ახალი ამბები
"ნუ მომკლავ" – აქცია ქუთაისში
FaceBook
ქუთაისში თბილისში მოკლული მოზარდის დავით სარალიძის მამის მხარდამჭერი აქცია გაიმართა.

აქციის მოთხოვნა, გასული წლის დეკემბერში, ხორავას ქუჩაზე მოზარდებს შორის დაპირისპირებისა და მკვლელობის საქმის ობიექტური გამოძიება იყო. 

"მეც დედა ვარ. დღეს ვარ აქციაზე შვილმოკლული მამის მხარდასაჭერად, რომელიც სამართლიანობას ითხოვს. გვინდა სამართალი სამართლიანად აღსრულდეს და დაისაჯონ მისი შვილის მკვლელები და ნუ იქნება სამართალი შერჩევითი", - ამბობს აქციის მონაწილე, თათია თოლორდავა.

"ადამიანს შვილი მოუკლეს და მკვლელი არ ისჯება. ფაქტობრივად, საერთოდ არ ვიცნობთ ჭირისუფლებს, მაგრამ გამოვედით იმიტომ რომ უსამართლობასთან შეგუება არ შეიძლება", - ამბობს თამარ ნემსიწვერიძე.

გასული წლის პირველ დეკემბერს თბილისში, ხორავას ქუჩაზე, არასრულწლოვნებს შორის მომხდარი ჩხუბის დროს ცივი იარაღით ორი არასრულწლოვანი დაჭრეს. სასწრაფო დახმარების სამსახურმა დაჭრილები რესპუბლიკურ საავადმყოფოში გადაიყვანა, თუმცა გზაში ერთ-ერთი მათგანი გარდაიცვალა. მეორე არასრულწლოვანი ორ დეკემბერს  დაიღუპა.

ფაქტზე შინაგან საქმეთა სამინისტრომ გამოძიება სისხლის სამართის კოდექსის 109-ე მუხლით დაიწყო, რაც განზრახ მკვლელობას გულისხმობს. პოლიციამ 2001 წელს დაბადებული ბრალდებული განზრახ მკვლელობის ბრალდებით ორ დეკემბერს დააკავა. სამ დეკემბერს პროკურატურამ ორი მოზარდი სისხლის სამართლებრივ პასუხისგებაში მისცა.
Print E-mail
FaceBook Twitter
მსგავსი სიახლეები
ქუთაისის მერია მოსწავლე -ახალგაზრდობის
პარკის რეკონსტრუქციას გეგმავს.
15:40 / 04.12.2021
ქუთაისის მერია მოსწავლე -ახალგაზრდობის პარკის რეკონსტრუქციას გეგმავს.
ქუთაისის ახალარჩეული საკრებულოს
წევრებმა წარმომადგენლობითი ორგანოს ლეგიტიმაცია უკვე
ცნეს.
14:08 / 04.12.2021
ქუთაისის ახალარჩეული საკრებულოს წევრებმა წარმომადგენლობითი ორგანოს ლეგიტიმაცია უკვე ცნეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.