კვირის თემა
არც ერთი ბრიფინგი, არც ერთი პრესკონფერენცია, საკრებულოს 22 სხდომიდან მხოლოდ სამი დასწრება, არც ერთი მკაფიო განცხადება
სრულად
21:33 / 28.12.2018
ქუთაისში, ჭახათას უბანში აღმოჩენილ მღვიმეს, შესაძლოა, ძეგლის სტატუსი არ მიენიჭოს – ამის შესახებ ქუთაისელი ექიმი, ვახტანგ სიხარულიძე საუბრობს, რომელმაც მღვიმე რამდენიმე კვირის წინ შემთხვევით აღმოაჩინა.
სრულად
22:08 / 09.01.2019
სხვა დროს ჩვეულებრივ ცარიელი და ბნელი დასახლება – ზღაპრულ სოფლად ბავშვებმა აქციეს. 
სრულად
17:09 / 10.01.2019

ვალუტა
EUR
EUR
1
3.2172
GBP
GBP
1
3.6599
RUB
RUB
100
4.6518
USD
USD
1
2.7193
საზოგადოება
არჩევნები, რომელმაც ორად გაყო ქუთაისი
2019 წელს დასრულდება ქუთაისის ტექნოლოგიური უნივერსიტეტი, ამიერკავკასიაში ყველაზე დიდი, ყველაზე მაღალბიუჯეტიანი და 60 000 სტუდენტზე გათვლილი, - მაგრამ ეს მხოლოდ დაპირებაა, ჯერ კიდევ 2016 წელს გაცემული. 2018 წლის მიწურულს, უმაღლეს სასწავლებელს ჰყავს რექტორის მოვალეობის შემსრულებელი, აქვს შემოსაზღვრული ტერიტორია და ბაყაყების ყიყინით გაჯერებული გარემო.

სამაგიეროდ, შესრულდა მეორე დაპირება, - პარლამენტი 2019 წლიდან დედაქალაქს უბრუნდება. 340 მლნ ლარზე მეტი ღირებულების პარლამენტის შენობაში სავაჭრო პალატა, სპორტის სასახლე, ახალგაზრდული ცენტრი, საპოლიციო ჰაბი, უნივერსიტეტი ან ვინ იცის კიდევ რა განთავსდება. ეს მხოლოდ იდეებია და არავინ უწყის, რამდენ ხანს იქნება უმოქმედო პარლამენტის შენობა, როცა საკანონმდებლო ორგანო ქუთაისში მუშაობას შეწყვეტს.

"დატოვე პარლამენტი ქუთაისში" - ამ სლოგანით სამოქალაქო საზოგადოება ხელისუფლებას მიმართავდა, მაგრამ მმართველმა გუნდმა ქუთაისელების თხოვნა ყურად არ იღო.

პრეზიდენტის არჩევნების II ტურის ხმების დათვლა ქუთაისში გარდამავალი უპირატესობით მიმდინარეობდა. პირველადი მონაცემებით გაერთიანებული ოპოზიციის კანდიდატი, გრიგოლ ვაშაძე იმარჯვებდა. საბოლოოდ კი, ხელისუფლების მიერ მხარდაჭერილმა დამოუკიდებელმა კანდიდატმა, სალომე ზურაბიშვილმა 1% უპირატესობა მოიპოვა. ქუთაისში არჩევნების საბოლოო შედეგი ასეთია: სალომე ზურაბიშვილმა ხმების 51.28% მიიღო, გრიგოლ ვაშაძემ კი 48.72%.

პოლიტოლოგი თორნიკე შარაშენიძე მიიჩნევს, რომ შედეგი, რაც ქუთაიში არჩევნებმა აჩვენა, პირდაპირ კავშირშია შეუსრულებელ დაპირებებთან და მოსახლეობის უგულვებელყოფილ მოთხოვნასთან.

"ქუთაისელების პოზიცია სრულიად გასაგებია ჩემთვის. პარლამენტზე ოთხი წელი ატყუეს, ატყუეს და ბოლოს გამოუცხადეს რომ მიაქვთ. ამ ამბავმა ქუთაისელები გააბრაზა. ასევე, არის ტექნოლოგიური უნივერისტეტის მშენებლობაც, რომელიც, როგორც ვიცი, ჯერ კიდევ არ არის დაწყებული. ეს კი ადგილობრივებმა შეურაცხყოფად მიიღეს", – ამბობს პოლიტოლოგი.

ქუთაისში, 2012 წელს, როცა პარლამენტი ამუშავდა და მთავრობის სახლი აშენდა, ხალხს მოლოდინი ჰქონდა, რომ ამ დიდ პროექტს ქალაქის განვითარება მოჰყვებოდა. ამის გამო, "ნაციონალური მოძრაობა" მაშინ დიდი მხარდაჭერით სარგებლობდა. 2012 წლის პარლამენტის არჩევნების შედეგად, ხელისუფლება შეიცვალა. "ქართული ოცნება" ჯერ კიდევ წინასაარჩევნო კამპანიისას აანონსებდა პარლამენტის თბილისში დაბრუნებას. ხელისუფლების ცვლილების შემდეგ, დასრულდა საუბარი მთავრობის ქუთაისში გადაყვანაზე და დაიწყო მსჯელობა საკანონმდებლო ორგანოს დედაქალაქში დაბრუნებაზე. პარლამენტის გადაწყვეტილებით, დეპუტატიები თბილისში იმუშავებენ, ხოლო ქუთაისელების აზრით, ისინი ამით თავიანთი ქალაქის განვითარების პერსპექტივას დაემშვიდობნენ.

"რა თქმა უნდა, ამ საკითხებმაც იქონია დიდი გავლენა. არჩევნებზე ქუთაისელებმა ხმა მისცეს ევროპისკენ სწრაფვას, ერთპარტიული მმართველობის დასასრულს, ქუთაისის განვითარებას და ყველაზე მთავარი, პარლამენტის ქუთაისში დარჩენას", – ამბობს "ნაციონალური მოძრაობის" ქუთაისის ორგანიზაციის ერთ-ერთი ლიდერი გიგა შუშანია.

ქუთაისის საკრებულოს წევრი "ნაციონალური მოძრაობიდან" არჩევნებს "კრიმინალების და ხელისუფლების ერთობლლივ სპეც.ოპერაციად" აფასებს და ამბობს, რომ ხელისუფლებამ კარტოფილის, ხახვის და კრიმინალების ხარჯზე გაიმარჯვა.
"დარღვეული იყო ფარულობა, იყო არნახული ძალადობა და გაყალბება. მაგრამ მაინც გაუჭირდათ დამაჯერებლი მოგება. რეალურად ჩვენ გავიმარჯვეთ ქუთაისში, მაგრამ 2 700 მეტი ბიულეტინი გააბათილეს. აქედან 95% იყო ვაშაძის სასარგებლოდ", – აღნიშნავს "ნაციონალური მოძრაობის" წარმომადგენელი გიგა შუშანია.

ქუთაისის მერისთვის პროცენტულ სხვაობას მნიშვნელობა არ აქვს. გიორგი ჭიღვარიასთვის მთავარია, რომ "ქართული ოცნების" მიერ მხარდაჭერილმა კანდიდატმა გაიმარჯვა.
"მეორე ტურში გრიგოლ ვაშაძის მხარდასაჭერად გაერთიანდნენ ის ოპოზიციური პარტიები, რომლებსაც პირველ ტურში საკუთარი კანდიდატები ჰყავდათ წარდგენილი საპრეზიდენტო არჩევნებზე. შესაბამისად, ამან ოპოზიციის სასარგებლოდ ხმების გაზრდა გამოიწვია", - განმარტავს ქუთაისის მერი.

გიორგი ჭიღვარია პარლამენტის ქუთაისიდან გადატანას და ტექნოლოგიური უნივერსიტეტის მხოლოდ პროექტად დარჩენას, არჩევნების შედეგებში გადამწყვეტ მნიშვნელობას არ ანიჭებს. ამბობს, რომ უნივერსიტეტის მშენებლობის საკითხს ფონდი "ქართუ" კურირებს და სურვილს გამოთქვამს, სასწავლო პროცესის მალე დაწყების თაობაზე. ხელისუფლების შეცდომად კი ხალხთან ნაკლებ კომუნიკაციას მიიჩნევს. "შესაბამისად ჩვენ გვაქვს მეტი ვალდებულება მათ წინაშე მათი პრობლემების გადასაჭრელად", – აღნიშნავს ქუთაისის მერი.

პრეზიდენტის არჩევნების პირველ ტურში გაერთიანებულის ოპოზიციის კანდიდატმა გრიგოლ ვაშაძემ მმართველი გუნდის მიერ მხარდაჭერილ კანდიდატზე სალომე ზურაბიშვილზე 18.07%-ით მეტი ხმა მიიღო. მეორე ტურში, ცესკოს მონაცემებით, ქუთაისში გაიზარდა ამომრჩეველთა რაოდენობა და შთამბეჭდავად მოემატა მხარდამჭერები სალომე ზურაბიშვილს - 20 571. გაერთიანებული ოპოზიციის კანდიდატს კი, პირველ ტურთან შედარებით 7 098 ადამიანით მეტმა დაუჭირა მხარი. საბოლოოდ, მმართველი გუნდის მიერ მხარდაჭერილი კანდიდატის ბედი მხოლოდ 1% გადაწყვიტა.

ფაქტია, ქუთაისში იმ პარტიის მხარდამჭერთა რიცხვი, რომლის პოლიტიკური ველიდან გაქრობის პირობა "ქართული ოცნების" ლიდერმა, ბიძინა ივანიშვილმა ჯერ კიდევ 2012 წელს დადო, არჩევნებიდან-არჩევნებამდე იზრდება, ისევე, როგორც შეუსრულებელი დაპირებების ნუსხა.

| Print |  E-mail
FaceBook Twitter Google
დღის სიახლეები
დღეს, 16 იანვარს, 12:00 საათზე, მოქალაქეები ქუთაისის ყინულის მოედანთან შეიკრიბებიან,
09:16 / 16-01-2019
ერთი ადამიანი გარდაიცვალა ქუთაისში ავტოსაგაო შემთხვევის შედეგად.
20:43 / 15-01-2019
საქართველოში მიწისძვრა მოხდა. მიწისძვრა თბილისის დროით 14:29 წუთზე იყო.
15:31 / 14-01-2019
ქუთაისში მცხოვრებმა ონისე მელქაძემ ძაღლს დაბადების დღე გადაუხადა.
19:08 / 13-01-2019
მსგავსი სიახლეები






ყველა ახალ წელს ახლავს ერთფეროვნება.
ყველა ახალ წელს ახლავს ერთფეროვნება.
10:36 / 13.01.2019






ახალი წლის აღნიშვნის პოეტური ტრადიცია სოფლის პროზაულ გარემოში იოლად
ვერ შემოდის.
ახალი წლის აღნიშვნის პოეტური ტრადიცია სოფლის პროზაულ გარემოში იოლად ვერ შემოდის.
09:20 / 01.01.2019






ქუთაისი არ არის აქციების ქალაქი.
ქუთაისი არ არის აქციების ქალაქი.
12:41 / 31.12.2018






ქუთაისისთვის მიმდინარე წელი არასახარბიელო აღმოჩნდა.
ქუთაისისთვის მიმდინარე წელი არასახარბიელო აღმოჩნდა.
12:15 / 30.12.2018






ქუთაისში არსებული ბარ–რესტორნები სტუმრებს ახალი წლის შესახვედრად
მათთან ეპატიჟებიან.

ქუთაისში არსებული ბარ–რესტორნები სტუმრებს ახალი წლის შესახვედრად მათთან ეპატიჟებიან.

12:07 / 27.12.2018
კალენდარი
«« იანვარი 2019 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.