ახალი ამბები
კომპანიაში ამბობენ, რომ საკითხზე მუშაობენ, თუმცა, რატომ არ ასრულებენ მერიასთან გაფორმებულ ხელშეკრულებას, ამაზე დამატებით განმარტებებს არ აკეთებენ.
კომპანიას საქალაქო ტრანსპორტის გაჩერების ადგილზე თანამედროვე ტიპის მოსაცდელების მოწყობა 2016 წლის აგვისტოში დაევალა. მან ეს ვალდებულება შპს
"ფერტუნა მედიასგან" გადაიბარა, რომელსაც ასეთივე ინფრასტრუქტურა 111 გაჩერებაზე ჯერ კიდევ 2010 წელს უნდა მოეწყო. პირველ ეტაპზე "ფერტუნა მედიამ" ქალაქის ცენტრალურ უბნებში მართლაც განათავსა 25 მოსაცდელი, 2011 წელს კი 16 გაჩერება მოაწყო, თუმცა, ვალდებულების ბოლომდე შესრულება ვერ შეძლო.
მას შემდეგ კი, რაც "ფერტუნა მედია" კომპანია "ვისოლმა"შეისყიდა, მერიასთან შვიდი წლის წინ გაფორმებული ხელშეკრულების შესრულება მას დაევალა.
ქუთაისის მერიაში მაშინ აცხადებდნენ, რომ აღნიშნულით ქალაქი უფრო მოგებული დარჩებოდა, რადგან "ვისოლმა", მოსაცდელებში დამატებით ყავის აპარატებისა და ბანკომატების დადგმის ვალდებულებაც აიღო, თუმცა, დაპირებიდან წელიწადნახევრის შემდეგ, არც ახალი მოსაცდელები და არც სწრაფი მომსახურების ინფრასტრუქტურა ჩანს. კომპანიას არც ერთი გაჩერება არ მოუწყვია.
ქუთაისის მერიაში არ უარყოფენ, რომ "ვისოლმა" ვალდებულება არ შეასრულა და აცხადებენ, რომ კომპანიის წარმომადგენლებთან შეხვედრას უახლოეს მომავალში გეგმავენ.
ქუთაისიპოსტი აღნიშნული საკითხით ერთი წლის წინაც დაინტერესდა. მაშინ კომპანიაში განაცხადეს, რომ პარტნიორებთან მოლაპარაკებები მიმდინარეობდა, რომლებსაც მოსაცდელებში ყავის აპარატები და ბანკომატები უნდა განეთავსებინათ. ქუთაისის მერიაში კი ამბობდნენ, რომ კომპანია საქალაქო ტრანსპორტის გაჩერებებზე აზომვით სამუშაოებს ატარებდა.
„ვისოლის“ შეუსრულებელი ვალდებულებები და მოსაცდელების გარეშე დარჩენილი ქალაქი
16:54 / 23.01.2018
კომპანია "ვისოლს", რომელსაც ქუთაისში 111 მოსაცდელი 2018 წლის 1
იანვრამდე უნდა მოეწყო, ვალდებულებები ამ დრომდე არ შეუსრულებია.
კომპანიაში ამბობენ, რომ საკითხზე მუშაობენ, თუმცა, რატომ არ ასრულებენ მერიასთან გაფორმებულ ხელშეკრულებას, ამაზე დამატებით განმარტებებს არ აკეთებენ.
"ვმუშაობთ ამ საკითხზე. დამატებით ვერაფერს გეტყვით", - ამბობენ
"ვისოლის" საზოგადოებასთან ურთიერთობის სამსახურში.
კომპანიას საქალაქო ტრანსპორტის გაჩერების ადგილზე თანამედროვე ტიპის მოსაცდელების მოწყობა 2016 წლის აგვისტოში დაევალა. მან ეს ვალდებულება შპს
"ფერტუნა მედიასგან" გადაიბარა, რომელსაც ასეთივე ინფრასტრუქტურა 111 გაჩერებაზე ჯერ კიდევ 2010 წელს უნდა მოეწყო. პირველ ეტაპზე "ფერტუნა მედიამ" ქალაქის ცენტრალურ უბნებში მართლაც განათავსა 25 მოსაცდელი, 2011 წელს კი 16 გაჩერება მოაწყო, თუმცა, ვალდებულების ბოლომდე შესრულება ვერ შეძლო.
მას შემდეგ კი, რაც "ფერტუნა მედია" კომპანია "ვისოლმა"შეისყიდა, მერიასთან შვიდი წლის წინ გაფორმებული ხელშეკრულების შესრულება მას დაევალა.
ქუთაისის მერიაში მაშინ აცხადებდნენ, რომ აღნიშნულით ქალაქი უფრო მოგებული დარჩებოდა, რადგან "ვისოლმა", მოსაცდელებში დამატებით ყავის აპარატებისა და ბანკომატების დადგმის ვალდებულებაც აიღო, თუმცა, დაპირებიდან წელიწადნახევრის შემდეგ, არც ახალი მოსაცდელები და არც სწრაფი მომსახურების ინფრასტრუქტურა ჩანს. კომპანიას არც ერთი გაჩერება არ მოუწყვია.
ქუთაისის მერიაში არ უარყოფენ, რომ "ვისოლმა" ვალდებულება არ შეასრულა და აცხადებენ, რომ კომპანიის წარმომადგენლებთან შეხვედრას უახლოეს მომავალში გეგმავენ.
ქუთაისიპოსტი აღნიშნული საკითხით ერთი წლის წინაც დაინტერესდა. მაშინ კომპანიაში განაცხადეს, რომ პარტნიორებთან მოლაპარაკებები მიმდინარეობდა, რომლებსაც მოსაცდელებში ყავის აპარატები და ბანკომატები უნდა განეთავსებინათ. ქუთაისის მერიაში კი ამბობდნენ, რომ კომპანია საქალაქო ტრანსპორტის გაჩერებებზე აზომვით სამუშაოებს ატარებდა.
მსგავსი სიახლეები
13:02 / 25.04.2024
ქუთაისის მუნიციპალიტეტმა თერჯოლის მუნიციპალიტეტს თავის საკუთრებაში
არსებული, გარე განათების მეორადი სანათები გადასცა.
მედიისა და NGO სექტორის წარმომადგენლები ქუთაისის მერსა და საკრებულოს თავმჯდომარეს შეხვედრაზე იწვევენ
12:12 / 25.04.2024
ქუთაისში მოქმედი არასამთავრობო და მედია ორგანიზაციების
წარმომადგენლები, ზაზა ლომინაძის შემდეგ, შეხვედრაზე ქუთაისის მერსა და
საკრებულოს თავმჯდომარეს იწვევენ.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები