სოციალურ-ეკონომიკური სირთულეები, დასაქმების ნაკლებობა და მზარდი მიგრაცია — ეს ის მთავარი საკითხებია, რომლებზეც ჭიათურის მცხოვრებლები „ქუთაისიპოსტის“ მიერ შემთხვევითი შერჩევის პრინციპით ჩატარებულ ვიდეოგამოკითხვაში საუბრობენ.
ადგილობრივების თქმით, ქალაქში ცხოვრების პირობები რთულია და
მოსახლეობის დიდი ნაწილი არსებული მდგომარეობით უკმაყოფილოა. მათი
შეფასებით, მოქალაქეების ყოველდღიურ ცხოვრებაზე განსაკუთრებით
უარყოფითად აისახება სამუშაო ადგილების სიმცირე და გაზრდილი
ფასები.
გამოკითხულთა თქმით, სწორედ დასაქმების პრობლემა აიძულებს ბევრ ადამიანს, ქვეყანა დატოვოს და სამუშაო საზღვარგარეთ ეძებოს.
მოქალაქეები ასევე აცხადებენ, რომ პროდუქტებისა და მომსახურების
ღირებულება მუდმივად იზრდება, რაც ოჯახების ფინანსურ მდგომარეობას
კიდევ უფრო ართულებს.
გამოკითხულები მიგრაციას ერთ-ერთ ყველაზე მწვავე გამოწვევად მიიჩნევენ
და ამბობენ, რომ ეს პრობლემა მხოლოდ ჭიათურას არ ეხება.
„მიგრაცია მარტო ჭიათურას კი არ ეხება, მთელს საქართველოს ეხება“, —
ამბობს ერთ-ერთი ადგილობრივი.
მოსახლეობის ნაწილი ფიქრობს, რომ არსებული პრობლემების
გადასაჭრელად მეტი ყურადღებაა საჭირო როგორც ადგილობრივ, ისე
ცენტრალურ დონეზე.
ნახეთ ვიდეოგამოკითხვა:
რუბრიკა „ქუთაისი დღეს“ ქუთაისის სხვადასხვა უბანსა და ქალაქისთვის მნიშვნელოვან ლოკაციებს დაეთმობა.
მასალის გამოყენების პირობები