საზოგადოება
ქუთაისის სოციალურ თავშესაფარში ცხოვრებაზე 12-მა ბენეფიციარმა უარი თქვა
FaceBook
ქუთაისში, სოციალურ საცხოვრისში შესახლებულმა 12-მა ბენეფიციარმა თავშესაფარში შესვლაზე უარი განაცხადა.
ჟუჟუნა ჩუბინიძე, რომელიც ერთოთახიანი ბინის მიღებას ელოდა, ამბობს, რომ შენობის პირველ სართულზე, სადაც მას ფართი ერგო, არაიზოლორებულია და არ აქვს კარი. მისი თქმით, ოთახში 3 ადამიანთან ერთად უნდა ეცხოვრა.

ასეთ გარემოს ჟუჟუნა ჩუბინიძემ, ისევ  თამარ მეფის ქუჩაზე, ყოფილი საგრენაჟო ქარხნის ერთ ოთახში ცხოვრება არჩია, სადაც არ აქვს ელემენტარული საყოფაცხოვრებო პირობები, 15 წელია ელექტროენერგიის გარეშე ცხოვრობს და წყალსაც ბოთლებით იმარაგებს.

"სამ უცხო ადამიანთან ერთად როგორ ვიცხოვრო? კარი არ აქვს ოთახს. ეს უფრო ღამის გასათევია, ვიდრე ოთახი. თან გაზიც არ არის და როგორ გავძლებდი ამ სიცივეში გათბობის გარეშე? ისევ, აქ მირჩევნია ცხოვრება, ხანდახან ცეცხლს მაინც დავანთებ შეშა თუ შევაგროვე", - ამბობს ჟუჟუნა ჩუბინიძე.



მის მსგავსად, უსახლკაროთა თავშესაფარში ცხოვრებაზე უარი კიდევ 11-მა ბენეფიციარმა თქვა, რომლებსაც, ასევე, პირველ სართულზე ერგოთ ფართები. მათგან 5-მა წერილობით განაცხადა უარი, ხოლო 7-მა სიტყვიერად.

სოციალური საცხოვრისის ადმინისტრაციაში ამბობენ, რომ ე.წ. ღამის გასათევ ოთახებში არის კომფორტული საწოლები, მატრასები, მცირე ავეჯი და სააბაზანო. შესაბამისად, ცხოვრებისთვის ყველა პირობაა შექმნილი, თუმცა, ბენეფიციართა ნაწილს ასეთი გარემო არ აკმაყოფილებს და მათ ინდივიდუალური საცხოვრებლები სურთ.

ქუთაისის მერიაში ამბობენ, რომ სოციალურ საცხოვრისში ფართების განაწილება ქულების მიხედვით მოხდა, რომელიც რამდენიმე პრინციპით დაითვალეს.

"ჩვენი სამსახური იყო იმ კომისიაში, რომელიც ქულების მიხედვით ანაწილებდა ბინებს. ცხადია, უპირატესობა მიენიჭა დაბალი სოციალური ქულების მქონეებს, მრავალშვილიანებს და კიდევ იყო რამდენიმე კრიტერიუმი, რის მიხედვითაც განისაზღვრა ბენეფიციართა სია,"- ამბობს ქუთაისის მერიის საბინაო სამსახურის უფროსის მოვალეობის
შემსრულებელი, ჯონი არაბიძე.


ნიკეას ქუჩაზე სოციალურ საცხოვრისში, რომელიც ქუთაისის მერიის დაკვეთით, შპს "სანომ" ყოფილი კავშირგაბმულობის შენობაში 2 500 000 ლარად მოაწყო, უსახლკაროებს ბინები მიმდინარე წლის 1 ოქტომბერს გადაეცათ.

სოციალურ საცხოვრისში ამ დრომდე არ არის ბუნებრივი აირი ჩართული. "სოკარ ჯორჯია გაზში" ამბობენ, რომ შენობაში უსაფრთხოების ნორმები დაცული არ არის, რის გამოც გაზის ჩართვა ვერ მოხდება.


ამავე თემაზე:

დარღვეული სტანდარტები და ბუნებრივი აირის გარეშე დარჩენილი ბენეფიციარები
Print E-mail
FaceBook Twitter
მსგავსი სიახლეები
მსოფლიოს რამდენიმე ქვეყანა ახალ
წელს განსხვავებული კალენდრის, ნაწილი კი სხვადასხვა რელიგიური
კანონის გამო 1 იანვარს არ ზეიმობს.
12:09 / 01.01.2020
მსოფლიოს რამდენიმე ქვეყანა ახალ წელს განსხვავებული კალენდრის, ნაწილი კი სხვადასხვა რელიგიური კანონის გამო 1 იანვარს არ ზეიმობს.
ქუთაისის მერია მომავალ წელს,
ადგილობრივი ბიუჯეტის სახსრებით,  შვიდი მილიონი ლარის
ინფრასტრუქტურული პროექტების განხორციელების პირობას დებს, თუმცა, ჯერ
გასული წლების დაპირებებიც არ შეუსრულებია.
11:39 / 17.12.2019

ქუთაისის მერია მომავალ წელს, ადგილობრივი ბიუჯეტის სახსრებით,  შვიდი მილიონი ლარის ინფრასტრუქტურული პროექტების განხორციელების პირობას დებს, თუმცა, ჯერ გასული წლების დაპირებებიც არ შეუსრულებია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.