სამართალი
წყალტუბოში მოკლული მოზარდის ახლობლები ბრალდებულის ოჯახის სოფლიდან გასახლებას ითხოვენ
FaceBook
წყალტუბოში მოკლული 17 წლის, თორნიკე ბაღაშვილის ოჯახის წევრები, მკვლელობაში ბრალდებულის ოჯახის სოფლიდან გასახლებას ითხოვენ.
მათი თქმით, ბრალდებულ ი.ტ. რომელმაც გამოძიების ინფორმაციით, ყოფილ თანაკლასელს, გულის არეში დანით სასიკვდილო ჭრილობა მიაყენა, უმკაცრესად უნდა დაისაჯოს, მისი ოჯახის წევრებმა კი,  სოფელი უნდა დატოვონ.

"წლები გავა და ის ციხიდან გამოვა. რაც უნდა მიუსაჯონ, ეს ჩვენთვის შვება ვერ იქნება. კიდევ დაგვრჩა შვილები და შვილიშვილები და უკვე გვეშინია რამე უბედურება არ მოხდეს. მოვითხოვთ, წავიდნენ ამ სოფლიდან", - ამბობს მოკლულის ბებია.

ოჯახის წევრებს ბრალდებულსა და მოკლულს შორის კონფლიქტის არსებობაზე ინფორმაცია არ აქვთ. თუმცა, ამბობენ, რომ ი.ტ.-ს უარყოფითი რეპუტაცია ჰქონდა. მათივე თქმით, შემთხვევამდე ორი დღით ადრე, ი.ტ. გარდაცვლილს სატელოფონო შტყობინებებს უგზავნიდა და დაჟინებით სთხოვდა შეხვედრას. ოჯახის წევრებმა ამის შესახებ მკვლელობამდე არაფერი იცოდნენ.

"ჩვენთვის არ უთქვამს. მერე ვნახეთ სმს-ები. ტელეფონი მოუპარია ამ ბიჭს ვიღაც გოგოსთვის და თორნიკეს აბრალებდა, შენ უთხარი იმ გოგოს ჩემი მისამართი და რატომ მომიგზავნე სახლშიო. შეურაცხმყოფელ სმს-ებს წერდა და შეხვედრას სთხოვდა", - ამბობს გარდაცვლილის ბებია.

ბრალდებული და გარდაცვლილი თანასოფლელები იყვნენ და წლების განმავლობაში ერთ კლასში სწავლობდნენ. მოკლული თორნიკე ბაღაშვილი ოფშკვითის საჯარო სკოლის მე-12-ე კლასის მოსწავლე იყო. ბრალდებულმა იგივე სკოლა მე-11-ე კლასის დასრულებამდე  დატოვა და ძმასთან ერთად საცხოვრებლად თბილისში გადავიდა, სადაც დისტრიბუტორად მუშაობდა.

ოფშკვითის სკოლის დირექტორი და პედაგოგები მკვლელობის შესაძლო მიზეზებზე ვერ საუბრობენ და ამბობენ, რომ კლასელებს შორის კონფლიქტი არასდროს მომხდარა.



ბრალდებულ ი.ტ.-ს ბებიას, ფოთოლა ტორაძეს, მისი შვილიშვილის მიერ კლასელის მოკვლის ვერსიის ბოლომდე არ სჯერა და ამბობს, რომ ურჩევნია გამოძიების დასრულებას დაელოდოს.

"არ ვიცი რა მოხდა. ერთად გაზრდილები იყვნენ, ერთ კლასში სწავლობდნენ, როგორ მოკლავდა მის თანაკლასელს? დაველოდოთ გამოძიებას, ყველაფერი მალე გაირკვევა და თუ ჩემი შვილიშვილი დამნაშავეა, დაისაჯოს",  - ამბობს ფოთოლა ტორაძე.

17 წლის თორნიკე ბაღაშვილის განზრახ მკვლელობაში ბრალდებულ ი.ტ.-ს ქუთაისის საქალაქო სასამართლომ მიმდინარე წლის 5 დეკემბერს, ორთვიანი წინასწარი პატიმრობა შეუფარდა.

Print E-mail
FaceBook Twitter
მსგავსი სიახლეები


შინაგან საქმეთა სამინისტროს თბილისის პოლიციის დეპარტამენტის
დიდუბე-ჩუღურეთის რაიონული სამმართველოს თანამშრომლებმა, ჩატარებული
ოპერატიულ-სამძებრო და საგამოძიებო მოქმედებების შედეგად, ქურდობის
ბრალდებით, 1981 წელს დაბადებული მ.ტ. დააკავეს.
12:00 / 18.09.2019

შინაგან საქმეთა სამინისტროს თბილისის პოლიციის დეპარტამენტის დიდუბე-ჩუღურეთის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ქურდობის ბრალდებით, 1981 წელს დაბადებული მ.ტ. დააკავეს.

სამტრედიის ბაღებში ცხენის
ხორცის შეტანის ფაქტზე დაკავებულ ნუგზარ  მარკოიძეს, 
ქუთაისის საქალაქო სასამართლომ 20 000 ლარიანი  გირაოს სანაცვლოდ
გათავისუფლებაზე უარი უთხრა.
16:25 / 17.07.2019

სამტრედიის ბაღებში ცხენის ხორცის შეტანის ფაქტზე დაკავებულ ნუგზარ  მარკოიძეს,  ქუთაისის საქალაქო სასამართლომ 20 000 ლარიანი  გირაოს სანაცვლოდ გათავისუფლებაზე უარი უთხრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.