საზოგადოება
არგოს გემი, იალქანი, ნიჩბები, ბორჯღალო (მზის მნიშვნელობით), ზღვა, საცხოვრებელი კორპუსები - ამ დეტალებისგან შედგება ნახატი, რომელიც რუსმა მხატვარმა არტემ სტეფანოვმა თვენახევრის წინ შეასრულა.
„ქუთაისიპოსტის“ ინფორმაციით, კედლის მოსახატავად თავდაპირველად მოლაპარაკებები რამდენიმე ადგილობრივ მხატვართან მიმდინარეობდა.
მხატვართა კავშირის ქუთაისის ორგანიზაციაშიც განმარტავენ, რომ შენობის კედელზე ნახატის შესასრულებლად ესკიზი ქუთაისელ მხატვარს გოჩა ჩხაიძესაც ჰქონდა გაკეთებული.
"მაგრამ შემდეგ რა მოხდა, არ ვიცი. უცხოელი ჩამოიყვანეს. ასე ერთპიროვნულად ამის გადაწყვეტას არ მოაქვს არანაირი დადებითი შედეგი. უცხოელი მიიღებს მონაწილეობას თუ ადგილობრივი, უნდა აირჩეს საუკეთესო. ჩვენთვის რომ მოემართათ, დიდი სიამოვნებით მიიღებდნენ ადგილობრივები მონაწილეობას", - ამბობს მხატვართა კავშირის იმერეთის ორგანიზაციის თავმჯდომარე ვალერი მეძმარიაშვილი.
„ქუთაისიპოსტი“ მხატვარ გოჩა ჩხაიძესაც დაუკავშირდა იმის გასარკვევად, იყო თუ არა მასთან მოლაპარაკება და რა მიზეზით ეთქვა უარი. თუმცა, ჩხაიძე ირწმუნება, რომ მასთან არანაირი შეთანხმება არ ყოფილა და საერთოდ, ამ თემაზე საუბარიც არ სურს.
საქართველოს ტურიზმის ეროვნული ადმინისტრაციიდან მერიაში გადმოგვამისამართეს. ქუთაისის ადგილობრივ თვითმმართველობაში აცხადებენ, რომ შენობის კედელზე ნახატის შესასრულებლად ადგილობრივი მხატვრების მოძიება არ მომხდარა.
ქუთაისის მერიამ ააიპ ქუთაისის ტურისტულ–საინფორმაციო ცენტრისთვის ლუდსახარში „მირზაანის“ ყოფილი შენობა 2015 წელს შეიძინა.
ტურიზმის ცენტრი გასული წლის ბოლოს უნდა გახსნილიყო, თუმცა შენობაში ამ დრომდე კეთილმოწყობითი სამუშაოები მიმდინარეობს.
გახსნის გაჭიანურების მიზეზად ტურიზმის საინფორმაციო ცენტრის დირექტორი ტატო ლილუაშვილი ინვენტარის შეტანას და მისი მოწესრიგებას ასახელებს.
მერიის ეკონომიკური განვითარების სამსახურის უფროსი პაატა კლდიაშვილი ირწმუნება, რომ ტურისტულ-საინფორმაციო ცენტრს 2017 წლის თებერვლის ბოლოს გახსნიან.
არგო, ზღვა და მზე - ქუთაისის ტურიზმის ცენტრის მოხატული კედელი (ფოტო)
15:05 / 11.02.2017
ქუთაისის ტურისტულ-საინფორმაციო ცენტრის შენობის პირველ სართულზე
კედელი არგონავტების მითის მიხედვით მოიხატა. რუსი მხატვრის მიერ
შესრულებული ნახატი ქუთაისის მერიას 4950 ლარი დაუჯდა.
არგოს გემი, იალქანი, ნიჩბები, ბორჯღალო (მზის მნიშვნელობით), ზღვა, საცხოვრებელი კორპუსები - ამ დეტალებისგან შედგება ნახატი, რომელიც რუსმა მხატვარმა არტემ სტეფანოვმა თვენახევრის წინ შეასრულა.
