლა. აუცილებლად უნდა შევცვალოთ იატაკიც და ამისთვის გამოვძებნით თანხებს", – ამბობს ზაზა ზოსიაშვილი.
ჯამში რა დაუჯდება ტყიბულის ბიუჯეტს შენობის ხელახალი რეაბილიტაცია, უცნობია.
როგორც ირკვევა, 2016 წელს, ტყიბულის მუნიციპალიტეტმა სპორტის სასახლე ისე ჩაიბარა, რომ მისი ხარისხი ექსპერტიზის მიერ შემოწმებული არ იყო.
იმის მიუხედავად, რომ სამუშაოების დასრულებიდან მალევე შენობაში წყალი ჩამოვიდა, ხელმძღვანელობას არც მუნიციპალიტეტისთვის მიყენებული ზარალის რაოდენობა დაუდგენია და არც შემსრულებელი კომპანიისთვის მიუმართავს ზიანის ანაზღაურების მოთხოვნით.
ტყიბულის სპორტის სასახლის რეაბილიტაცია სახელმწიფო აუდიტის დასკვნაშიც მოხვდა.
დასკვნის მიხედვით, ინფრასტრუქტურულ პროექტზე არაეფექტურმა კონტროლმა უხარისხოდ შესრულებული სამუშაოების ჩაბარება გამოიწვია. იმის მიუხედავად კი, რომ მუნიციპალიტეტის ხელმძღვანელი პირები 2 წელია ინფორმირებულნი არიან აღნიშნული ხარვეზების შესახებ, პრობლემის მოსაგვარებლად რაიმე სახის ქმედითი ღონისძიებები არ გაუტარებიათ.
მსგავსი სიახლეები
13:54 / 08.05.2024
325 789 700 ლარი გრანტის მოცულობაა, რომლითაც საქართველოს 2023 წლის
ბიუჯეტი შეივსო. ინფორმაციას ამის შესახებ აუდიტის
სამსახური ავრცელებს.
13:27 / 08.05.2024
"ქართული ოცნების" პოლიტსაბჭოს გადაწყვეტილებით, შეიქმნება მონაცემთა ბაზა, სადაც განთავსდება ინფორმაცია იმ ადამიანების შესახებ, რომლებიც ''ძალადობაში, სხვა კანონსაწინააღმდეგო ქმედებებში, მუქარასა და შანტაჟში არიან ჩართულნი, ან ამგვარ ქმედებებს საჯაროდ იწონებენ".
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები