ვიდეო
მუზეუმის ყოფილი შენობა, როგორც საპირფარეშო (ვიდეო)
FaceBook

ქუთაისის ისტორიული მუზეუმის ყოფილი შენობა რვა წელია  მიტოვებულია.


ის  უფუნქციოდ მას შემდეგ დარჩა, რაც სამუზეუმო ექსპონატები პუშკინის ქუჩაზე, ბანკის ყოფილ შენობაში გადაიტანეს. მას შემდეგ შენობის ბედით არავინ დაინტერესებულა.

ადგილობრივმა ხელისუფლებამ წლების განმავლობაში მისი შესასვლელის დაცვაც ვერ უზრუნველყო, რის გამოც, შენობა განადგურდა. ადგილობრივები მას საპირფარეშოდ იყენებენ. უკიდურეს ანტისანიტარიაში ღამეს ათევენ უსახლკაროები.

 

ქუთაისის მერია,   მიტოვებული შენობის ამორტიზებულ ფასადს, წლების განმავლობაში პიარისთვის იყენებს. შენობამ ქალაქის ცენტრის იერსახე რომ არ დაამახინჯოს,  მასზე,  ქალაქში განხორციელებული ინფრასტრუქტურული სამუშაოების  ამსახველ ბანერებს აკრავენ.




მუზეუმის ყოფილი შენობის შესყიდვას და იქ  "ქორთიარდ მარიოტის" ბრენდის სასტუმროს აშენებას ბიზნესმენი თემურ ჭყონია ჯერ კიდევ 2017 წელს გეგმავდა. ამ მიზნით იგი მოლაპარაკებებს ეკონომიკის სამინისტროსთან ახორციელებდა, თუმცა, მოგვიანებით პროცესი შეჩერდა. ახლა კი ირკვევა, რომ სამინისტრომ შენობა მიწის ნაკვეთთან ერთად სახელმწიფო საპარტნიორო ფონდს გადასცა.

ამის მიუხედავად, სავარაუდოდ, არ შეცვლილა თემურ ჭყონიას გეგმა,  თუმცა, ახლა ბიზნესმენი ამას,  სავარაუდოდ, სახელმწიფოს დახმარებით გააკეთებს.

საპარტნიორო ფონდში ადასტურებენ, რომ მუზეუმის ყოფილ შენობაში სასტუმროს მშენებლობის გეგმა განიხილება,  თუმცა, არც ბრენდს და არც ობიექტის მშენებლობით დაინტერესებული პირის ვინაობას არ ასახელებენ.



Print E-mail
FaceBook Twitter
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.