ადგილობრივ თვითმმართველობაში აცხადებენ, რომ კედლის მოსახატავად
ხელოვანი ტურიზმის ეროვნულმა ადმინისტრაციამ შეარჩია, რომელსაც თანხა
ქუთაისის მერიის დაქვემდებარებაში მყოფი ააიპ ტურიზმის საინფორმაციო
ცენტრის ბიუჯეტიდან გადაუხადეს.
„ქუთაისიპოსტის“ ინფორმაციით, კედლის მოსახატავად თავდაპირველად მოლაპარაკებები რამდენიმე ადგილობრივ მხატვართან მიმდინარეობდა.
მხატვართა კავშირის ქუთაისის ორგანიზაციაშიც განმარტავენ, რომ შენობის კედელზე ნახატის შესასრულებლად ესკიზი ქუთაისელ მხატვარს გოჩა ჩხაიძესაც ჰქონდა გაკეთებული.
"მაგრამ შემდეგ რა მოხდა, არ ვიცი. უცხოელი ჩამოიყვანეს. ასე ერთპიროვნულად ამის გადაწყვეტას არ მოაქვს არანაირი დადებითი შედეგი. უცხოელი მიიღებს მონაწილეობას თუ ადგილობრივი, უნდა აირჩეს საუკეთესო. ჩვენთვის რომ მოემართათ, დიდი სიამოვნებით მიიღებდნენ ადგილობრივები მონაწილეობას", - ამბობს მხატვართა კავშირის იმერეთის ორგანიზაციის თავმჯდომარე ვალერი მეძმარიაშვილი.
„ქუთაისიპოსტი“ მხატვარ გოჩა ჩხაიძესაც დაუკავშირდა იმის გასარკვევად, იყო თუ არა მასთან მოლაპარაკება და რა მიზეზით ეთქვა უარი. თუმცა, ჩხაიძე ირწმუნება, რომ მასთან არანაირი შეთანხმება არ ყოფილა და საერთოდ, ამ თემაზე საუბარიც არ სურს.
საქართველოს ტურიზმის ეროვნული ადმინისტრაციიდან მერიაში გადმოგვამისამართეს. ქუთაისის ადგილობრივ თვითმმართველობაში აცხადებენ, რომ შენობის კედელზე ნახატის შესასრულებლად ადგილობრივი მხატვრების მოძიება არ მომხდარა.
ქუთაისის მერიამ ააიპ ქუთაისის ტურისტულ–საინფორმაციო ცენტრისთვის ლუდსახარში „მირზაანის“ ყოფილი შენობა 2015 წელს შეიძინა.
ტურიზმის ცენტრი გასული წლის ბოლოს უნდა გახსნილიყო, თუმცა შენობაში ამ დრომდე კეთილმოწყობითი სამუშაოები მიმდინარეობს.
გახსნის გაჭიანურების მიზეზად ტურიზმის საინფორმაციო ცენტრის დირექტორი ტატო ლილუაშვილი ინვენტარის შეტანას და მისი მოწესრიგებას ასახელებს.
მერიის ეკონომიკური განვითარების სამსახურის უფროსი პაატა კლდიაშვილი ირწმუნება, რომ ტურისტულ-საინფორმაციო ცენტრს 2017 წლის თებერვლის ბოლოს გახსნიან.
მსგავსი სიახლეები
18:55 / 04.06.2026
მშობლების 45-დღიანი ქუჩაში დგომის, საზოგადოების მხარდაჭერისა და სტუდენტების მიერ შეგროვებული 2 მილიონ ლარზე მეტი თანხის შემდეგ, პრემიერ-მინისტრი ირაკლი კობახიძე დიუშენის კუნთოვანი დისტროფიის მქონე ბავშვების მშობლებს შეხვდა.
13:24 / 25.05.2026
ორი თვეზე მეტი გავიდა 12 მარტის სტიქიიდან, რომელმაც ტყიბულის სოფელი კურსები ერთ ღამეში შეცვალა — გზები ჩაკეტა, სახლები დააზიანა და 58 ოჯახი იძულებით გაარიდა საკუთარ ცხოვრებას.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები