პოლიტიკა
"დროა, საქართველოში შავი ჯიპების ეპოქა დავასრულოთ" - გიორგი კვირიკაშვილი
FaceBook
"ვფიქრობ, დროა, საქართველოში შავი ჯიპების ეპოქა დავასრულოთ, რადგან ეს ყველას აღიზიანებს და არ დაგიმალავთ, მეც, მათ შორის.
ეს არის გარკვეულად დამკვიდრებული პრაქტიკა და ვფიქრობ, როდესაც საუბარი იქნება ავტოპარკის შეცვლაზე, ჩვენ ამ შავ ფერზე უარი უნდა ვთქვათ", - განაცხადა დღეს მთავრობის სხდომაზე პრემიერ-მინისტრმა გიროგი კვირიკაშვილმა. 

პრემიერის თქმით, დროა, ქვეყანა გადავიდეს ეკოლოგიურად სუფთა ტრანსპორტზე. 

"ჩავანაცვლოთ ავტომანქანები, პირველ რიგში მინისტრების დონეზე, მაგრამ ეს არა მხოლოდ მთავრობის, არამედ მთლიანად ხელისუფლების წარმომადგენლებს ეხებათ, მათ შორის ძალოვან უწყებებსაც. არავის დაუწერია წესი, რომ მაინცდამაინც შავი ჯიპით უნდა იაროს თუნდაც სამართალდამცავმა. ეს პროცესი დაიწყება მინისტრებისგან, მაგრამ თანდათან გავრცელდება ყველგან. ამას ერთბაშად ჩვენ ვერ გავაკეთებთ, რა თქმა უნდა, ამას დიდი ფინანსური რესურსი დასჭირდება, მაგრამ დავიწყოთ მინისტრებმა და შემდეგ მოგვბაძავენ სხვებიც.

მე უკვე ვესაუბრე სახელმწიფო დაცვის სპეციალური სამსახურის ხელმძღვანელს და თუ დელეგაციების დახვედრისას, თუ ამას მოითხოვს ეტიკეტი, შეიძლება, გამონაკლისი დავუშვათ. არც ერთი სხვა შემთხვევა ჩემთვის მისაღები არ იქნება, პირდაპირ ვამბობ ამას.

მგონია, რომ შავი მანქანების ეპოქა უნდა დავასრულოთ. საერთაშორისო ორგანიზაციები თეთრი მანქანებით მოძრაობენ და არ მგონია, რომ სხვა ფერის მანქანით სარგებლობა უსაფრთხოების კუთხით რაიმე კომპრომისს უკავშირდებოდეს.

ამიტომ, მინდა, კიდევ ერთხელ ვთქვა, რომ საპილოტე ნაბიჯი, რომელიც შინაგან საქმეთა სამინისტროში ყველამ ერთად განვახორციელეთ, იყო იაპონიის მთავრობისგან ძალიან დიდი საჩუქარი. იგივე სტანდარტი ჩვენ, თანდათან, მთელს მთავრობაში უნდა მივიღოთ და უარი ვთქვათ შავი, დაბურული ჯიპებით სიარულზე", - განაცხადა სხდომაზე გიორგი კვირიკაშვილმა.
Print E-mail
FaceBook Twitter
მსგავსი სიახლეები
ქუთაისის
მერიის მიმდებარე ტერიტორიაზე პერფორმანსი 
სახელწოდებით
11:54 / 27.02.2020
ქუთაისის მერიის მიმდებარე ტერიტორიაზე პერფორმანსი  სახელწოდებით "გააპარტყუნე ყურების"  გაიმართა.

სანახაობის ორგანიზატორი  არასამთავრობო ორგანიზაცია "უბან- არტი" იყო, რომელთა წარმომადგენლებმა მერიის მიმდებარე ტერიტორიაზე სიმბოლურად ყურის ფორმები მიიტანეს. 

"ერთი წელია ხელოვნების პარკის მოწყობას ვითხოვთ, სადაც იქნებოდა გალერეა, მუზეუმები და საგანმანათლებლო დაწესებულებები, ადგილობრივმა ხელისუფლებამ რეაგირება არ მოახდინა, ცენტრალურ ხელისუფლებასაც მივმართეთ, თუმცა შედეგი არც ამან გამოიღო, ამ აქცია-პერფორმანით ჩვენ ხელისუფლებას მოვუწოდებთ გააპარტყუნონ ყურები სანამ დროა", -  ამბობს  "უბან-არტის" ხელმძღვანელი ხვიჩა დოღონაძე.

არასამთავრობო  ორგანიზაციის წარმომადჰენელბი  ქალაქის ტერიტორიაზე  ხელოვნების პარკისთვის ტერიტორიის გამოყოფას მოითხოვენ. 









ქუთაისში, აფთიაქების ნაწილში სამედიცინო
ნიღბების დეფიციტია, ნაწილი ე.წ. პირბადეს თითქმის გაოთხმაგებულ ფასად
ყიდის, რამდენიმე აფთიაქი კი შეზღუდული რაოდენობით
გასცემს.
10:51 / 27.02.2020

ქუთაისში, აფთიაქების ნაწილში სამედიცინო ნიღბების დეფიციტია, ნაწილი ე.წ. პირბადეს თითქმის გაოთხმაგებულ ფასად ყიდის, რამდენიმე აფთიაქი კი შეზღუდული რაოდენობით გასცემს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.