ვიდეო
ნინო სურგულაძე პირველი ქალი საოპერო მომღერალია, რომელმაც „ჰიმნი ქუთაისს“ შეასრულა (ვიდეო)
FaceBook

ქუთაისში გამართულ საქველმოქმედო გალა-კონცერტზე მომღერალმა ნინო სურგულაძემ, ქუთაისის ოპერის თეატრის გუნდათან და ორკესტრთან ერთად, პირველად იმღერა რეზო ლაღიძის  (ლექსის ავტორი იოსებ ნონეშვილი) „ჰიმნი ქუთაისს.

იგი ერთადერთი ქალი მომღერალია, რომელმაც ეს ჰიმნი შეასრულა.

„ჰიმნი ისეთი ჟანრია, რომელსაც ქალები არ ასრულებენ. იწერება გუნდისთვის და სოლისტისთვის. რეზო ლაღიძემ დაწერა ბარიტონისთვის. დავით გამრეკელი მღეროდა, ცნობილი შესრულება იყო. ნინო სურგულაძეს იმდენად უნდოდა ქუთაისზე რაიმე ემღერა გუნდთან ერთად, ეს ყველაზე კარგი ვარიანტი იყო, ამიტომ გადაწყვიტა“, - ამბობს ქუთაისის ბალანჩივაძეების სახელობის ოპერის თეატრის სამხატვრო ხელმძღვანელი ირინე ლომინაძე.

ირინე ლომინაძის შეფასებით მომღერალმა ჰიმნის შესრულებას თავი კარგად გაართვა.

„ფანტასტიკურად გამოუვიდა. ძალიან კარგად იმღერა. კარგი ჟესტი იყო. ნინოს შეეძლო ათასი სხვა რამ ემღერა, მაგრამ ქუთაისთან დაკავშირებული სიმღერა  უნდოდა, რომ ამით ერთგვარად ვალი მოეხადა და სამადლობელი სიტყვა ეთქვა" - აღნიშნავს ირინე ლომინაძე.
აღსანიშნავია რომ ნინო სურგულაძემდე სიმღერის „ჰიმნი ქუთაისს“ საესტრადო შესრულება თამარ გვერწითელს ეკუთვნის.

კონცერტს ნინო სურგულაძის საერთაშორისო საქველმოქმედო ფონდი "ნატვრის ხე“ ახორციელებდა. მერვე კონცეტრი გახლდათ ამ ეგიდით ჩატარებული,  თუმცა პირველი  - რომელიც საქართველოს რეგიონში გაიმართა.

მასში მონაწილეობდნენ ტენორი ანტონელო პალომბი, ბულგარელი მეცო-სოპრანო ვესელინა კაზაროვა და პოლონელი ბანი რაფელ სივეკი.

გალა-კონცერტში ასევე მონაწილეობას იღებდა ანა ჭანია, ქუთაისის მელიტონ ბალანჩივაძის სახელობის ოპერისა და ბალეტის სახელმწიფო სიმფონიური ორკესტრი და გუნდი, რომელსაც მაესტრო რევაზ ჯავახიშვილი დირიჟორობდა.

საქველმოქმედო კონცერტზე შემოსული თანხით ფონდმა სამ ბავშვს გაუწია დახმარება ქუთაისსა და სამტრედიაში.

„ნატვრის ხემ“ თავისი არსებობის განმავლობაში 70 ბავშვს აჩუქა სიცოცხლე და დაეხმარა 300-მდე ოჯახს.

Print E-mail
FaceBook Twitter
მსგავსი სიახლეები






ევროპა და ევროპელობა სხვაგვარად აღიქმება და ინტერპრეტირდება
მამებისა და შვილების თაობებში.
18:36 / 01.07.2020
ევროპა და ევროპელობა სხვაგვარად აღიქმება და ინტერპრეტირდება მამებისა და შვილების თაობებში.
ხარაგაულის მუნიციპალიტეტის სოფელ უბისას მცხოვრებლებს გზის,
ბუნებრივი აირის, სამანქანო ხიდის არ არსებობა ერთდროულად აწუხებს.
17:44 / 28.06.2020
ხარაგაულის მუნიციპალიტეტის სოფელ უბისას მცხოვრებლებს გზის, ბუნებრივი აირის, სამანქანო ხიდის არ არსებობა ერთდროულად აწუხებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.