ვიდეო
ხიდები ქუთაისში, რომელთა უსაფრთხოებას არავინ ამოწმებს (ვიდეო)
FaceBook
ქუთაისში ხიდების მდგრადობას, ამ დროისთვის არც ერთი ორგანიზაცია არ ახდენს.

ბოლოს ამ კუთხით შემოწმება ქალაქში არსებული 49 ხიდიდან მხოლოდ ორს, ავტოქარხნისა და ე.წ. სამტრედიის ხიდებს ჩაუტარდათ.

არქიტექტორი და ხიდების მშენებელი, გიორგი წულაძე ამბობს, რომ მათი მდგრადობა თავდაცვის სამინისტრომ, ხიდების სამხედრო დანიშნულების გამო, 4 წლის წინ შეამოწმა.

მისივე თქმით, ქუთაისში არსებული ხიდებიდან ყველაზე არადმგრადი თეთრი ხიდია. მისი რეაბილიტაცია ბოლოს 2011 წელს მოხდა. 
არქიტექტორი გიორგი წულაძე ამბობს, რომ მისი რეაბილიტაციის დროს თეთრი ხიდის რკინის კონსტრუქციებს ბევრი დეტალი მოაკლეს, რის გამოც მისი მდგრადობა საეჭვო გახდა.

თეთრ ხიდზე ავტომობილებით მოძრაობა წლების განმავლობაში აკრძალულია, თუმცა, მასზე ფეხით გადაადგილებაც მოქალაქეებში შიშს იწვევს.




სპეციალისტების განმარტებით, ხიდი საინჟინრო და არქიტექტურული ნაგებობაა, მისი უსაფრთხოებისა და მდგრადობის შემოწმება კი, პერიოდულად უნდა ხდებოდეს.

როგორც გაირკვა, საბჭოთა პერიოდში ხიდების მშენებლობასა და დაპროექტებას ორგანიზაცია „ხიდმშენი“ აწარმოებდა, რომელიც დღეს აღარ არსებობს. ხიდების შემოწმება კი მასზე სხვადასხვა წონის სატვირთო მანქანების მოძრაობით მოწმდებოდა. ამით ადგენდნენ თუ როგორი იყო ხიდის მდგრადობა და იყო თუ არა ის გადახრილი.

რაც შეეხება, ქუთაისში არსებულ ხიდებს, 2014 წელს მხოლოდ აღმაშენებლისა და რუსთაველის ხიდებს მოაჯირებისა და ბორდიურების რეაბილიტაცია ჩაუტარდათ. დამატებით, რუსთაველის ხიდზე ტროტუარიც მოეწყო.

ამ მიზნით მერიამ 2014 წლის მარტში 197 763 ლარად შეფასებული ტენდერი (SPA140008836) გამოაცხადა, რომელშიც გამარჯვებულად შპს „გეგი“ გამოცხადდა. კომპანიამ სამუშაოების შესრულებაში 187 499 ლარი მოითხოვა. შეუსრულებელი ვალდებულებები გამო, მერიასა და შპს „გეგის“ შორის სამართლებრივი დავა დაიწყო.

ადგილობრივი ხელისუფლება მას, დარღვევებისა და სამუშაოების ვადაგადაცილების გამო, 163 000 ლარს ედავებოდა. თუმცა, მერიამ ეს თანხა ვერ მიიღო, რადგან კომპანიას ის არ გააჩნდა. მოგვიანებით, ხიდის რეაბილიტაცია სხვა კომპანიამ დაასრულა.

რუსთაველის, თეთრი და წითელი ხიდების განათებისთვის კი ქუთაისის მერიამ 223 300 ლარად შეფასებული ტენდერი (SPA160016862) გასულ წელს გამოაცხადა. სამუშაოების შედეგად, სამივე ხიდზე სხვადასხვ ფერის სანათები დამონტაჟდა, დამატებით თეთრ ხიდის მიმდებარედ კი თეთრი ქვები განათდა.

ამ დროისთვის ქუთაისში სულ 49 ხიდია. აქედან, მდინარე რიონზე 7 ხიდია, ორი გზაგამტარი - ე.წ სამტრედიისა და ავტოქარხნის ხიდებია, დარნარჩენი კი ქალაქის სხვადასხვა უბანში მდებარეობს. მათი უმეტესობა გასულ საუკუნეშია აგებული.

Print E-mail
FaceBook Twitter
მსგავსი სიახლეები
აკაკი წერეთლის სახელობის სახელმწიფო უნივერსიტეტის სტუდენტს და
თვითმმართველობის წევრს, გიორგი თვარაძეს საზოგადოების დახმარება
სჭირდება.
12:06 / 20.05.2024
აკაკი წერეთლის სახელობის სახელმწიფო უნივერსიტეტის სტუდენტს და თვითმმართველობის წევრს, გიორგი თვარაძეს საზოგადოების დახმარება სჭირდება.
12:09 / 17.03.2024
"ქუთაისისპოსტი"რუბრიკას გთავაზობთ "ვირტუალური გიდი - რუსული ოკუპაციის კვალდაკვალ".

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.