საზოგადოება
მაღაზიის მშენებლობის გამო სკვერში ნაძვის ხეები მოჭრეს (ვიდეო)
ქუთაისის მერიამ ბუხაიძის ქუჩაზე არსებულ სკვერში მაღაზიის მშენებლობის ნებართვა გასცა.
509 კვ.მ მიწის ნაკვეთზე სავაჭრო ობიექტს მეპატრონე ვარლამ დარსაველიძე აშენებს. მშენებლობის გამო სკვერში უკვე მოიჭრა რამდენიმე ნაძვი. მოჭრილი ხის ტოტები ამ დრომდე სამშენებლო ტერიტორიაზე ყრია.




ვარლამ დარსაველიძემ ბუხაიძის #24-ში სკვერის ნაწილი 2013 წელს, 30 წლიანი იჯარით, აღნაგობის უფლებით მიიღო. ქუთაისის მერიაში ამბობენ, რომ მათ ამის გამო არ შეეძლოთ უარი ეთქვათ მშენებლობის ნებართვის გაცმაზე.

"ვიცით, რომ სკვერია, მაგრამ აღნაგობის უფლებითაა გაცემული 2013 წელს და ჩვენ რა უფლება გვქონდა, რომ არ გაგვეცა ნებართვა მშენებლობაზე? ახლა მერია იწყებს მუშობას ახალ რეგულაციებზე, რომელიც სრულად აღკვეთს რეკრეაციულ ზონაში მშენებლობას", - ამბობს მერიის არქიტექტურის სამსახურის უფროსის მოვალეობის შემსრულებელი, ზაზა ჩხიკვაძე.

რაც შეეხება მოჭრილ ხეებს, ფაქტს უარყოფს სამუშაოების ხელმძღვანელი. ვიტალი ონიანი ქუთაისიპოსტთან საუბარში ამბობს, რომ ადგილზე არც ერთი ხე არ მოჭრილა.

"არავითარი ხეები მე იქ არ მინახავს. ყველაფერი გაკეთდა კანონის შესაბამისად",- ამბობს ვიტალი ონიანი.

ხეების  მოჭრის შესახებ  ბუხაიძის 24-ში მცხოვრებლებმა მერია წერილობით ჯერ კიდევ მშენებლობის დაწყებამდე გააფრთხილეს. მერიის ზედამხედველობის სამსახურში ამბობენ, რომ მათთან მსგავსი შეტყობინება არ შესულა, თუმცა, არსებობს 2018 წლის 28 მაისით დათარიღებული წერილი, რომელიც მერიის ზედამხედველობის სამსახურის უფროსმა ზვიად ჯავახიამ, ზემოთ აღნიშნული ბინის ამხანაგობის თავმჯდომარეს,  ნანა ბონდარენკოს მისწერა. წერილში ჯავახია პასუხობს მოსახლეობის პრეტენზიას ხეების  მოჭრაზე და ამბობს, რომ მისი სამსახური ახორციელებს მკაცრ კონტროლს, რათა არ მოხდეს არსებული გამწვანების ზოლის განადგურება.

"თუკი მოხდება აღნიშნულ მიწის ნაკვეთში არსებული ნარგავების დაზიანება, ჩვენი სამსახურის მიერ გატარდება კანონით გათვალისწინებული ღონისძიებები, - აღნიშნულია წერილში.



ტერიტორიაზე ხეების მოჭრის შემდეგაც იგივეს ამბობს სამსახურის უფროსი. ჯავახიას თქმით, თანამშრომლები ობიექტზე გავლენ და თუ დაფიქსირდა სამართალდარღვევა, შედგება შესაბამისი ოქმი, რომლის საფუძველზეც კანონდამრღვევს სასამართლო დააჯარიმებს.



| Print |  E-mail
FaceBook Twitter Google
სხვა სიახლეები
დღის სიახლეები
ქვაბების ნაკრებზე არსებულ პოპულარობას ბევრი სხვადასხვა ფაქტორი განაპირობებს და ინტერნეტ მაღაზიები მათი სხვადასხვა ბრენდის, მოდელისა და კომპლექტაციით ცდილობენ მიიპყრონ მომხმარებლის ყურადღება.
21:49 / 19-02-2019
სამტრედიის სოფელ ტოლებში ბუნებრივი აირის დაგროვების შედეგად აფეთქება მოხდა.
21:35 / 19-02-2019
ქუთაისში თაბუკაშვილის ქუჩა  #86-ში, სტიქიამ ციბაძეების ოჯახი დააზარალა.
14:29 / 19-02-2019
დღეს, ქუთაისში, წერეთლის  ქუჩა #117 ( ბალახვანში, მე-12 სკოლის მიმდებარედ) სამოქალაქო მოძრაობის ქუთაისის წარმომადგენლობის პრეზენტაცია გაიმართა.
14:07 / 19-02-2019
მსგავსი სიახლეები






ცნობილი ევროპული ბრენდის H&M-ის პარტნიორი ქუთაისური საწარმო
გახდა. 
ცნობილი ევროპული ბრენდის H&M-ის პარტნიორი ქუთაისური საწარმო გახდა. 
14:36 / 13.02.2019
"ვიდრე შეგეძლო, იტალიელებს ბანდი, ახლა თვითონ მოსავლელი რომ ხარ, ჩვენთან ჩამოდი?" – 20 წლიანი ემიგრაციის შემდეგ, ამ სიტყვებით შეხვდნენ ყველაზე ახლობლები.
17:39 / 08.02.2019






დიდხანს ვერ ვეკარებოდი კონვერტით მოტანილ პასუხს. ბოლოს, გავხსენი და
წაკითხული გაჭირვებით გადავეცი დედას, რომ კიბო დავამარცხე...
დიდხანს ვერ ვეკარებოდი კონვერტით მოტანილ პასუხს. ბოლოს, გავხსენი და წაკითხული გაჭირვებით გადავეცი დედას, რომ კიბო დავამარცხე...
21:49 / 04.02.2019






ზესტაფონიდან დედაქალქში ოცნების ასახდენად წავიდა.
ზესტაფონიდან დედაქალქში ოცნების ასახდენად წავიდა.
17:39 / 01.02.2019
"სიცოცხლის ქალაქში" სულ სიკვდილს უყურებენ თვალებში. რაც უფრო ღრმად ჩადიან შახტში, მით უფრო მძაფრდება სასიცოცხლო ემოციები, ისევე, როგორც ერთმანეთის მოფრთხილების სურვილი.
13:17 / 30.01.2019
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ  ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე. The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.