საზოგადოება
"ხელი მკრა და თვალი ჩამოვარტყი მაგიდას" - ქუთაისში მცხოვრები ქალი ყოფილი ქმრის დასჯას ითხოვს
FaceBook
ქუთაისში მცხოვრები 50 წლამდე ასაკის ქალი ყოფილი მეუღლის მხრიდან ფიზიკურ ძალადობაზე საუბრობს და პროკურატურასა და შინაგან საქმეთა სამინისტროს დამნაშავის დასჯისკენ მოუწოდებს.
წინააღმდეგ შემთხვევაში იგი საპროტესტო აქციებით იმუქრება. დაზარალებული ჩვენთან საუბარში ჰყვება, რომ ყოფილმა მეუღლემ მასზე ბოლოს ერთი თვის წინ იძალადა.

"სახლში მომივარდა, ხელი მკრა და თვალი ჩამოვარტყი მაგიდას. ერთხელ ჩემი მკვლელობის მცდელობაზეც დაიჭირეს. პატრული რამდენჯერმე მყავდა გამოძახებული ამ ძალადობების შემდეგ. მაგრამ მაინც არ წყვეტს ამ უბედურებას", – ამბობს მ. ა. ჩვენთან საუბარში.

დაზარალებული გვიყვება, რომ ისინი ქორწინებაში ოთხი წელი იყვნენ. მეუღლემ მასზე ფიზიკური ძალადობა კი შეუღლებიდანვე დაიწყო, რის გამოც განქორწინდნენ.

"მე ქალაქში ვცხოვრობ ორ არასრულწლოვან შვილთან ერთად. ის კი რეგიონში. მაგრამ პერიოდულად მოდის და მაწუხებს. არავის არ ერიდება და ეშინია. არ ვიცი რა უნდა ან რას მერჩის. განქორწინების შემდეგ, სასამართლომ ალიმენტის გადახდა დააკისრა, მაგრამ ამასაც არ იხდის", - ამბობს დაზარალებული.

ის ორ, მე–7 და მე–8 კლასელ, შვილს მარტო ზრდის. დაზარალებული ამბობს, რომ მათი სოციალური მდგომარეობა ძალიან მძიმეა. მას რამდენჯერმე ქუთაისის მერია დაეხმარა. თუმცა, წელს, ამ დახმარების გარეშეც დარჩა.

მერიაში განმარტავენ, რომ ბენეფიციარს მატერიალური დახმარება ყოველწლიურად სარეზერვო ფონდიდან ეძლეოდა. მიმდინარე წელს კი, მისი განცხადება ვერ დააკმაყოფილეს. რადგან, მათივე თქმით, ჯერ აქცენტი იმ გაჭირვებულ ადამიანზე კეთდება, ვისაც ეს დახმარება საერთოდ არ მიუღია.

ქუთაისიპოსტი შეეცადა გაერკვია შინაგან საქმეთა სამინისტროში არის თუ არა პირზე საქმე აღძრული ამ მიზნით ინფორმაცია წერილობით გამოვითხოვეთ.

"თქვენთვის საჭირო ინფორაციის მიღება შესაძლებელი იქნება პერსონალურ მონაცემთა სუბიექტის თანხმობის ან პერსონალურ მონაცემთა დამუშავების კონკრეტული, კანონით გათვალისწინებული, სამართლებივი საფუძვლის ან მიზნის წარმოდგენის შემთხვევაში", - ნათქვამია უწყებიდან გამოგზავნილ წერილში.
Print E-mail
FaceBook Twitter
მსგავსი სიახლეები
ღია ტიპის კაფეების შემდეგ,
მუშაობის განახლებისთვის ემზადებიან რესტორნების მფლობელებიც.
8 ივნისიდან
მუშაობის უფლება მათაც მიეცემათ, თუმცა, მხოლოდ ჯანდაცვის სამინისტროს
რეკომენდაციების დაცვით.
10:10 / 02.06.2020
ღია ტიპის კაფეების შემდეგ, მუშაობის განახლებისთვის ემზადებიან რესტორნების მფლობელებიც. 8 ივნისიდან მუშაობის უფლება მათაც მიეცემათ, თუმცა, მხოლოდ ჯანდაცვის სამინისტროს რეკომენდაციების დაცვით.
ქუთაისში უძველესი
სამკურნალო აბანო, რომელიც საუკუნეებს ითვლის, შესაძლოა, გაქრეს.
თანაც ისე, რომ ამის შესახებ ვერაფერი, უკეთეს შემთხვევაში, ძალიან
გვიან გავიგოთ.
11:03 / 30.05.2020

ქუთაისში უძველესი სამკურნალო აბანო, რომელიც საუკუნეებს ითვლის, შესაძლოა, გაქრეს. თანაც ისე, რომ ამის შესახებ ვერაფერი, უკეთეს შემთხვევაში, ძალიან გვიან გავიგოთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.