ვიდეო
"ამ ქალაქშიც შეიძლება განვითარება'' - სტუდენტები ქუთაისიდან (ვიდეო)
FaceBook

ქუთაისელი ახალგაზრდების დიდი ნაწილი ქალაქს განათლების მიღებისა თუ დასაქმების მიზნით ტოვებს და დედაქალაქს სტუმრობს.


ქუთაისი მათი სახით დიდ რესურსს კარგავს, თუმცა არიან ახალგაზრდებიც, რომლებიც თბილისში წასვლას მშობლიურ ქალაქში დარჩენას ამჯობინებენ.

 


თეკლა ნიქაბაძე და ნიკა ჭეიშვილი ახალგაზრდების იმ მცირე ნაწილს მიეკუთვნებიან, რომლებმაც პიროვნული და პროფესიული განვითარების არეალად ქუთაისი აირჩიეს.  გადაწყვეტილება არასდროს უნანიათ. ამბობენ, რომ უკეთესი ცხოვრების მიზნით მშობლიური ქალაქის დატოვება გამოსავალი არ არის. 

თეკლა და ნიკა წერეთლის უნივერსიტეტში, სამართლის სპეციალობის მე-3 კურსზე სწავლობენ. ნიკას სამსახური ჯერ არ აქვს, თუმცა სტიპენდიანტია და იმედი აქვს, რომ მომავალში თავისი პროფესიით დასაქმდება.  თეკლა ერთ-ერთ ფიტნეს-ცენტრში ადმინისტარორის პოზიციაზე მუშაობს. ამბობს, რომ სამსახური ადამიანებთან ურთიერთობასა და სხვადასხვა უნარის დახვეწაში ეხმარება.

.


ამ სტუდენტების  მსგავსად აკაკი საღინაძემ საკუთარი ცხოვრება მშობლიურ ქალაქს დაუკავშირა და გადაწყვეტილებითაც კმაყოფილია. წლების წინ, როცა აბიტურიენტი იყო, მეგობრები და ახლობლები თბილისში ჩაბარებას ურჩევდნენ, თუმცა, საბოლოოდ არჩევანი  მაინც ქუთაისზე შეაჩერა.  დღეს წერეთლის უნივერსიტეტში, ბიზნეს ადმინისტრირების მე-4 კურსზე სწავლობს. ამავდროულად, ქუთაისის უნივერსიტეტში, სერთიფიცირებული პროგრამების კოორდინატორია.


,,მთავარია ახალგაზრდებმა იპოვონ საქმე, რომელიც უყვართ და ნებისმიერ ქალაქში შეძლებენ განვითარებას. შიდა მიგრაცია ერთ-ერთი სერიოზული პრობლემაა, არ არის აუცილებელი წარმატების მისაღწევად მაინცდამინც ქალაქიდან წასვლა, აქაც შეიძლება მოიწყო უკეთესი ცხოვრება. თუ რაიმე არ მოგვწონს, ერთადერთი გამოსავალი არსებობს- შევცვალოთ იგი. ჩვენ უნდა შევქმნათ უკეთესი გარემო’’- ამბობს აკაკი საღინაძე.



Print E-mail
FaceBook Twitter
მსგავსი სიახლეები
ქუთაისიპოსტი აგრძლებს რუბრიკას
10:20 / 03.06.2020
ქუთაისიპოსტი აგრძლებს რუბრიკას " ბლიც Post"-ს.
საჩხერის სოფელ
არგვეთაში ადგილობრივებს  წყლის მიწოდების პრობლემა
აქვთ.
11:40 / 02.06.2020
საჩხერის სოფელ არგვეთაში ადგილობრივებს  წყლის მიწოდების პრობლემა აქვთ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.